[a93762677]

小弟昨天高高興興的敗入了心儀已久的 CANON S3 IS，但過程卻痛苦萬分。
感慨今天的售貨員們，竟有如此素質。實按捺不住要在此呻吟呻吟。
更痛苦皆因小弟從前跟鐳謝的關係。故事是這樣的•••
小弟六年幾七年前於鐳謝打工，年紀小小，已官拜總經理左右手一職，權威地方朝野。但少年得志，語無倫次；最後卻因誤交損友，沉迷玩樂，被公司收回權力，意興闌珊離職。但直至今天，小弟心裡還是對當年打過四年工的公司有些情意結。
我於敗入前先致電當年小弟的上司查問我可用多少銀盾敗入"優惠價"，其實小弟心中清楚今時今日競爭激烈，賣相機已沒有什麼大毛利"面數計"，所以也只想打過電話聯絡下舊上司。平幾十元在心底裡也沒什麼意思。反而敗入心儀已久的 CANON S3 IS 之質素才是最重要。
講了那麼多沒關重要的事情後就入正題，小弟昨天落了花園街舊舖想敗入該機(也是充滿了回憶的那間)，我見當時有兩圍客正在睇相機，而相機部只有一名職員還有空，我為了不想阻他們時間，我便立即向該售貨員查詢，內容如下：
售：先生，想要什麼？
我：請問 CANON S3 IS 你們這店有否全新現貨。
售：有，$3280加送一張1GB 卡。
我：唔該，我是X哥(總經理)的朋友，之前已打了電話給他，可以$XXXX交易。
售：(他先按一按電腦)先生你是否比現金？
我：是，但我必須要全新貨，唔要PETER仔(即陳列品包回當新)。
(這時他左望右望，另我的感覺很不安。所以我立即再清楚明示。)
我：唔好意思，你們這店是否沒有全新現貨？我可以自行到別的分店買？
售：(用他的不肯定聲音回答我。)有，請你等一等，我入倉取給你。
(他這時左望右望，但相機部的兩個同事卻忙著照顧其他客人，我正想再問他之際)
售：先生請你在此等一等，我現在入倉取給你。
(這時我心中已肯定他們這間店沒有新貨。我立即跟隨他的背後說。)
我：對不起，你要是這裡沒有新貨，那我到別處分店問可以了，我相信我這樣以優惠價購入，你也可能不會有太多佣金吧！
(但這時他卻用了全晚最另我肯定的眼神跟我說。)
售：有。
我：(這樣我也拿他沒辦法，畢竟他們是靠佣金唯生的。)那好吧，你從別的地方拿來吧，但希望你拿來的是全新機，我是X哥的朋友，謝謝。)
售：好，如果你CHECK過部機有問題就唔好要吧。
(原本我算了，只好在此等他拿機來，但卻給我看到他鬼祟的講起電話來，於是我二話不說，跑往他們拿貨的006西洋菜街分店，看到的情景卻傷透了我這個前同事的心。剛才來拿貨的那名職員正在相機部等緊。一名西洋菜街分店的店員正從陳列架上拿下一台 CANON S3 IS 陳列機下來給他，我立即上前看，並想問這台是否就是給我的"新機"，剛才來拿貨的那名職員認得是我，立即低聲地跟其他售貨員說了兩句。我還未開聲，已有兩名相信是相機部較高級的"售貨員"好像保安一樣把我擋住，用十分不禮貌的態度跟我說。)
售A：先生，你係度做什麼？(這是什麼一條問題？我入了私人地方嗎？)
我：我想睇相機。
售A：什麼相機？
我：(我也直接了當的說)我想看看我的CANON S3 IS是否全新的。
售A：什麼全新不全新，你係度做什麼？(難度我不用真金白銀買嗎？)
售B：(拿出手上的陳列機)這台是全新開的。
(就在這時候，一切結束了，花園街那邊打電話過來說不做這單生意，剛才來拿貨的那名職員立即離開了西洋菜街店，我也立即被"押解"出店外。)
這時我真的有點心如死灰。我多次說明我是..............總經理的朋友。
之後我立即到了百老會查詢同一個問題，價錢是貴了60元，但他們拿了三部出來給我慢慢試。 :)
我也最終於百老會買了我的心頭好，回去取車時，經過西洋菜街看到鐳謝的螢光招牌，再看看手上百老會購入的相機，心裡就有無限感觸。又上了人生的一課。

[eeever]

S3iS而家都仲有妤多人買，無理由咁大間CITI會比陳列你。

[kingkonghk]

真係捉姦在床o既話, 冇晒計啦

[yftam]

何必為左幾十蚊搞咁多野呢?
況且你係果度做個陣都係咁樣賣野俾人架啦

[teddykwan]

"我多次說明我是..............總經理的朋友"

如果個位總經理真係當你係朋友.就會指定你去搵某一個店員la.

[icekinhk]

我聽落去硬係覺得感覺怪怪地咁
S3 應該仲有好多貨, 部機咁多人買
鐳射識人買, 同百記都係差幾廿蚊?

[kamchris]

反而想知道鐳射會不會回應/自圓其說. ^^

[teddykwan]

我早幾個月都有支小黑5都係在鐳謝買.
開頭咪同你一樣羅親黎比我睇既都係陳列品.
我開左六支黎睇都吾滿意.果條友都有d面黑.
條友問我:吾係下!六支都吾得...吾好玩野wo..
我答佢話:吾係我玩你,係你自己玩自己.我買得成皮野鏡你
估我會吾會同你買哩d街貨.係我有心買先同你企到而家.
我講完佢先笑笑口同我羅支倉貨落黎.開鏡睇完即成交.

[akychung]

上個星期五下午，到永成買NIKON嘅80-200mm /2.8支鏡，足足睇咗三支鏡都有問題，到第四支鏡先至滿意，成交，盛惠HK$6480.00。由頭到尾，個店員都係由個倉攞出嚟，兼且態度非常好，成個過程都感覺良好。

[goolman]

我上次在萬成買鏡，第一支睇完有一點塵，我叫佢再拿第二支，可能支鏡唔係貴鏡，二三千貨仔，個Sales好似唔多願意，話支支都係一樣，本來我都想走唔買，後來佢入倉拿左三支新鏡比我再睇，結果成交

[kensonman]

我可唔可以話你多此一舉?...@___@

你一而再, 再而三, 表明要一部全新既CANON S3IS. 就有似某d 人作賊心虛一樣, 心怕人地賣 display 貨比你. (難道你當年又係咁對你既客人?)

你做左咁多年sales, 你一定都試過屈客要display, 呢點一定有~!

既然你覺得呢間公司成日屈人要display, 自己又要怕 "報應" 在自己身上. 你真係一早應該去其他鋪頭買. 唔通你諗住自己識個經理係大晒? 正所謂 "唔熟唔食"

再者, 既然你相信呢個經理, 你應該抱有100%信心, 你信心夠, 根本唔會知道比人"呃左"~ 係唔係先?

[kingkonghk]

>>你應該抱有100%信心, 你信心夠, 根本唔會知道比人"呃左"~ 係唔係先?

OH YEAH~~~ 秘啤

[a93762677]

我也知我是多此一舉，其實成個過程也只是因我個人對過去曾經工作的地方有點情意結。 :(
才會死翻去果度買。
但以前如果我知道是熟人介紹來的人，我們一定唔會比DISPLAY機.....

[peterchan04]

痛苦的經驗.... "總經理老友" 都吾俾面.

隔離 波鞋店個cutie 姐姐... 過呢買 就會好好招呼

.

[man24]

鐳謝賣陳列品架,以後都唔幫親佢啦