[sweetpotato]

我對寫實相好有興趣, 好想影廟街, 砵蘭街, 鴨寮街, 仲有檔舖, 唔知有冇師兄師姐試過影呢d街景?我最關心係會唔會俾人打? 請問如果影呢d街景係靜靜雞影定係可以明正言順咁影呢?要注意d咩?

我係用DC仔, 有冇可能影到, 定係要買部長d焦距既相機呢?Thanks.

[peterchan04]

跟埋 d 鬼佬遊客 (最好整番個 大大既 united airline 襟章)...

係 鬼佬遊客 人堆最面 影番出來.... 廟街d人吾會理你啦.

.

[kingkonghk]

用dc仔影, 好少會介意

[sweetpotato]

d2c,

而家唔係考oral 喎, 佢地點知你識唔識英文?個樣唔係外國人, 扮唔到.

peterchan04,
我見到廟街好似有人睇場咁, 係咪真係唔理架?

知唔知砵蘭街同鴨寮街有冇外國人行呢?請問邊度有檔舖?

[peterchan04]

用乜機都 少 d 用 閃光燈.... 吾覺吾覺.... 影完冇人知.

對住人 猛噤 閃.... 吾慶就假.... 追你幾條街呢砌....!

[micros]

一般講﹐係廟街鴨寮街無咩危險﹐可能有人會身聲﹐不過影得就預o左﹐除非你太近﹐或者影人架步。
想知點先會比人打﹖你諗下如果你係被攝者會點就會知。
入夜o既 砵蘭街就你諗清楚啦﹐街頭街尾都可以o既﹐要虎穴就後果自負。

[peterchan04]

我見到廟街好似有人睇場咁, 係咪真係唔理架?
=============================

個 d "睇場" .... 係 賣 假錶... 賣 四仔..... 吾影得佢地.

重有 d 行呢行去 既 北姑.... 擺底 一千蚊 可能會任你影.


知唔知砵蘭街同鴨寮街有冇外國人行呢?請問邊度有檔舖?
====================================

砵蘭街... 外國人 就少 d....
鴨寮街 .... 就有.

檔舖 .... 周街都係.... 鴨寮街 + 南昌街口 有一間.
雀館, 投注站... 左近多數都有 檔舖.

.

[ym_y4]

重有影之前先視察周圍環境,
心中有目標,
腦海中要有構圖,
然後企準個位, 一拿起部機就拍,
拍完另轉面走人!
不過對於個的特殊地點要極小心, 最好搵的隱蔽地方用長鏡由遠影過去。
一句講晒, 小心為上, 安全第一!

[netgamer]

不過對於個的特殊地點要極小心, 最好搵的隱蔽地方用長鏡由遠影過去。
===========================================

偷拍風氣不可長••••

[ym_y4]

係街影街景又點算偷拍呢？
但要學識保護自己，避免比人搞。

[mononene]

當然係明正言順咁影！！！

鴨寮街企定在條街中間影　→
試過無問題

影檔舖外面　→
試過無問題

等馬路時影對面d人　→
試過無問題

住居屋放狗的女人　→　
只鍾意猫,從來無打算影人放狗,原本只係影蟲蟲,
被人以為我個鏡頭對住佢,佢重成班人走過靠惡圍我用狗費我
最後被佢睇張相先走得,誤會了我又唔向我say sorry
真係想影佢張相送去管理處
-----------------

１：可以扮日本人識唔識中文唔識英文。

２：你要記住人地都有DC有電話可以隨時影番你。

３：會唔會俾人打?　同人對峙時要小心器材。

４：不要令人誤會

５： 不要用閃光燈

[mIkEnG]

之前起砵蘭街用DV拍 project野
同佢講清楚佢唔會點對你既

你問下邊d唔影得咪ok囉
佢同你傾計tim呀

[拜人仔仔]

我試過晚上係新填地街 set 埋腳架影招牌, 冇人走埋來同我"傾計" or "問候"
只不過佢地眼超超....

當然影完即刻走啦....

[ym_y4]

響大型屋苑內影, 管理員會干涉, 因為係私家地方, 佢地唔話係係違規, 如果比住客投訴,少魷都有份。
響街影, 只要係善意, 有乜事笑笑口話影街景, 唔好話咁多, 可能講多 "錯" 多。秀才遇著兵, 有理說不清。

[ym_y4]

以前有一種偷拍鏡, 裝響鏡頭度, 望前面, 但就影左邊、右邊、上邊、下邊(總之就係專影側邊)既野。
依種鏡筒, 主要近相機鏡頭處裝左一塊斜放45度既鏡,
用反射原理專影側邊, 好多人用黎偷拍用, 冇直接影咁覺。
唔知依家重有冇得賣,