[dcnut]

在欣賞了多場世界杯的分組賽後，竟令我有意無意間發現了今年世界杯有關球衣的宿命論.....

事緣是久遺了球壇的一個前著名西德球鞋品牌–「豹牌」，在今年的世界杯又再度流行起來，選用它的球隊數目，比同是西德長青名牌的「三間牌」還要多，更和當今全球最紅的「剔牌」，同是九隊，雙雙攜手包辦了世界杯決賽週32強的過半數球隊。

最初吸引我注意的，並非該牌子的Logo，而是那特別透視貼身的球衣。現時大部份的球衣，均採用以前高級成衣所棄用的Polyester料，現在製造商卻把它包裝成為輕身、快乾、透氣度高的高級衣料。經過多番觀察，發現穿上了「豹牌」球衣的球員，特別容易濕透，濕透後也特別貼身，從他們混身不舒服的表情中，令我開始懷疑這些球衣是否真的這樣快乾、透氣呢？久而久之，這些懷疑與不安竟令一向喜歡科研的我研究起球衣質料與球賽勝負的關係來。

在經過綜合分淅後，果然劃出了一個結論來，一個世界杯球衣的宿命論.....

直至完成法國對南韓的分組賽為止，凡穿「豹牌」球衣的球隊，皆與贏波無緣！對，是真的，穿「豹牌」球衣的球隊，命中註定不能贏，只能輸或只能和！

心水清的朋友們，可能已開始翻查賽果，及細心看看那一隊穿那一牌子的球衣，也許已有人在反駁，意大利不是贏了一仗了嗎？加納也有一場勝仗記錄吧！但請再細心看看，他們的對手是穿什麼球衣的呢？一場比賽，總不能兩隊都輸吧！

可能這宿命論還留著一個，目前就這麼一個繼續研究的空間吧–捷克。

[panerai]

你中, 我請你飲茶 !

[Gowest]

豹牌主要贊助d第三世界國家隊,佢地有個特色,就係..........你d有錢國家肯俾錢佢地就俾你贏,所以南韓咁q屎都贏加納2:1,分明係打假波啦,又或者第二組想你唔好俾俾你果組d大熱門出線又或者想整低d主將等佢下場出唔到,就"醒"mark佢果個做手腳剷低佢,跟住濕你幾廿皮......你係自己祖國踢一世都賺唔到啦

以上全屬個人推測

[panerai]

而家 瑞士 同 多哥 打緊,
兩隊都 穿 豹牌...........

[聰豬]

好有趣的分析喔！^^

[tclau]

呢件衫真係好失敗, 可能見倒成身臭汗, 會令對手怕左而盡量離開遠啲.

乜意大利隊換左波衫贊助咩, 以前好似係着kappa.

[Gowest]

瑞士贏多哥2:0
有錢國家踢贏窮國又一例證,你話陰謀論成唔成立?
多哥班球員回國仲唔個個做皇帝?They have nothing to lose!

[tclau]

如果淨係用＄泥計, 沙地咪贏梗世界杯冠軍？

[panerai]

>>>瑞士贏多哥2:0......

多哥 穿 豹牌..........

[tclau]

瑞士都係"標馬"

[panerai]

版主 said :

>>>但請再細心看看，他們的對手是穿什麼球衣的呢？一場比賽，總不能兩隊都輸吧..............

[老叟]

事實上,足球迷往往估錯結局,草莽英雄反而命中率好高!!!

[chchfai]

想請教英格蘭又如何?
著 "啱寶" 又點睇?

[Gowest]

"如果淨係用＄泥計, 沙地咪贏梗世界杯冠軍？"

佢同紙版公仔踼就得,沙地可以?走隻世界杯?講都冇人信啦

但係你真係唔可以排除有人打假波喎,依家d注碼真係大到你唔信,班球員真係好易出術,出左術你都唔知。你係d窮國球員俾你咁好彩踢入決賽周你仲唔趁依家搵多d真銀?輸左都冇人怪你啦,巴西果d就唔通,你話第一round就俾人foul就真係......

沙地果d有錢又唔同喎,佢根本都唔預自己入到4強or8強架啦,駛乜收買你班窮鬼?有幾多斤兩咪拎晒出黎囉,輸左罷就,反而好似南韓呢d有個錢又死要面果d咪要搞d咁野囉。唔係啦喎佢地上屈點入4強?

[Gowest]

哎呀打錯字,唔係"屈",係"屆"