[DC_Freak]

每年既電腦展，相機展，各廠商都積極推陳出新，將最尖端，最先進既產品推出市面，各類相機，鏡頭令人目不暇給。但有趣既係，每次展覽既焦點，都唔係呢D劃時代既器材，而係在多個攤位前穿著廠家制服，掛住招牌笑容，但可能根本唔知拿在手上既產品為何物的image girls。

香港係一個崇尚資本主義自由經濟既地方，image girls的崛起，背後必有龐大市場力量推動。而推動佢地既，正係果D手上拿住閒閒地過萬元既相機，但10次有8次都係用全自動auto去影的春光大師也。每次既展覽會，每日既西洋菜南街，炮兵團陣容之鼎盛，氣勢之浩瀚，不知就裡的外國人也許會驚奇以呢個彈丸之地，傳媒行業竟然發展得如此蓬勃，再質疑點解普立茲新聞獎為何從來無香港傳媒的份。

國家地理的攝影師，拿住一支400mm長鏡頭，在列日當空下等待一整個下午，為既就係捕捉獅子撲兔的剎那；同樣的配備落在炮兵團手中，在展覽館既泛光燈下擒高擒低，為既就係在model俯身彎腰，〔大狹谷〕展現眼前的一刻按下快門。歷盡滄海桑田的戰地記者，以一秒十格連環快拍，在槍林彈雨中聚精會神，為既就係訴說世界黑暗的另一面；同樣的配備落在炮兵團手中，在互相攝位的人叢過關斬將，為既就係命中model舉手投足間春光乍現的角度，以勾起大家每朝起身時的人性召喚。

而Phodography理論既精粹，其實只有簡單的一句：Model身上的布料，同圍繞佢既相機數量必成反比－－布料愈少，相機愈多，反之亦然。

現在數碼相機的競爭，已進入白熱化階段，各廠商為左在對方身上搶奪幾個巴仙既市場份額，各出奇謀，鬥個你死我活。若各大廠的R&D部門〔不以臣卑鄙〕，在下可大膽向佢地進言一句：

在現有的aperture priority（光圈先決），shutter priority（快門先決），manual（全手動）外，不妨在加一功能－－body priority（肉光先決）－－快速準確地偵測人叢中，肉光與蔽體比例最懸殊者，立即對焦，啟動快門。哪家廠商有此先見之明，旗下產品必會賣個滿堂紅，排眾而出，鶴立雞群，結束混戰，一統可期。

[edmondc]

again, that's old bullshxt.

[micros]

普立茲新聞獎ｏ既獲獎條係要於美國文字媒體中發表過　．．．．．．　又點會有香港傳媒份。
你訓醒先講啦。