[josephine_liam]

我想買SAMSUNG nv3 .......
但覺得Canon IXUS都吾錯!!
邊隻會好D? (我自己比較鐘意nv3 ..另外因為nv3個型唔差同功能都好吸引)
家人又比較想買Panasonic...
想問問大家意見...
聽人講Canon好食電..nv3既防震冇乜用...
有朋友推薦我用casio...問過人..人地又話唔多好!
想問問大家有咩意見同介紹?!

[McDonald]

SAMSUNG d相機你都敢買? 信我，千祈咪呀! 都係買番d傳統相機大牌子比較穏陣，衰極有個普，同埋我都係信日本仔多個信韓國佬，我試過買過幾樣唔同o既韓國製電子產品全部都唔掂，一係有bugs，一係就壞，所以我話過以後唔再買韓國佬o野，始終日本仔在電子科技呢方面成熟好多。我自己對Casio o既感覺都係麻麻地，有朋友有Casio機，試影過幾張，覺得d色好似偏藍(不過唔知而家d新機有冇改善)，Casio造計算機、電子錶就叻，相機就真係.....

[josephine_liam]

McDonald``
甘樣比你講一講我驚左!本來我仲諗住聽日買!! 其實我諗住nv3樣靚功能多..
甘你有冇介紹?
我第一次買咋``真系吾知點揀好...最好相機個樣吾駛太專業..

[McDonald]

唔係呃你，你睇吓以下Samsung用家comment：
http://www.dpreview.com/reviews/read_opinion_text.asp?prodkey=samsung_nv3&opinion=33229

唉....如果你楝得Samsung隻NV3，咁我不如買SONY T30或T50好過，個樣同NV3差唔多但SONY個樣重靚仔啦，兼且質素點都一定好過Samsung。不過其實呢d薄身dc重有好多選擇啫。好似Canon、Panasonic、Nikon同FujiFilm都有，各個牌子都有其優點同缺點視乎你平時影乜野多同主要用途。Panasonic o既質素其實幾好(尤其是個鏡頭真係幾好)，但我就唔鍾意佢個閃燈同雜訊控制真係比較差。Canon就勝在各樣都幾平均(但佢d DC仔用果個所謂UA鏡頭我就覺得麻麻)。Nikon我最鍾意佢個閃燈，以前用過佢N年前部Coolpix 995，閃燈輸出好準好自然，不過真係唔知佢而家d DC仔有幾好喇。FujiFilm用過佢又係N年之前部prosumer機 6900，感覺佢顏色真係幾靚，可惜佢鏡頭o既紫邊問題非常嚴重(我見佢直至而家都係一樣冇改善)，同埋佢SuperCCD所謂低雜訊表現感覺好水彩畫feel，lose好多details。講真真係好難話邊隻牌子好，不過如果你一般都係用來影吓生活照，譬如話夜晚同屋企人或朋友出街食飯影吓合照的話，我會第一唔建議你買Panasonic，因為佢閃燈真係麻麻地。穏陣之選都係Canon(ixus 800IS或ixus 850IS)、SONY(T系)同Nikon(sorry冇留意佢d DC仔)啦!

[pongyee]

麥當佬，乜咁唱韓國佬 d 出品呀？ 佢地做o既莫洛托夫雞尾酒彈好勁o架，入大學讀邊科都識整。佢地d 北方同胞又識整有史以來最細o既核彈。

[win3t]

josephine_liam

除左機的外型外....妳要考慮這部機妳會在什麼場合用.要以拍照功能優先還是希望多用途.

nv3是以高像素及比一般機用途更多作為賣點.如果不要額外用途只考慮拍攝的方便性和質素可以選擇的牌子和型號可是很多

以你選nv3來看便是以卡片外型為優先.潛望鏡式相機.這類的選擇還是不少的.sony canon 還有不少大牌都有...可以慢慢比較....

拍攝影片的格式和功能也要考慮...去追明星還是看演唱會坐得接近拍短片往往比拍照過癮(拍短是dslr沒法得到的快樂)...另外高iso能否帶來比較好的清晰度也是重要的.防震是必須的...

