[一眉道人]

自從有傳先達有新DC舖開,呢度就開始成日有人問dcc喺邊,成哥點好點好,幫dcc佈價,呢頭答完嗰頭又開新topic問!日日如是,定要將dcc大名日日出現討論區最上層!

其實明眼人一睇就知呢d膳稿係邊個寫!如果你要宣傳咪比錢DCFever賣廣告囉!你果班支持者成日話你點好,生意點做唔切,好生意又何須做埋d咁下九流嘅手段,幫自己宣傳呀!以為一人分飾幾角自問自答就可以誤導人?

一定有人問你憑咩話嗰班人係dcc內鬼!好簡單,因ottokwan早前話過,所有支持dcc都係dcc老細!不過,為求大家看清事實真相,做箭靶又何妨!

現更希望DCFever有關方面,正視有人利用Fever作個人宣傳討,公器私用等問題!

[starwars]

原先還認為是幫幫人,但現在的確有變本加厲.

[conan]

我唸一眉道人你都功不可沒！
冇你既片面之詞，點會有咁多人幫 dcc 講好說話呢？

代表成哥同dcc fans 多謝你！

至於DCFever方面的確有需要去正視下有人公器私用，作出一些無理指控，毀謗他人等問題！

[ottokwan]

你唔好勞氣啦一眉道人, 你究竟係邊間鋪頭既老細呀
等我幫你 post 個 topic 問你間鋪頭係邊度喇
你點稱呼呀, 等我都讚下你啦
你反又有咩用呢, 我地都係要咁講架喇

等我又係度讚下 dcc 先
之前我發現萬成海鮮價 (詳見順便投訴萬成一文)
如果大家唔信等閒就去萬成問多 d 價
所以上星期一搏搏走去 dcc 度買左部 s602
發覺影 d 相出黎有問題, 星期二即刻拎去換
老細好爽快咁換俾我, 現在好開心, 部機都冇乜問題

先前有人話 dc age 宣傳, 我都見唔到個 post
反正佢又唔係狂 post, 影響觀文, 我又覺得冇所謂喎
況且 dcc 既服務真係唔錯丫
人地自我宣傳都要服務做得好丫
我都想多 d 公司宣傳下, 同時又有人報告下佢地既售後服務
就係因為我唔知國際影音信唔信得過
冇人講下係果度既購買經驗
先走去 dcc 買貴多四百蚊, 又冇腳架, 相機袋, 128 mb ~_~

一眉道人, 你都係放棄啦, 你知唔知你愈鬧
dcc 個名就愈響, 人地服務好既就自然會打出黎分享
唔好既, 就好似 centralfield 咁被人投訴

[小春]

首先唔好理dcc 有冇人博宣傳
如果店舖個名係差的........點宣傳都冇人理la,重會俾人閙
就算佢係博宣傳,又唔係非法
只不過係生意手法的一種,無傷大雅..........

[Danny]

DCC 我去過幾次，但都係問野，無買野，佢都好詳細答我，其實如果佢有問題，一定多網友投訴，但而我所見，讚多wor！

所以無謂憎人富貴lor，"口碑載道"係好難冒充o既！

[yinyeah]

i have only purchased a pack of batteries from dcc so far but i want to bring out 1 point : consumers will not simply believe what was/were posted here and will only know how good/bad the service is after shopping in that particular shop in person.

[小朋友]

我都有去過旺角dcc , 我真係見到有個人乜都唔識, 就去買
重問有乜野好介紹比佢, 個sale (我唔知係唔係成哥, 因為我未係dcc買過野)
立即話唔好買呀, 你都係上去dcview 睇睇先, 唔好就今買, 你一定會買錯
今個人就真係唔買走了,
嘩! 今好機會都唔叫佢買g3 , 今0既shop真係未見過！
你去百老匯，睇下佢會唔會死都要你買！

同時又有個人剛剛同個sale 買完機, 想再買鏡, 同電, 個sale 又話, 你唔係買住啦, 你都係返去試清個機先, 唔係整今多野住!

我本身都係睇到有今多人話好, 好奇下去睇睇!

[jackngai]

我去咁多次, 每次成哥都好好招呼...... 所以將來再買野, 都係會搵番佢...

[chanraymond3]

實情與文章不符, 點撐都無用, 一定會被揚出來. 我上過去DCC一兩次, 都好服成哥的服務精神和態度

相信大家都係明事理的人, 若個間店係服務唔好和與文章不符, 一定即走及上來投訴, 重點會返轉頭呀?

[vgar]

>>好簡單,因ottokwan早前話過,所有支持dcc都係dcc老細!

咦....... 我都答過幾次人 , DDC 響邊...... 咁算唔算支持 ?...... 乜我做左老細都唔知o既................................

[Dicsal]

我雖然未幫襯過DCC，但我有一次去先達睇電話順便去八下，我只係係門口聽佢同d客講野(我諗係成哥)覺得佢都幾Nice！

[vgar]

記得我買 F100 時去了 DDC (最後無在DDC買) , 聽到老闆 (我諗那人是所指的成哥吧) , 話現在生意好難做 , 有些人刻意在網上中傷他 .......... 當時聽完他的說話 , 我即是想起這裏了.........

不過講真的 , 我當時見佢做生意的手法都絕不 Hard Sell , 因為我當時見佢叫個客唔好浪費金錢買配件住 , 我當時所見到係一個新手唔識影相的用家想買相機及一些閃燈 filter 之類的配件 , 老闆叫佢你第一次買相機 , 不如返去玩熟部機性能先 , 你一次過買咁多野返去 , 可能最終有些東西事後發現用唔著浪費金錢 , 你不如玩熟後才一件一件慢慢加 , 到時如果我有時間慢慢教你啦.

咁講真 , 咁o既服務態度 , 響香港黎講都好少見啦 , 自那次起我才會答這裏的朋友 DDC 位置.

[jackngai]

係呀, 佢真係好有心機教人..........我帶朋友上去買機, 我可以慳番啖氣, 成哥幫我講晒 ~~

[wing_zero]

我覺得有樣野最正既係....你試下去其他鋪頭...試左支鏡幾個字....跟住唔買走人...睇下個sales會咩樣喇....成哥佢只會問你岩唔岩玩呀...你可以返去睇過d相先決定買唔買...仲要係笑住同你講...唔係串串貢個隻^^