godofdog
註冊: 2006-07-05
上載我的肖像
|
 FORWARD from dchome Post time: 12 月 8 日 |
|
|
[憤世post]呢度幾時先可以改一改, 新手貼相一定比人鬧既習俗?
唔知點解, 可能呢排見到D新手比人鬧, 好似我當年一樣, 我個人D正義出晒黎
所以又要出下post啦
新手貼相一定比人鬧係呢度既習俗黎...新手貼相一定比人鬧佢襯唔起部機...
一個新手, 岩岩買機好開心咁貼下相仔同大家share下...
點知就變成好多大師出黎話你d相邊度唔得 果度唔得 ... 你襯唔起部機!
TO 大師們: 大佬丫, 人地新手黎ga, 你未新手過既咩? 你冇影過爛相咩? 新手有技術就唔係新手啦...
你地日日咁鬧新手d相唔得法...仲邊有新手敢貼相丫
轉下口味, 加下分 比d鼓勵, 等佢影多d唔得既?
話人d相差就算啦, 又唔講差係邊wo, 何謂差? 把口又話唔評佢d相佢唔識進步
喂大師,你咪咁大口氣啦! 你影相又有幾叻丫? 一味話人d相唔得, 評語呢? d相差係邊? 唔中fo? under? 手震? 冇構圖? 如何改善?
乜野評語都冇, 就話唔評佢d相佢就唔識進步, 咁人地係唔係要多謝你一味話佢d相差呢??
更有d偏激d既, 直接話你襯唔起部機 何解? NIKON區 真係個個都大師?
點解新手一出相一定比人圍插到七彩? 新手真係連影爛相既權利都冇嗎?????
一年半年之後後...當年比人插到七彩果位新手影出黎d相叫做好小小啦(係小小咋), 買番幾支鏡皇啦, 有番D專業既器材啦
就轉頭就做番大師出黎話d 而家d新手唔識影相...襯唔起部機...乜乜物物
呢一切一切都係 惡性循環黎既...點解大家唔可以改一改呢?
正所謂已所不欲, 就勿施於人, 既然當年自己都新手過, 爛相過, 點解唔可以接受新手靚相影爛相呢? 我唸極都唔明...
影相真係好叻果d老手, 真係絕小評人d相, 有係有, 不過真係小囉...
其實有可能係自信同自專心既問題...老手大師影d相又靚技術又得, 根本唔洗靠踩新手黎建立自信
但有d人當年影爛相比人鬧完...覺得冇晒自信...自悲心都出晒黎
一年半年之後 要做番大師, 評人d相差 不過點差呢? 又唔講wo 定係講唔出 驚講錯? 人講你又講? 呢個就不得而知了
想當年 我比條叫ddxxxxli 既大師夠成日話我d相唔得啦...果陣真係以為人地資深會員 影相一定叻la
真係EQ小DD, 面皮薄小小 都唔敢貼相丫...不過可惜小弟面皮夠厚,EQ又唔差 所以冇事
到今時今日, 小弟都仲係一名新手, 都係用緊入門爛機, 都仲係比人話緊我d相唔得, 吹水一流影相九流...(琴日先比人話完)
所以我從本都絕小評人d相...唔係因為自己係老師父有技術, 唔洗靠踩新手建立自信...
係因為自己根本冇料...影d相又差...憑咩話人d相? 都係果句已所不欲, 勿施於人丫...
希望呢度咁多位大師, 比條生路一眾新手行下(包括小弟, 小弟都係新手黎阿), 人地影幾張爛相姐...洗唔洗講到咁盡話人襯唔起部機先
你地要發揮你地既專業意見, 評相精神, 麻煩請移玉步過作品區啦
人地D相貼係果邊 先係預比人評ga...留係nikon版踩新手d相黎建立自信...
不如去X-光區比下意見仲好啦
新手從本瘦人 - 憤世POST一篇 版主睇唔過眼都唔好刪...比條生路過個啦
|
|
