[littlehoiyi]

某牌子的閃燈來,星期六用緊好地地, 星期日就壞左, 沒淋雨室內影架,因未過保養, 拿上維修部整, 佢話我入左電池水, 要等c傅覆價, 話預左要一千以上

好喇.....等足差不多3星期, 今天覆我竟要$25xx, 支閃我買回來全新個時都只係$26xx!

好想知有無朋友試過咁黑既情況?
還有我其實百思不得其解, 我星期六影室內跟本沒可以令支閃入水, 之後又check番d電, 沒一粒電有漏電池水既情況出現.......

同埋, 咁其實保養有咩用呢? 你話電路板壞左要成千幾銀...我信, 但我覺得跟本沒可能維修同零售價差個百幾銀?

呢單野後....我都要考慮轉會了

[怪俠]

明呃啵！如果所言屬實，就要據理直爭，

諗諗之前有無借過比人？

如果電池水滲到入線路板，

粒電池都出水出得好利害兼已經報消啦。

[hsc]

乜牌子啊

[kingkonghk]

>>如果電池水滲到入線路板

一睇個電箱就知啦

[feet]

complaint to the customer counil, apple daily and cc their japan head quarter....

[chankh11]

唔會二手買番來下話???

[怪俠]

即場就話入左電池水，

咁你自已都應該即場睇得到啦！

[kingkonghk]

>>唔會二手買番來下話???

呢個推測好合理

[怪俠]

>>支閃我買回來全新個時都只係$26xx!<<

樓主咁講你地仲走去推測？？

[littlehoiyi]

我1手行貨買回來架...=.= 未過保養架,N字頭貨~
所以真係好疑惑, 我自己就睇唔出有嚴重漏電池水既問題喇

如果去消委會,唔知有無得compalin?
因為我覺得點都沒可能維修個價同買價差1舊水~

[littlehoiyi]

4月買, 成成貨, $2680=.= 佢報個維修價比我就$2580

[怪俠]

如果你一手一腳自已用開，
一定可以肯定有無漏過電池水，
據理直爭係應該o既而唔係懷疑個維修價錢問題，
如果佢唔想同你整，報個天價有乜咁奇？

[kingkonghk]

如果真係電水搞死, 即係人為損毀, 包人工, 零件另計, 如果冇零件要訂, 有時會叉廚埋你運費.

如果唔係自然死, d cs多數都係一開波就咁樣同人計數, 你爭取到就你好野. 仲有, 如果係zoom到支燈最前, 係咁full power出, 燒焦左塊膠都算係人為損毀

[littlehoiyi]

係自定用開架.....用既次數重十分之少
因為我係室內先用架jar
就係懷疑星期六都重好地地.......用完重take 番d電出來tim
星期日再用就神神地喇

我會上去維修部收番條屍(會唔會換左我個涵呢.........)
之後試下打去消委會問下

咁大間公司........其實我係唔明點解會咁
咁同搶有咩分別? 而個保養又有咩用?

[怪俠]

上去就鏟佢，唔好輸左個勢，等你好消息！