[ahnges]

小弟最近問朋友借左部菲林單反機過下「單反」癮，想問各位大哥知唔知邊間晒相鋪於晒相時可以幫忙將菲林scan 成數碼相片？收費又係點呢？煩請各位指教下！

[ahnges]

push~ 有無大哥可以指教下？

[Steven Wong]

貴的有快圖美。平的在旺角黑布街哂相舖(門口有Kodak商標果間)，約$29一筒36菲林，效果不得而知，試過先知。

[ahnges]

我係快圖美個網見到「原筒掃描」呢個服務，請問係咪正係我想要ge 服務？佢有分「原筒掃描」同「來底掃描」請問有咩分別？

[kanji]

如果沖 FUJI SUPERIA 負片的話 快圖美都 OK (不過要睇邊間沖), 不過SCAN 就非常唔店, 一來 RESOLUTION 唔夠 (below 1M), 二來SCAN完D 相佢幫你加左好多味精 (推高 CONTRAST 及 SHARPNESS), 使到D DETAIL 無哂. SO 我建議 買部 CHEAP CHEAP 的 FILM SCANNER自己SCAN 都好過佢.

[kanji]

「原筒掃描」同「來底掃描」的分別是:

"原筒" 即拍好的菲林, 佢幫你沖底片 + SCAN---2 STEP
"來底" 即把之前已經沖好的底片羅比佢, 佢幫你SCAN ONLY --- 1STEP.

[six_seven]

其實沖負片一般沖晒舖就得,舖scan都係得淡笑,參考下就無所謂,負片黎講,自己scan會好好多,但樓主玩票及試驗性質,周圍試下會好d,可能屋企樓下果間已經平靚正了!

[ahnges]

樓上ge 師兄提議自己搵部scanner 自己動手，聽落都可行，但想問問除scanner 本身外，仲需要咩特別技巧或器材？我諗scanner 菲林與scanner A4紙總有d 不同吧... ^^"

[pongyee]

我未試過，因有太多底片在手，考慮在退休後才試。

在雜誌上看過，說無論多專業級的掃瞄器，掃出來的影像始終不及原底，反差總是低了，所以一定要ps。

現時一般的掃瞄的速度要一分多鐘一張，36張要45~50分鐘不等；再加上後制，實是太耗時了。

[luisito]

快圖美成日沖到o的相微粒粗，一係偏色，雖然話唔滿意有得曬過，但係底片沖衰o左無得救，試過趕時間，就o甘沖衰我兩筒。o個度o的姐姐仔真係唔係好掂，唔識校藥水，信唔過，印吓數碼相就無問題。

Kodak Express o既沖相有保証，要求唔太高，是但一間有 Kodak Express o既都可以放心。