[jacky3873]

上個星期買左部 FX 50, 係公司諗住攞出黎影下,
點知冇拿拿俾人話係傻仔,

" 你傻o架....點解你買呢部呀? CANON 850IS 好好多WOO , side 錢 ! "

之後就咁行左去......>_< ....無奈呀!!

想問下.....有幾傻呀??.....部野好差咩? 唔覺woo.....
佢咪又係唔識野扮識野.......人講好...佢又講好........on 9 !

[kingkonghk]

俾廿蚊佢, 叫佢去打機, 打發佢走啦

[johnnychanhk]

好差咩=.=我用緊我唔覺喎
3吋mon, 你canon有咩?
史上最強勁既光學防手震, 你有咩?
28mm廣角端唔變型, 你有咩?(850is係28mm變型係"超"犀利)

佢淨係以為canon先係好機? 膚淺!!(希望冇得罪canon fans)

[pongyee]

樓主俾人串完要在這裡發洩？

你最後o個句應對住個傻佬講，串番佢。

[sadsad]

係公司都有品牌攻擊~.~
我用電話影反而冇人話我@.@

[Oj 妹]

唔洗嬲, 我同事都用緊, 仲用得好開心, 唔洗理人講咩.. 放心啦, p 記的機好實淨耐用, 值得買 !
Canon 好易壞機架! so我唔會再用, 領教過.. 一次就怕左... ^^

[怪俠]

我正在夢寐以求，想做傻仔呀！

[maximilianyuen]

there are always some guys want to show off...they see what ppl say and copy it without thinking....

[takenjohn]

我自己都用canon机、但近來出d机未咩盛意、差咗好多。反而P記令我有些驁喜 ！

[haukwun]

唔駛勞氣，
閒人一個，唔駛理佢講乜啦。
用乜機都唔係大問題，
只要係自己鐘意就掂晒啦。

雖然我都係Canon人，
但我覺得你位同事，實在過份。

每個品牌每個型號，都有其獨性。
冇話邊個品牌邊個型號係最好o既。

Happy Shooting ^^

[ddbyddby]

我係canxn fans, 屋企所有相機都係canxn, 不過人地用乜野機都唔會覺佢係傻仔, 樓主當面比人話, 應該立即表示不滿, 有d人係咁, 以為自己標準等於世界標準, 我最討厭e種人類。

[man1492]

我諗起小學...

[MN56]

對自己既品味要有信心，使乜理人講乜丫！

[tl9078]

佢鍾意啦，你咪同佢講，你條女咁樣係係先鍾意既姐！

這叫個"各花入各眼"，你鍾意唔代表我鍾意，唔通你死我又跟住去呀！

仲有，男人同女人一樣，對自己擁有的品牌相當敏感，你唔同佢 同一類，就係"非我族類"！就係咁，這個世界跟本不會有 "共融" 同 "大同" 。

[jacky3873]

真係多謝你地 d 鼓勵說話, 我聽完之後開心哂!!
其實影靚相除左部機要好之外, 最重要都係人既技術同質素,
我會用部fx50 影多d好既相去證明部機唔差......!!