[小武]

今日係旺角某大廈十幾樓x盈影音問部數碼相機,比d sales黑面對待,好唔開心上黎同大家分享下,但係完全冇人回應或者比意見,或者分享經驗!
但係爬番以前既文章,前排有人開topic踩果間coxell,回應既多達28個,人人都有d意見,人人都有d 經驗咁!
就係依度我就覺得有疑問喇,間shop真係咁衰??如果真係咁,又點會愈開愈多分店,愈做愈大呢??
到底係從中有人做文章定係真有其事呢??
正如香港人去外地旅行一樣,導由一定會同旅客講:唔係想買,唔好還價之類!
咁香港人去shopping,問完價又還埋價,殺到最低之後又唔係買,比人黑面又大做文章,係對定係錯呢??
香港既服務業態度,到底係劉先生廣告咁(售貨員:依部機5百萬像素,3倍光學變焦,功能都好齊架~~客:咁比部我啦)!!定係要用一段時間去介紹部機,花上一至二小時換來只係得一句:唔該晒我都係睇下先!!但係都要笑住咁對住你咁呢??
我覺得大家都識諗囉!只係一時私心或心心不憤而做下文章呢??如果否決做文章一事,咁其他公司既不禮貌,其他公司既不正當手法,又點解冇人回應呢??
旺角區,係咪全部shop都咁正直呢??出名既龍x,先達一堆黑人族,係咪其實都係冇問題呢??
如果有,點解冇人出聲呢??定d文章好耐已經有??而家改善晒??
我被黑面既該店鋪又有冇人有同人遭遇呢???
可以將抹黑既說話收起來,將事實既真相用來討論嗎??
要不然.這討論區既意義,就留來讓同一班人不停對同一公司攻擊或抹黑,而不能命名為討論區了!
有何得罪,歡迎賜教!(拒開筆戰,面斥不雅)thx^^

[blowme]

即係問完價就一定要買..?? 唔買店員就有權黑面? haha

你一定係新黎﹐一係就係槍手

你提及的另外幾間黑店已經天下聞名﹐上開其它攝影網的人無所不曉。

我經驗Coxell 絕唔係黑店﹐相信係個別售貨員有問題(希望係啦)﹐
但惹來網友不滿投訴亦非無可能。(雙成亦被人插唔少﹐你知唔知?)

但你都幾好笑先影射其它人講的說話為“抹黑”
然後就開定個後門話“拒開筆戰﹐面斥不雅”

你不如話“請勿回覆﹐面斥不雅”﹗

[blowme]

我漏左講﹐唔只問完價 ﹐試完機一樣可以唔買﹐
呢d係消費者基本權益。

試想﹐試完機發覺不合自己的要求﹐點買﹖(如對焦速度﹐
機身就唔就手等等, 你就算上網做晒功課都唔知最後\n合唔合心水)

你估顧客的錢係街執來的麼﹖

[小武]

我意思應該係指"還價"
如果還晒價,殺到最低,最後唔買(依個係消費者權益)
但係睇唔中,點會還價??當你還價貪過癮,殺到盡,之後話都係睇下先!咁又係咩心態??
我唔確定你係依一種人,但係你一定有試過!
你話,唔諗住買都可以還價,咁我諗,你甚小離開香港出外旅行!
我話唔想筆戰,你都針住黎講@@
依度討論區ma,討論下交流下,不過想開筆戰都.......唔係咩問題!!^^

[blowme]

似乎作不正確的假設係你的習慣

我一向買野唔講價的﹐睇0岩價錢就試﹐試0岩先買,
價錢唔0岩我唔會試﹐試完唔0岩我唔會買。

呢個係我的一貫購物方法。

但如果無標價而問下價錢都十五十六咿咿哦哦的﹐
我一定掉頭走。

試完唔買會黑面的﹐我永不回頭。

滿意未﹖有資格批評未﹖

[愛快]

I think he is a sales guy.

[forbi318]

sales鐘意黑面又得好禮貌又得, 不過作為僱客我唔鐘意幫趁亦得

[makeinhk]

對顧客黑面係不對,顧客至上。
但現在他講的主題是「還價」,我諗應針對返呢樣來說。
可能試完後知不適合自己,那不買是一定的。
但我同意小武說的「但係睇唔中,點會還價??」睇唔中,試完唔適合都唔會還價。
我們有時也要從對方立場看,還價應該係「都有意買,只係想用更低的價錢購入」如果個sales和個客花了一翻唇舌,最後給了一個超值的低價,但個客話:「我只係問下」,咁未免令人動氣,有玩野之嫌。
我不是sales,以事論事。

[Omega]

明碼實價係最好!! 講甚麼價?

一開始offer the best price﹐點解唔可以?

[Omega]

明碼實價係最好!! 講甚麼價?

一開始offer the best price﹐點解唔可以?

只要個價真係好﹐點會怕無人買? 你睇X成 Nikkor 50mm 1.8賣$690就知﹐
好價何需講? 何懼公開?

D人唔買﹐只不過因為有人做得俾你更低﹗

唔夠人平﹐你話人頂爛市都得﹐但作為消費者﹐
無理由去買貴野吧﹖

[makeinhk]

無標價,可以問價,問左覺得貴,可以唔買,不用還價,
明碼實價,個價真係好,都會有人還價,無人會嫌太平的,也可能會還價成功。標明價格不代表不能還價的。
「有無標價」和「會否還價」有必然關係嗎?
唔夠人平,你可以唔買,問題係有人唔去第二度買,而要還價,而sales最後又給了一個「超值的低價」,但個客話:「我只係問下」,那是玩野。
如果係貴當然唔怪得人唔買,但問題是要還價,人地又給肯給你超值價,你至表示無心買。

[Omega]

當然﹐買野無人會嫌平﹐但以X成 50mm 1.8 的例子﹐
明碼實價講明$690﹐就算有人講價﹐店員都唔會
再減﹐一樣大把人買. 你唔信, 去問下睇下仲有無得減?

到底你明唔明我乜意思﹖只要真係Best price﹐
何需要怕個客玩野唔買﹖甲唔買﹐乙都會買。

相反你想比人多賺一百幾十﹐當然有代價。

又要馬兒好(賺多少少)﹐又要馬兒不吃草(顧客豪爽唔麻煩)

世上邊有如此著數的事﹖

[Omega]

當然﹐我相信﹐玩野的客人係有的.

但真係多到要拎出黎做慣性例子嗎﹖

[makeinhk]

「相反你想比人多賺一百幾十﹐當然有代價。又要馬兒好(賺多少少)﹐又要馬兒不吃草(顧客豪爽唔麻煩),世上邊有如此著數的事﹖」
凡事兩面睇,
相反你想比少人一百幾十,也當然有代價。又要還價,又要殺到人地俾個超值價,然後又要話只係問下,咁都想人笑面對着你,世上邊有如此著數的事﹖

[vaworld]

x成的習慣係好價就 post. 唔好價就唔 post.
百分百實例, 有次去問 sony T7, 冇 post 價.
問一問 3k幾= sony 陳列室.

之後去左先達買, 平幾百, 一樣行貨.

唔評論佢好壞, 只係講事實.