[x28069]

小弟只得 d50 + kit lens, 連外閃都冇... =.=
(相信 sigma 70-300mm 用途不大...)
雖然個frd 話hae hae地都得,
但我認為始終都要有個譜~~
請各位指教指教!!!

另外可否多加其他貼士呢?
例如婚宴之前過女家接新娘等~~

謝!!!!

[ddericli]

你都係做副手吧啦,如果有主力嘅話,你可以放心去影花絮,再響主力身邊學吓嘢,咁會重好~~

[x28069]

=.= 就係冇~
呢下先大鑊~

最主要都係想問下硬件上足唔足以應付場面呢??

[dcpower]

看你是飲喜酒順便拍拍還是新人找你當攝影師了
如果是前者拍拍新人拍拍朋友留念應該沒什麼問題
如果是後者就要有新人與你絕交的心理準備了..嘿!

內閃會因為距離太遠,閃光出力不夠等因素,讓你拍不到想要的畫面,加上Kit鏡先天光圈不足,對光線的要求較高,在光線不足的環境下會吃很多苦頭,如果想要有好效果最好都係買返支外閃 如SB-S800...

[hktsoi]

你的器材足夠有餘，主要是要帶多些記憶卡。

要在短時間教曉你是困難的，但有貼士可記住，就是多拍，要拍攝到每一個時刻，這已經足夠。

你個朋友都應該知道你的情況，但是仍然找你可見他的要求有限。放心去拍攝吧。

[ddericli]

咁你嘅死期係大家一定可以預見的了,我睇你都係叫佢哋請番個師父嚟做,無謂俾人怨你一世,結婚一世人一次,以你現在的情況,真係唔得掂.....唉~~

同你朋友傾傾,好過炒大鑊,係咪???

[t-800]

不用怕，俾信心自己，(急救)招數如下：馬上買外閃(不一定要TTL的，单點電眼自動即可：TUMAX、NISSIN 四、五百元有枝，GN36-40以上， 最好在ISO:400時SET F5.6光圈的..................)D50 SET 用M MODE,長用F5.6+1/60秒，長SET ISO:400，( WB SET 陰天或閃燈) 影的時候閃灯距離人最少要超過1.5米左右.................。近距離1.5-2M可加反射片打45度......，以上幾招十分容易，小弟巳教過無數新手，(定啲來)，效果應可接受................。

希望對您有幫助！
早D買外閃，早D練習，(有錢當然用SB-800 TTL+P MODE最好，不用太多調教........。)記住：KIT LENS只有F5.6，全程要用ISO:400，D50的ISO:400加外閃不會太差....................。)
PS.(1)不要慳，盡量影多些，帶多些CARD、多些電..............
PS.(2)在這種場合影相佬(大晒)的，客氣些，說話肯定而帶笑容，來賓自然會讓位，主動請一对新人HOLD定的姿勢、造慢D给你影(如敬茶、切餅等.................)主勤請來賓及老人家跟一对新人合照....................。
PS.3 GOOD LUCK!!
HAPPY SHOOTING!

[spchik]

kit lens 18-55 都夠用

tele唔夠可用software crop

閃燈就一定要早D練下知道光圈快門組合

知道支燈既能力到時就無問題

[cow_size]

以下是較早前, 前輩的分享
希望可以幫到你！

婚禮攝影看似不難，只要求拍紀錄式的相片，但實際上卻有一定難度及不少需要注意事項。

先談器材，為減少出錯，所用器村最好先檢查性能，不應向人家借用或隨便借給人家，同時亦應準備足夠電池，若用2A叉電池，亦應準備一定數量及適量用實即棄的鹼電。用專用電既，多一粒起碼，最好有兩粒後備，記得帶埋叉機出去，有機會就叉。

其次要談工作程序，以一般流程計，基本上外聘既婚禮攝影師會隨同新人一整天，拍攝當天的各個片段，他們會事先與新人溝通，必需熟知當天流程，所以必需向新人索取流程表，問明每一個細節，千祈咪諗住到時至問。此外千萬別遲到，病到五顏六色都要頂硬上，更要應客戶要求提早或準時到達集合點。

