[Philippe]

看鏡頭規格,100mm marco的最近對焦距離是0.38m, 180mm marco的是0.49m.當中只差了0.11m.如果大家都是最近對焦距離時逹到1:1放大率.影靜態物件確可以減小阻擋光源.但如果是飛蟲類這小小分別真的有作用嗎?還是在其他距離長鏡也有比較大放大率呢?
常說長焦距marco鏡影飛蟲比較有利,我昨天用一支70-200mm遠攝鏡試影蝴蝶,我技術比較差,連這支鏡的最近對焦距離大約1.5m都冇辦法用得盡.埋唔到蝴蝶身.如果換上一支180mm marco真的有用嗎?在一個遠距離例如六呎,marco鏡會放得較大嗎?還是一樣要走近先得?Marco鏡只係近啲都對到焦?

[kingkonghk]

有名俾你叫微距啦, 一定係近d啦, 同埋放大率勁d啦, 問題係你嚇走d飛虫之嘛, 埋虫仔身都要有技巧, 唔關支鏡事, 如果你想影一味大隻虫o既話, 必定要用macro鏡啦

[Philippe]

多謝指教,咁仲有冇必要買長焦距微距鏡呢?因為短的平很多.景深也容易長一點.

[jclubaap]

如果真係想影一D微距昆蟲,買長焦仲要考慮埋你個手動對焦速度,因為好多時會用到手動,長焦易迷焦,短焦對焦快,尤其係支C記100,初玩可先買100,因為佢係一支定焦中距鏡,好sharp,又大光圈,萬用,最多日後買多支180

[Fluorite]

當大家最近對焦距一樣, 你用支50mm marco 1 : 1 影哂成隻飛蟲, 焦距得50mm, 你可能要貼到好近先得, 成隻飛蟲嚇走左都未影到, 但換一支180mm marco, 可以遠好多吾使嚇走隻飛蟲, 就得到影哂成隻飛蟲1 : 1既效果, 厘個係長焦距微距鏡既功用, 但焦距去到甘長就一定貴同必落腳架, 所以一般焦距90mm-100mm微距鏡較方便.

[Chan Po Wai]

咁用100mm marco加上EF25II 廷伸管的效果會如何？？？

[Philippe]

多謝jclubaap兄及Fluorite兄的回覆.
50mm我知好大問題.
我就係想問100mm macro同180mm macro的最近對焦距離只差0.11m,這麼短的相差真會做成嚇走及不嚇走飛蟲的分別嗎?

[Fluorite]

最近對焦距離差0.11m, 話明係近對焦距離, 即只係你再唬近就對吾到焦, 簡單d 講, 係一支焦距100mm 鏡 同180mm鏡既分別, 例如當大家於最近對焦距離0.49m影隻飛蟲甘計, 180mm 影到條飛蟲既部份係比100mm大一倍,係咪? 同樣如果想影到條飛蟲一樣甘大, 甘用180mm咪可以比100mm 行後一倍囉 , 甘會吾會易d 明?

[Fluorite]

用100mm marco加上EF25II 廷伸管的效果會如何？？？

加廷伸管須然冇鏡片, 質素不致大跌, 但加廷伸管如加曾距鏡, 會減一到兩級光圈, 甘咪仲難影?

[big 熊]

長焦距微距鏡的價值 :

1. 不要忘記一般長鏡的焦外成像(Bokeh)都比短鏡虛化得優美!

2. 如果要玩超微距,短鏡加哂成套EXTENSION TUBE可能已經與拍攝物貼得很近!

3. 與短鏡在同一距離下就能拍出較大的放大率!

[Villareal]

搭單一問，一支微距鏡可唔可以再加extension tube,令個對焦距離再縮短些？

[jclubaap]

可以

[Philippe]

Fluorite兄,多謝你解釋,我明白了在0.49mm的情況了.
咁我想問如果在一個比較遠例如在1.5m一個冇咁容易嚇走飛的距離,70-200mm f2.8的放大率大約是1:5.咁180mm macro鏡係咪照計會有1:3比較大的放大率呢?咁100mm macro係咪又只係得1:4放大率呢?如果係咁長焦距微距鏡還是有價值的.

[Fluorite]

除左50mm marco之外, 100mm 同180mm marco 既放大率都係1:1, 正如big 熊兄所講~3. 與短鏡在同一距離下就能拍出較大的放大率! 或70-200 既最近對焦距離係1.5m (遠到四五尺以外), 厘個都係同180 marco鏡 0.49m最大分別, 又如big 熊兄所講~長鏡的焦外成像(Bokeh)都比短鏡虛化得優美厘個都係180 marco既賣點.

[Philippe]

Fluorite兄,多謝解釋