最後買了之後...不要再上討論區看自己買了那部相機的討論....因為不論什麼機都會有人唱..買了便開心的用到爛...便好了

看用家報告建議看歐美的...因為香港不少人中了品牌毒,只要是大牌都是好.新牌都是不好.參考價值甚低....

香港的相機用家報告比九流馬經貼士參考價值低

[josephine_liam]

McDonald

睇評語SONY T30好似吾多得...而且價錢方面真系貴左D(對我黎講)
我問過人``人地話PAN記影出黎D色好似吾多靚..系米真架?!

[josephine_liam]

pongyee

-\/-我啊SIR話SAMSUNG系最先進``美國軍方都用...(<<吾知佢系米亂吹!?)

[josephine_liam]

win3t

其實我想多用途都埋真系影到相..
NV3好似連120分鐘既電視都入得!!
如果系既出街就可以帶少MP3,MP4果D,,方便好多!!其實我自己一直未有相機,,我個人本身好鐘意影相..望到D野有FEEL就用電話影(我自己用PAN記電話影吾系好得,,拍片個鏡頭起慢搞到一格格)..........
我系一個學生,,部相機比較大眾化就得,,出下街影下街景.....

歐美的牌子有冇例子?!

[MN56]

中意果部就買果部啦，尤其妳係初覺者，對相片質素唔係要求咁高 (NV3既相又唔係真係好差)，但著眼點係功能度。自己既決定，雖然可能會後悔，但總比受人地影響而買左第二部之後再後悔好得多啦！

[pongyee]

樓主，
美國軍方用d咩野我唔知。
但係三星係美國o既盈利排第一我就知。
但我用韓國貨有太多唔愉快o既經驗，希望冇誤導你。

[win3t]

既然你都決定

那麼第一次買機.給一點提示

帶多個已買過dc的朋友去.一個女生很易會被店員推銷了陳列品都不知
檢查lcd有沒有死點.喇叭是否清晰.機身各方面像不像陳列品.
三星機不像canon沒有不能重複用的封條在盒上.你和朋友細心檢查不滿意叫店員再開多兩盒檢查.不買他裝回去完全沒影響.

這部其中一個問題是電短...一定一定要爭取到2個電池或以上...我在百老x無聊試玩時這部是爭取到4個電池和一堆小東西.但我不買.原本便沒心買只是那時這部剛出好奇去玩.....其間看到有女生爭取到3個電池.也有2個電池的....買相機贈品你不爭取他省下來.....你不檢查賣你陳列品....

那店員帥不帥都不重要...他的笑臉只是想賺錢沒有任何其它意義...先在三星官網詳細看完這機的資料,店員的介紹也不太重要

有些店員會反其道擺出了不起看不起來人的態度...其實是他心有屎想你快快買單不好意思詳細檢查......二千多元的東西只有壞人才會叫你不要檢查清楚

已知問題.這部..電短..防震能力一般...成象沒有canon同價機細緻不過還是比下有餘的..有點偏色問題自己可以設定... 以後有人說這些問題也不用介意因為在買前你已知道...

祝你買機順利

[josephine_liam]

MN56

多謝你既意見!!
其實自己真系好鐘意呢部,,不過我好受人影響..人地話吾好搞到我個心好動搖..
所以特登上黎開post問一問你地....

[josephine_liam]

pongyee

可能韓國野真系吾系甘好``但點聽都吾明白有幾吾好....可能買左呢部之後先明白你地既用意..

其實我好熱愛影相架,,所以呢部應該系比我入門試用姐...

[MN56]

[Quote]

MN56

多謝你既意見!!
其實自己真系好鐘意呢部,,不過我好受人影響..人地話吾好搞到我個心好動搖..
所以特登上黎開post問一問你地....

[Quote]

樓主，win3t上面果個post多覺得就好有建設性，對妳可能最有幫助。買左機之後，就唔使再去同其他比較，影多D相，玩盡部機，至為上算。