其流程及工序如下：
男家或女家樓下：拍攝兄弟佈置花車花絮，新郎逐一介紹兄弟，拍攝出發前新郎與兄弟團體照......
到女家：拍攝兄弟團上樓、入女家拍攝「踢門」及遊戲花絮，有空可拍攝女家家人親友、新娘上妝花絮；新郎入屋後，可拍攝接新娘一刻，拜祖先(如有)，向外父母及長輩敬茶儀式，拍攝新娘跟家人、親友及姊妹團合照等，出門後可拍兄弟姊妹團跟花車的大合照......
男家入門：跟在女家一樣拜祖先(如有)，向外父母及長輩敬茶儀式，拍攝一對新人跟家人、親友合照，值得一提是在男、女家敬茶時，有責任提示遞茶小姐既企位及頒獎(金器)既情況，特別是有需要在敬茶時，攝影師或可代大妗姐唸出吉利既「台辭」，例如「飲杯新抱茶，富貴又榮華」、「戴起金器，大喜大喜」之類的說話，這些看似俗套的台詞，卻最能討長輩既歡心。通常在男家儀式完成後，兄弟姊妹團便出外飲茶用膳，攝影師與錄影師傅亦會隨同用膳，新人則大多留在男家用膳，其實攝影師可稍遲離開，可拍攝新人在男家用膳既花絮。

下午大多會行禮或女家回門，基本上外聘服務既攝影師不會隨新人回門，若主家堅持，那應隨行，可拍砌燒豬時的花絮。

行禮方面，先談註冊處行禮時的情況：新人會提早到場辦理登記手續，這時可拍攝數張相片，若新娘不用補妝，那可跟早到場的家人親友拍照，正式進入註冊室，可先入內拍攝親友及新人進入的情況，而整個註冊程序亦應拍攝，包括新人起立、宣誓、交換戒指、揭頭紗、簽字、証婚人簽字、註冊官簽字及頒証書等，必須注意，儀式進行時絕對不要走到新人、証婚人及註冊官旁邊及背後，這是很騷擾的。若順利的，儀式只需數分數，每對新人一般安排十五分鐘行禮，仍有數分鐘可逗留在註冊室內拍攝，那應先拍新人跟証婚人、男家家人、女家家人、雙方家人、親戚、朋友、同事……到離開註冊室時，更可要求兄弟姊妹團築成人牆，營造夾道歡送既效果；離開後可在附近公園拍攝，程序亦可以是男家家人、女家家人、雙方家人、親戚、朋友、同事、兄弟、姊妹、全體大合照……

若教堂行禮，程序則較長及繁複：先要問明那些地方不可進入，例如祭台或紅地氈等，亦應熟知整個婚禮流程，而拍攝則是以紀錄每個程序，由於教堂內地方較大，燈光可能較暗，比較保險用400度菲林或set高ISO，另閃燈用A的可加大一級。而受場地限制，宜備中長距鏡在台下拍攝交換戒指及簽字儀式，待完成程序，新人會再進堂拍攝，程序應是新人跟神父、牧師、詩班先，其後才是男家家人、女家家人、雙方家人、親戚、朋友、同事兄弟、姊妹、全體大合照……由於在教堂行禮時間較長，所以極辛苦，唯一是拍團體照時在室內進行，較室外舒服。

無論是在註冊處或教堂，當安頓了所有親友後，可與新人在附近公園或一角拍一些唯美的個人照，那時新人如何擺姿勢則由攝影師全權指揮了。
到晚宴也是全日高潮所在，攝影工作包括親友到賀的禮堂合照、向長輩敬茶等，但亦有一些貼士：要經常提點新人記得跟家人大合照；到時親友應即時安排拍照，在人多時宜安排座位及排位，大合照多拍數張……有空亦應與新人拍個人照，以及親友合照。埋席後，可逐台拍攝親友嘉賓合照，起菜時，要拍攝「劇照」，包括舉杯、餵新娘等，中段敬酒時宜拍敬酒花絮，新人主家席互相祝酒、新人合巹交杯…….跟著玩遊戲、送客等例牌劇照……

