[iphilip]

有聽過鏡片係由液體快速冷郤而成, 雖然已成為固體, 但仍有液體特性, 所以有人建議過鏡頭組應該水平擺放, 以防長時間令液體側埋一面.

大家有冇聽講過?

[Bus Fans]

有少少野小弟想更正下先。

造鏡片既光學玻璃，如果係認真製作既話，冷卻既過程係需要好慢、好慢，而且環境同溫度都要嚴格控制，等的玻璃既分子以最穩定既方式結合，同時要確保玻璃既密度要均等（會影響折射率）。呢個時間「也母 西」既短則都要十幾個鐘頭，「認真」既長則要幾個星期！過快既冷卻會造成玻璃「微觀」上有好多裂紋，汽車用既「安全玻璃」（成塊玻璃會碎成粒狀個隻）就係靠加熱之後急速冷卻製造架勒。

之不過，無論點冷卻，響分子結構學來講，玻璃始終都係「液體」，佢係靠非常強大既「液體表面張力」（sorry，我唔係好sure呢個term係咪正確，但總之係的甘上下既野，有錯請指正）來維持佢「宏觀」上既「固體」形態。（所以我地可以「界刀　玻璃」。）

回應樓主既問題。我知道一的巨型既天文望遠鏡（講緊既係外國個的裝響上山頂、有間半球形屋頂、口徑至少有幾「meter」個隻）既主鏡片（重量斷「噸」計），的而且確會因為自重同玻璃液體既特性而逐漸變型，所以每半年度就要調整一下，三五七年重要成塊更換添！所以樓主你聽返來既唔係完全無根據架！

不過話說回頭，我地攝影鏡頭用既鏡片，最重既咪至多幾公斤！點同人地成噸既去比呀？況且，人地係反射鏡，以比例計人地鏡片既厚度不知薄過我地既折射鏡幾多？人地既變型速度梗係快過我地好多好多啦！仲有，人地反射鏡對光路誤差既容忍度又低過折射鏡好多既喎，人地仲係做研究既添，要求梗係嚴緊過攝影既多多聲啦！

Okey 就算我地攝影用既鏡片會出現同天文望遠鏡相同既變形速度，你點擺都係死！水平擺咩，鏡片就上下左右變形、打棟擺咩，鏡片就前後變形，so...

老實講呀，枝鏡對焦�變焦既機械磨損所造成既誤差，比鏡片變形所造成既不知大幾多億倍！

[hsc]

得益良多
要和女朋友說
每2年要換鏡頭1次先
: >

[iphilip]

謝謝各位大大的解釋, 很詳盡~

[hsc]

仲好
比多個直口大家換鏡

[vaworld]

用常識諗下野,
金屬/塑膠硬定玻璃硬?
就算水平放係有問題都係機械部份有問題.
絕對唔係鏡片有問題.
講呢d說話的人有冇用過腦?

另外點解玻璃係液體?
金屬熱既時候都係液體? 唔通室溫舊鐵都係液體?
好多物質都有三個狀態, 氣/流/固,
在唔同溫度唔壓力下有唔同狀態係絕對正常!

[maximilianyuen]

vaworld
its ok for you to blame someone, but plz, make sure you are right
"點解玻璃係液體?"
laugh my ass off !

[vaworld]

maximilianyuen

嚴格來說玻璃有類似液體的結構, 你只可說佢係非晶體.
但佢其實在室溫係一種"過冷液體狀態"(並非液體!), 物理係以玻璃體稱之.

呢個係份子結構來說並非以表現來說.
好多人喜歡用一些所謂特別的言論去引人注目.

[wlachan]

http://math.ucr.edu/home/baez/physics/General/Glass/glass.html

[ricer]

水平放，只怕從防潮柜中滾掉到地上......
我想固體就是固體吧！縱使它是由液體冷卻而來，就算你在赤道，塊glass都不會熔吧！

[怪俠]

固態玻璃仍有液體特性？
咁我用玻璃杯飲水會唔會越飲越薄呢？
唔！都幾好?！如果鏡頭有塵，將佢側放，
咁D塵就會流埋一邊囉！