[QOO_CCW]

昨天,到永"盛"諗住睇部D2X,點知,比個SALES吹到我"啤"一聲,價錢佢地唔標已經係慣事,咁我咪問佢賣咩價囉,心知佢一定比鐳"社"平D,點知,個粉腸SALES同我講:呢部機?呢部機而家賣緊特價囉!咁我再問:即係咩價呀?個SALES就話啦:你係咪買丫?現金定VISA呀?咁我再問:咁即係咩價呀?佢就話啦:如果未買住,咪特價囉!我話:下?乜你黎咁神秘架?價錢都唔講得架?咁佢就話啦:唔係唔報,不過CHECK價就唔報姐....跟住我話叫佢經理出黎要投訴,佢就同我講:啦!CHECK價還CHECK價丫,咪玩野呀!.....我好想爆粗的時候,我太太就拉住我離開,否則,我一定嘈佢!

個SALES係四眼仔,高高瘦瘦的!好吋!

[Kenting]

一於投訴啦咁都得~

[man1492]

可以去consumer council 投訴喱條PK.

[QOO_CCW]

係呀...仲有呀,個四眼仔SALES仲話叫我唔駛CHECK,成條街得佢有貨咁話喎！個樣勁招積呀！

好老實講...想投訴都無門啦..消委會點會理丫....佢又好以冇意見箱喎....咪唯有係度講出黎,希望佢經理或高層會睇到啦....唉...失望...香港好客之道??係邊度呀?係呢度???真係笑死Ｄ外國人呀.......

[maldives]

就係永成衣個高高廋廋四眼仔了. 超串. 仲要開高價. 企硬唔減價個隻. 35800話做到最平喎. 最後我行過隔離萬成. 班sales態度好好多. 價錢34200成交. 你話永成咁既服務質素. 幾萬銀點幫襯得佢落.

[wklouis]

所以我次次都去萬成買, 去萬成睇多數唔會問佢地. 你去得呢間舖, 都預左佢地咁既服務.

[tdkdvd-r]

嘩！呢d咁既服務態度都係惡劣，要搵阿劉華點醒佢先得！！

[man1492]

理唔理係另一回事，投訴左先算
賣野點可以唔比人知價，咁同呃人有咩分別?

https://www2.consumer.org.hk/ccweb/caseweb.nsf/ChineseComplaint?OpenForm

[QOO_CCW]

但係永"盛"同萬成同一個老細喎....D服務又會爭咁遠的....
不過老實講丫...如果講服務,百X匯同豐Ｘ真係好過佢地喎...雖然係貴就貴D....
要先去壓下佢地價,不過叫做買完唔駛谷住度氣丫.......唉...

平少少...唔係大晒架.......劉華都好失望下

[fresher]

咁奇怪, 佢地d服務不嬲都好好.

[geofku]

個sales嘅對答眞係好滑稽、好似麥兜去食午餐；waiter：午餐賣曬、要常餐喇。
麥兜:咁常餐有D mug 啊？
waite:常餐咪即係午餐囉。

"你係咪買丫?現金定VISA呀?咁我再問:咁即係咩價呀?佢就話啦:如果未買住,咪特價囉!"

[20d_20d]

哈我又入親去個4眼哥都問我想要乜﹐唔通想引我埋去玩我?

[fresher]

有時買賣野都係相向的.

[maldives]

咁個間野又唔係個個sales都咁串既.. 但佢一個已經夠晒影響力..

[20d_20d]

講真﹐態度好好就一定唔輪到成成﹐但係你一定唔會比人呃/D鏡多幾支比你揀。 試問出旺角﹐有邊間野D服務會好? 百記果D sales 把口重臭。