拍攝資料設定方面：很難說用甚麼設定，有人用A有人用P有人用M，個人經驗多用光圈先決，閃燈用A自動程式，有必要時可加大閃燈一級，用TTL也未必穩陣。

其他事項：
若用菲林以室內用200、400，戶外用100為原則，宜多帶菲林；
若用數碼既要視乎環境SET WB 同ISO；
拍團體照要注要避免大細邊或斬頭斬腳，盡量避免用太wide鏡，有黑角及變型就唔係咁好！
人多宜安排前坐或側身企，人少不妨打直影；多拍一張好過少拍一張，相只會嫌少不會嫌多；
各處鄉村各處例，不宜多事多口，但主家提出要求時，可提供意見及經驗供主家參考；
攝影師勿喧賓奪主，但拍大合照時總有人推辭不坐影響流程，那是你出場指揮時刻，但也要以禮待人；
攝影師絕對有責任提點新娘姊妹的衣飾穿崩走光，更應正經地提出，以免人家出醜，千祈咪諗住衰野，大家要有職業操守；
全日醒醒定定，話頭醒尾，多拍照多行一步，主動一些，有禮微笑，一定能討主家歡心，特別是對男、女家父母有禮，更讓人家覺得受尊重；
出去搵食，遇到行家咪串串貢，識多兩個行家有乜事都好照應，所謂遠親不如近鄰。
影完成日要小心保存菲林或記憶咭，這是自己心血也是客戶貴重品，試過有師兄影完野留低左袋機係小巴，當然搵唔返！
晚宴工作時咪掛住食，食得多都好厭，我地習慢上酒樓前自己飲定下午茶打底。
仲有做野時千祈咪飲酒，更要小心個人腸胃。
人家結婚一生人一次，以心比已，戮力完成，自能成功。

事後工序：千萬要小心保管已拍攝的底片及數碼相片檔案；千祈咪貪平，應找相熟或有口碑沖曬店，一分錢一分貨，一錯沖壞底片不能回頭，切記切記！自己拍照會熟知前後程序，替客戶入相簿、排序是份內工作。若用數碼既，事後執唔執悉隨尊便，但有時唔執得咁多，這是成本問題，所以影時事事小心比事後執好得多。

自己用心做，將心比已，有口碑，自然客似雲來。
莫看提供服務的攝影師一日人工逾千，既要投資器材又要付出精力與汗水，絕對是血汗錢！！



1. Check 好自己要帶乜器材, 唔好玩定焦, 中段變焦為妙, 減少換鏡麻煩
(e.g. 17-35或 17-55+
24-120VR 或 Tarmon 28-75 或 28-70mm f/2.8
80-200mm 一支)
電力要夠(每1閃燈 x 3pack 電, 相機電x 2), 後備機最好有一部(問人借都要), 閃燈預備2支(怕有一支壞仲有一支用), 腳架唔駛, wallet 最好帶埋, 咭 x 2, bounce 咭帶備, 花巧工具可免則免

2. 記得如果你做主力攝影師, 咁你腦海要記住你係大晒的, 取景時請make sure 無雜人入鏡, 有就請開佢, 人唔排好唔好按下快門, 時間大把唔駛急, 如果影親友就最好或伴郎或伴娘幫手指揮, 唔好自己揹埋來做, 因為你唔識晒咁多人, 你叫臨時"helper" 數住有乜人未影~

3. 參考家人自己朋友是但有人結過婚的相看一次, 睇下pose 點擺, 角度如何, 影家人合照時前排坐下的是誰, 左右的人是怎樣企(e.g. 八字企法) 盡量小心水平cut頭cut 腳

