[travelben]

我有部 Canon 5D，識少少影相，希望入行試試.

我見日薪都 ok，不過係驚器材唔夠同埋驚影得唔好，始終人家結婚都係一世一次...

希望師兄比些少意見或者比些少鼓勵我啦.

[beeboy]

想做就去做，心口掛個勇字

[Snow Pig]

想做就做，我第一次都係好似你咁驚，但出來效果好滿意。
結婚攝影前一日要check好有乜要準備，當日亦都要preview n次。
外景影得唔好，室內補回好過無。咁樣就能令每個人都滿意自己當日所影的相片。太趕時間的話，就一定要幫手拉上補下。仲要全部影raw。
不過，我都係得兩次經驗，因為少fd結婚。

[travelben]

多謝師兄意見.
我有支 580ex，平時影相都夠用，但係師傅話要加 power pack 先得
我又唔想咁快就買 power pack，因為冇乜　＄＄
就咁用 580 夠唔夠呢?

[Obi-Wan]

Snow Pig, don't waste time use RAW!!!!!! u will definitely miss important moment in wedding.

[ccrsc]

器材先決小不免，兩機三鏡唔會多，兩閃，電pack，
我試過幫朋友影(免費)，佢都有請影相(收費)，但個攝影師套架生就........。都幾監介。

唔好忘記係收錢幫人影，用太平民既器材，無下次既機會大增。

兩機兩閃係因為免除換鏡時間，另外如果死一部都仲有一部，唔好太信賴器材。

我有個師兄專幫人影結婚，收$6500一日都大把人搵佢影，原因之一係佢每次出動都用三至四部機(兩套Nikon，一套pentax 67 120 菲林)，一個助手，咁當然經驗同技術更重要啦。

希望以上資料可以幫倒你。

[幽]

正如樓主講呢d係一生人一次o既大事，唔可以馬虎。
結婚影相通常都要四平八穩，反而唔洗d花巧技巧，
影慣人像果d高低炒淺景深用唔著。
另外，專業o既婚宴攝影師一定識講場面語，
類似「一疏疏到尾」呢類咁o既野，佢地有好多好多句。
呢d說話唔會係渣DV果個講，佢拍片收埋音唔會不斷係部機後面爆。
樓上位師兄講得arm，器材先決。
試過請個攝影師番黎用350D個主家拎部D3即刻鄙視個攝影師，在所難免。
呢行賺得雞碎咁多，婚宴唔係成日有，
根本無能力追器材，所以做呢行好慘架。

[travelben]

多謝以上師兄o既意見。
師傳話下星期有 job 比我，今個星期叫我帶部機去做佢助手，學o下野先
又唔洗比學費，一於去學o的野先

[ccrsc]

好丫，有機會學野，唔好錯過，唔好怕。

[mk07]

travelben
器材先決小不免，比心機ｄ學～

[Legacy-RS]

樓主..努力呀....!

[grasscho]

我有接wedding job, 我係渣HDV, 而搵開一兩位行家影相, 同意以上所講, 器材先決, 我搵開既行家, 都係兩機多鏡, 兩三套閃燈及power pack, 用nikon D3 及 另一位用 1DS Mark II, 閒閒地整套器材過10皮, 雖然器材好同貴, 唔代表可出靚相, 可能用一部contax T3都可能出到, 有後備係好事, d電子野有時真係唔可以盡相

因為家陣DSLR實在太普遍了, 分分鐘d兄弟姊妹都會帶部去影下玩下, 所以器材要見得下人, 就以DV為例, 家陣d家庭機都出到HDV, 甚至Full HDV, 即使仲係流行以DV剪輯及燒dvd, 但都係要買部Canon HXA1 HDV用(行dv mode)

價錢方面, 如以上的裝備, 都只係收到2k多

[Snow Pig]

Obi-Wan兄，
唔得呀，我用死馬唔可以唔用raw

[alexlamfamily]

分分鐘d兄弟姊妹都用 1DS Mark II...
用10皮, 做freelance收2k, 做50次, 應該回本!

[死老坑]

跟吓師傅先.
無經驗你唔收錢都唔敢請你!
器材...價錢高低唔同...收人一千蚊就無可能揸部D3去...你蝕底.仲俾人笑!
收人六仟就要有料到.咪揸350D..ZOOM鏡都唔得.除非定2.8大光圈
........
除咗技術同器材...要功架十足.控制場面先考功夫.乜野時候要影乜野...要記熟.
講野唔可以口沒遮攔....例如:..死...弊....

仲有好多野...唔講住!