[ballawong]

用canon做例子
我budget有限，一係就用400D+L鏡，一係就30D+普通鏡頭or副廠鏡
大家會點選??

有冇人可以齋睇相就睇得出個分別lei?
如果冇，我地不斷追求最好既body同len係咪有d諷刺呢?

同埋如果我要影一幅靚相，兩者邊樣重要d呢?

[yung2]

機靚加鏡靚，唔一定要下下用Ｌ鏡，副廠鏡都有可比Ｌ鏡o既好野∼

[嘿哈兒]

兩樣都重要.........
不過開首最好買body先..
鏡你會買很多支.
但body唔會買太多,正常人一個起兩個止...
換機另計...

[man1492]

機動性能: body
對焦速度, 光學質數: Lens

[TommyYan]

菲林機時代, LENS 重要過 BODY;
數碼機時代, BODY 重要過 LENS !

BESIDES : PHOTOSHOP 係最重要 !

[lmichael]

現實咁講.

30d一年前賣幾錢?小白一年前賣幾錢?

30d現在賣幾錢?小白現在又賣幾錢?

咁銀兩有限,緊係買靚鏡,機,夠用就得. 因為電子技術,每日都會有新的技術,所以電子技術重的body,就一定不斷跌價,以摩爾定律講.....,

但係光學技術,已經好成熟,可以大變的機會唔大,所以跌價機會少.

咁你知道點揀啦......

[yung2]

D人成日有個錯誤觀諗, 買鏡保值,
鏡同機都係買來用, 用到夠本, 你理得賣出去仲值幾多錢,
何況鏡唔係股票, 無得升, 依家都有減價情況,
支鏡用舊咗, , 特別係有新版本出現時, 就算L鏡都要半價出售.
機買部幾百萬像都夠你有排用, 無人叫你係咁追新機.

而且人地係問機定鏡重要, 唔係問邊樣保值.

[dcpower]

好既鏡係值得收臧擁有,但機身就好快變古懂....

[peterchan04]

budget有限....

平機 + 平鏡 .... 一定掂.


大把錢... 不過吾想 浪費.

平機 + 貴鏡 .... ok 啦.


大把錢 ... 吾至在....

最 top 機身 + 最 top 鏡.... 每 3 年 換 update model.

.

[weirdjun]

問題是用平body 貴lens 可以用得盡支lens嗎?

[netgamer]

鏡唔係股票, 無得升
=====================

不同意
例如早排的Nikon 50.8，Nikon 18-200等
都被炒起

[ringomov]

其實兩者關係是互補的,相信Ballawwong影相日子尚淺,
體驗不到當中兩者的重要性,機身功能差追焦慢色彩灰暗支鏡幾好都冇用,
唔同既鏡頭有自已既功用同特性,一支萬幾銀既變焦鏡,末別勝過一支千幾銀的
定焦鏡,當你真正投入攝影日子久了,拍了很多唔同主題既相你就明白個中道理.

[thebone]

小弟既敷淺見解如下, 重要性由上至下排列:

1.對攝影既熱情。

2.對身邊世界既敏感度。

3.photoshop技巧。

4.攝影技術。

5.鏡頭。

6.body。

[怪俠]

邊個會鍾意觀音頭掃把腳？根本兩樣都咁重要。

但唔夠錢要選擇的話就要注意body款式轉換得快，好快就有新機推出，

所以買部平先，遲D再換機剛好趕上潮流換靚新機，

而靚鏡則唔會有乜變化，早買早享受。

呢個係策略問題唔係邊樣重要o既問題。

[man24]

當然買左靚鏡先啦,鏡可以用一世,機得唔得??
仲有你幾時見到canon鏡,一萬蚊,過幾年跌到3000蚊,但係相機就一年就跌價.