4. 記緊一些必要花絮不能漏, e.g. 新郎預備出門合照, 佈置花車, 到女家先行入內影迎門花絮, 如果佢地玩到門入放人入來時記得叫佢地俾個企你企定預備影相, 出門撒米時都先出定去影, 父母椹茶記得叫佢地側側地向鏡頭坐, 叫佢地笑(看看已婚人士的相片便知道), 去到酒樓影下迎賓的朋友, 影下新人放在門口的掛畫, 另外大景幾張就夠, 切記要有溝通, 知道幾時要影甚麼

5. 頭先講過大晒的問題要再記住, 一日個位唔好, 有得叫停就叫停(當然特定情況除外), 有人阻住請開佢, 你是重要的, 其他人都是佈景板, 所以你權力好大~

6. 點都好, 每影1次 2張, 盡量影時講聲 (係啦呢個位好靚下, 俾小小笑容, 好啦預備, 1, 2 , click-chak, 啦! 唔好郁住, 再來多張先下, 預備 1, 2, CLICK-CHAK, OK 啦! 唔該晒!(有時間就quick review 得唔得, 無論點都要影多張, 得唔得都唔好係表情上做出來俾人看到))
7. 有時間就影下場景嘉賓, 如果見新人同朋友親戚吹水, 時間許可大可以自己走埋去主動提議幫佢地影相, 必有分加

8. 光圈快門 都是以 f/5.6, 1/60s 為主, ISO 要200 以上, 唔好諗甚麼幼滑少noise 的問題, 一般人唔理呢o的, 張相catch 到先緊要, 樓底不高而又淨色就打下bounce 無妨, 距離遠就直打可以, 有時間便自己找和預備要影的場景, 差不多距離同背景的地方, 找個朋友你幫手試下setting ok 唔ok, 一般合照, 坐定定影的, 1個setting, 閃燈行 AA mode 好夠, 最好加少少ev(e.g.0.3ev), 但不要太多, 暗了可以推下, over 左就隻隻都係鬼

10. 新娘新郎影相一黑一白最大鑊, 個人習慣以寧OVER 莫UNDER 為主, 因為酒樓等影埋去如果over少少, 都係白雪雪婚紗爆, 但個個都精神白白淨淨, 但係一under 晒就個個都又紅又多noise, 推出來都幾恐佈~ 最好可以搵新郎新娘影下花絮相時試setting( 花絮相好多影完都唔記得, 出事delete都無問題)

11. 另外影人多時盡量唔好用ultra wide 影, 一般wide後行少少, 支燈較勁o的就可以, , 光圈不能太大, 否則有人唔清就大劑, 要留意有無人俾遮住, 有無人企唔好, 影時數拍子1.2. click-chak 要慢o的同大聲o的, 等各人有時間預備好, 可以的話前講俾大家知會影2張, 所以影好第1張唔好郁住(通常依然有人會想走開, 但咁樣可以減少問題同o的人移動)
最後如果影時新娘新郎有pose 唔夠好, 可以影完得閒告訴佢地, 佢地唔會反感, 因為佢地先係主角, 佢地都要靚相~

[cow_size]

仲有, 真是詳盡加實用
多謝前輩們的分享
......................................
酒樓拍攝婚宴

我同人拍過幾次, 通常咁o既情況, 佢地都會有個專業的攝影師,(即係比錢請的), 咁你就不如影多o的花絮, 即係佢影o的官方照, 你就同o的台下面的人影o下, 建議推高ISO去400, 閃燈就必備, 反光板可以唔要, 婚宴唔係婚沙相, 會拍得好密, 好辛苦, 同埋影多o的, 重點係紀錄, 唔係創意, 特別係長輩, 見佢同人傾緊, 就可以問佢地影唔影番張, 因為其實佢地都可能好難得先碰頭, 影之前, 記住一定要問o左佢先, 唔好好似狗仔隊咁.

