[hang4000]

想開租鏡頭既舖.......大家點睇!! 比 d 意見

[kingkonghk]

好易食蕉, 除非你自己已經買埋好多鏡, 唔係就9成奶野, 幫業主同鏡廠打工

[Omega]

建議﹕

租鏡時必需先付等同新鏡原廠建議零售價的按金﹐
鏡頭退還時按金將扣除租金退還租用者

鏡片上每點污跡/指模 - 扣按金$10

鏡片入塵(每粒) - 扣按金$30

鏡身上每條花痕碰凹- 扣按金10%

鏡片上每條花痕/每點甩coating - 扣按金50%

除以上情況﹐任何影響操作的損壞 - 賠償鏡價100%﹐
以後鏡頭由租用者擁有.

諗黎諗去..無呢d條款就肯定蝕底﹐有呢d條款就無人肯租﹐點做好呢...?

[kingkonghk]

每款鏡買1支又泛本, 好大機會唔夠分, 同有d冇人要, d人搵來租親都唔慌係常用鏡, 唔係大碌就騎呢, 貴到爆, 唔會自己買o個d款式, 好難諗得掂

[kaili]

可能租普通dc 比人 仲多人搵~~@.@"

鏡頭呢家野,
唔係自己既d人唔會當寶咁錫住用ga......
太risky了~~~><

[Cosplay]

原廠鏡頭比較貴，根本唔可能入太多貨，
如果租金太低，就要長時間先回到本，對日後添加鏡頭有壓力。
但出租的金額太高，有機會租唔出，唔多化算。

如果副廠鏡頭比較便宜，
而且唔係每個人會買齊咁多焦段，
加上來貨比較便宜，可以用一個合理的金額出租。
不防考慮引入一些比較常用的焦段。

[Cosplay]

唔記得講句，
如果開租鏡頭既舖真係成事的話，
請通知一聲，到時我一定會黎幫襯。

[kcfong]

租得平
冇得賺
租得貴
d 人不如買二手
我覺得開二手店
但另加租機service就會好好多
不過你就要講明租比人既就唔會賣出去做二手
否則 XDDDDDDD

[old4]

首先你要搞清楚, 做呢種生意唔係叫你去開鏡頭博物館, 聽d人講你就死得. 你要選擇既係實際上比較多人用既熱門鏡常用鏡. 唔好鑽牛角尖入d"貪得意"既怪鏡. 唔需要考慮呢類客源.

其實真正既"騎呢鏡"唔會多人租 (會有, 但只會非常少). 過份騎呢同貴既鏡根本無必要入.

同理. 記住你唔係開博物館, 你係做生意, 而且係 "租" 既生意, 唔好聽埋d所謂大師癈話幻想, 只需要入d最熱門既C家N家, 頂多入少數O記、KM仔.

真正會多人租既其實依然會係所謂既"熱門鏡" "常用鏡", 而且會有好大部份既客路, 係果班正在考慮緊入唔入支鏡既人, 租黎試玩後決定。

人像鏡會最多人租, 但問題係會積晒一齊租(星期五六、假期前...), 會令你好煩, 買(多幾支)又唔係, 唔買又唔係...
租鏡既話當然要租埋外閃啦.

廣角鏡會係另一類比較少但穩定既客源. 去外地旅遊既朋友會歡迎.


最後, 我最主要既忠告都係呢句 : 唔好聽埋d不切實際既幻想, 你依家係打算「做生意」, 唔係開博物館, 唔係開fanclub以機會友, 唔好天真. 忘記 "一切" 天價貨稀有貨騎呢貨.

[old4]

再一次強調 : 會黎租鏡既人, 絕大部份都會租d "熱門鏡".

有好多人堪唔破呢個迷思. 不過錢係你既, 你可以選擇信邊d講法.

[7domo]

四個字

本大利少

[old4]

講真......依家就真係圍唔到皮.

但係好快會成為可行生意. 發文者其實係好有遠見.
要幾耐先會"成為可行"? 答唔到你, 香港D野往往話黎就即刻黎, 連開始果班人都唔會估到.

只識以以往眼光、目前眼光睇野, 固然會認為實無得做. 但係可惜既係世界會變. 以前玩單眼人基數少, 增唔到幅. 黎緊DSLR(唔係講DC) "用家" 人數會再爆發, 年輕化.

呢群巨大的族群因為基數大, 條件遠比依家呢班更顯得「正常」. 佢地會好奇怪 : 現時牙擦擦d人點解個個好似買鏡唔使錢咁. 自己大學畢業出黎, 都只係搵幾千, 一萬, 萬零蚊. 玩厭左部DC見出完雙糧, 林住幾千蚊 (我講緊可能係二三千) 買部DSLR希望影得靚過以前部DC仔, tum下條女開心. 點知問問之下大吃一驚. 點解"外面"人地下下叫人買d乜乜物物鏡, 五六千、萬幾. 一陣又話得咩"L"鏡先叫好dd. 自己雖然唔係大富大貴但係都算係正當人家, 兩三千、三四千買部靚相機(記住我講緊近未來.)已經自我感覺良好. 點解一上網發現人人係李嘉誠, 好奇怪. 即時對自己手中支KIT冇信心, 唔敢囉出街、唔敢幫朋友影相、更加唔敢上網同人交流技巧, 因為自覺渣住支"雞鏡"係影唔到相.

呢群DSLR新用家群, 係唔會個個都蠢到囉自己收入既一大舊去"供鏡", 但係又已經比d"高人"打殘, 冇晒信心渣雞鏡出街. 於是租鏡服務會係呢個階層既及時雨.

至於點解我話會租鏡既都係熱門鏡, 我唔使畫出腸, 反正d"高手"們永遠活在自己圍內幻想中.

[7domo]

old4

我諗為太難啦
樣樣都係錢

買鏡要錢 講真 一支平鏡 我自己買都得 平鏡租出去 收得人幾多錢

貴鏡 你入得幾多支? 你租出去一日幾多錢? 重要按金問題 有人話最少都要等價既按金點 咁我借支 貴d既 咪要比成5千幾蚊按金 ? 唔係好多人可以一時三刻拎到5千幾 去借一支鏡

[Cosplay]

唔知道幫鏡頭買保險，及向租戶定下合約得唔得。

[kcfong]

幫鏡頭買保險得
不過你係商業行為
佢收得貴好多
而且你都難去claim~