我的經驗, 婚宴八律

1. 用iso400. (由菲林機就有人爭論用iso100+強閃燈定iso400+普通閃燈, 以我的經驗係用iso400最近現場氣氛, 當然如果你o的相會放大到8r以上又另計)
2. 光圈F5.6以下,即是係細光圈 (記住唔好忘記景深的問題, 影集體相, 用F5.6以上的大光圈係好危險, 不過簡單用P mode都好)
3. 用閃燈 (唔好閃燈而用大光圈係好危險, 即係景深問題)
4. 要準時(記住, 千期唔好遲到, 早退, 雖然係好辛苦...)
5. 寧影多, 勿影少 (重要的時刻, 記住補多幾張)
6. 多影長輩 (其實長輩好喜歡影相, 特別係同o的親戚一齊)
7. 莫破壞氣份 (記住你唔係王家衛, 我地只係配角, 係我地去遷就人, 唔好要人遷就我地)
8. 所有照片, 切記做雙份backup!!! (記住, 意外就係意外, 影完的相, 記住盡快做backup)

我前前後後都幫左新舊公司影左5年annual dinner，另外婚宴、壽宴都影過。雖然無pro-佬甘經驗豐富，但都叫有的心得。分享下啦，你再睇下其他人既意見，自己再加加減減啦！

前先，我想講下心態：唔好俾自己甘大壓力。雖然呢句說話勁老套，不過好實際，事關壓力大就好易做錯或者做漏野，事後先發現就真係total lost；仲有，大壓力之下五、六個鐘既婚宴會攪到你好exhausted、無哂mood、唔知點影。其實，呢類題材唔係商業攝影、唔係藝術創材，唔使攪到甘複雜，一般人既要求都只不過係要同主人家影過相，簡簡單單、四四正正、影到佢地清清楚楚就ok架勒。仲有，唔好忘記：你無收錢！換句說話講即係你只不過係義務既者。given that你真係盡左力，就算touchwood的相turn out真係唔得，主人家都唔怪得你。

雖然你係去做影相佬（sorry，我覺得叫「攝影師」太過沉重），不過我覺得婚宴攝影師比較似一個公關rather than影相佬，尤其是今時今日既攝影器材已經高度自動化，只要事前set好哂的架撐，就唔多點需要再調整（當然，如果情況出現變化、或者效果欠佳則另作別論）。反而你要經常要去控制的賓客，坐定企、點樣企、企邊度、同邊個影、邊個影左、邊個未影、手袋銀包擺邊度、擺咩pose、隻手點擺、笑唔笑、點樣笑、BB扭計點樣?、有人唔肯出鏡點算、全身半身定大頭、全體相有無人頭遮左...等等等等。係咪似公關多的呢？既然做公關，就做個稱職既：要面帶笑容；多用「請」、「唔該」、「麻煩哂」呢類字眼；盡量用鼓勵、積極既說話去誘導的賓客；主動去幫助賓客解決的小問題（例如隨身物品擺去邊、件衫歪左執番正之類）；儘量安排長者�輩份高既人坐；清楚並充足甘提示賓客要影相勒、望鏡頭。甘樣大抵你可以應付到八成既情況架勒。

至於器材方面，你有D200、DX 17-55mm f:2.8同SB-800己經足夠。Tele係完全用唔著（就算宴開幾百圍都係甘話，因為可以走「埋」去影）。不過我自己既經驗，如果有多枝12-24mm會更理想。始終香港地方細，如果想企?成圍檯影哂，17mm under DX format係唔夠既；另外，敬酒搶拍既時候12-24mm係勁好使好用。曝光方面，我習慣用手動曝光（可以避免有射燈直射入鏡而用左半�全自動曝光出現under既情況）。如果中式酒樓既話，最好去主人家個張紅色檯、或者「左右龍鳳」「乜乜聯婚」個塊紅牆做無閃光既背景測光（因為好接近18%灰），之後再去幾個角落影幾張fine adjust下，跟著就大抵上用死呢個setting（敬酒搶拍除外）。White balance方面，我唔知D200既Auto WB有幾聰明，以我用D2H既經驗來計用Auto係最保險但亦最無mood，所以我都係用「閃光」，你自己最好試試先。香港地既酒樓、酒店都無乜幾可有白色天花板，就算有通常都樓底勁高，所以你都唔使旨意打bounce flash。至於柔光罩定bounce card好呢？我個人覺得柔光罩比較好，一來可以令閃光從不同角度射向主體，柔化效果比較好；二來SB-800個原廠柔光罩裝左上去之後比較「企理」，無甘「阻手阻腳」。如果你閃燈唔用booster既話，最好用充電池，因為回電比較快。

順帶一提，我通常習慣加1/3級既閃光補償，故意「爆」少少，因為可以令上左年紀既賓客皮膚睇落「白淨的」、「滑的」。同時，機內既Sharpening最好set得soft的、Contrast set低的。以前我用film機既時候，無得set sharpening，我仲專登用副廠鏡全開光圈影添！

跟著我想講兩個比較棘手既情況：敬酒、同幾十人以上既集體相。

先講敬酒，敬酒基本上係一個好混亂既情況，係無可能俾你安排構圖同對焦，但又係最能夠捕捉各人真情流露、高興愉快既moment。我既做法係盡可能先同主人家了解敬酒路線，盡可能每張檯都預先設定一個「制高點」擔?企上去從高處影落去。但萬一miss左個「制高點」或者個場面完全outside your expectation既話，甘就用「記者搶拍式」：wide angle（that's why 12-24mm勁好使），細光圈（f:8或更細，超焦距），1/60快門（凍結動作、或1/45保留些少動感）、用閃燈強制照明（會無左背景，但無計！）、「攝」入人推或舉機過頭「亂槍掃射」。要做好呢的準備，就要響上翅之前換好哂鏡、set好哂光圈快門，甘就無走雞勒。

第二棘手情況：幾十人以上既集體相。難既地方係點樣安排的人，令每個人都浦到頭唔會比人遮住。方法離唔開呢兩招：分兩三排同仔細觀察。安排一行人「足否」響前排、中間一行坐、最後一排企，主人家響中間。之後你響影之前睇清睇楚係咪個個都浦到頭，你可能要花幾分鐘去執的賓客既位，可能會有人唔耐煩，你唔使理佢地，因為佢地唔合作既話最終蝕底都係佢地。ok之後最好影多一兩張for just in case。

酒席完結之後唔好即刻走人，因為可能有人想「補飛」、或者之前有人漏左未影、又或者之前有人怕醜唔肯出鏡但響酒精既影響下又回心轉意。甘就係執漏既時候勒。

好勒，ensure唔使再影勒，甘就執返好的架撐。最好之前有張清單，逐樣對清楚就萬無一失。

記得，要帶足夠、甚至候備既電池同記憶卡、充電池要叉好電。

最後，唔好遲到！

[kt88yip]

唔使担心..d50 + kit lens 已經夠打 以上前輩之言甚是
出去買外閃吧..sb800 是貴 .但是一定沒錯 .以我等低手而言
.它幫我救回很多相 (於婚宴時) ,以下網址對兄台一定有用http://www.wretch.cc/blog/marryphoto

[TommyYan]

如果買 SB-800, 記住買埋個電池箱, 電係呢D場合最重要一環 !

真係得您一個人影 ? 如果係既話, 搵個兄弟拎部細卡片機幫手補下飛, 好D架 !

[kingkonghk]

一架雞body, 一支kit lens, 加碌閃夠晒用

[dca_workshop]

買枝Metz 燈54MZ4I, 用Nikon adaptor, 有子燈加bounce和反光板，f4.5~f5.6都可以．約＄3,000,.00同SB800差不多錢又可以換adaptor係其他機用．用勁量e2電，OK依家買$8.00兩粒，多幾粒回電快．D人唔肯等你回電呀．

[x28069]

多謝哂咁多位!!
而家都叫多返少少信心~ 哈哈~

7月8號就係lu~~
請問各位在此之前有d乜練習既機會呢??

p.s. 因為之前買左支sigma 70-300mm,
所以冇$$ 買閃..... =.="

內閃能否應付一般照片呢?
當然大團體照除外啦~