[alvin_hahaha]

各位前輩...
我想問如果買2手 DSLR ,
我有咩地方需要注意呢??

我係初哥, 想買 40D !!
雖然BODY 既價錢已經 < $8000,
但如果買2 手再平d ge...
可以留多D $$ 買好鏡頭....

希望各位可以教下我 :-D

[幽]

1.交收果時check下塊感光元件，感光元件係單反o既靈魂，
最好係烈日當空之下，室內交收就用電筒照清楚。
我個friend做百老X有d個案，d客買左部機十日內拎黎換，
因為佢話塊CCD有D塵，「用手指」捽極都摔唔甩......
當然塊CCD就......好多呢d人，唔識又亂黎，但百記又唔可以唔換，
結果呢d機會流去邊度呢？就係二手市場，
DSLR二手市場好保值，無80%都賣到70%。
老實講，用唔係用唔到，不過有d問題囉......

2.有無保養證書啦，有d人會放老鼠貨，
佢地用d九唔答八o既理由「個租客無錢交租，走果陣留低左批器材」
好新淨不過無保用證甚至無盒，咁你可能買左賊贓。

3.睇下個快門次數，有d幾十萬次壽命，
方法比較麻煩d，帶部notebook影完即過落去用software睇，
正常黎講一般用家都唔會用得晒o既。
不過類似記者之類o既職業就去得好快，
由朝影到晚仲要連拍，佢用一年等如你用十年...
仲有係公司野，d記者又唔錫機，
所以報館果d單反一年就放晒出去換過批新o既。
以我所知得好少報館用40D等較低階機，通常都用5D或以上，
對你買40D o既問題不大。

[alvin_hahaha]

感激感激!!
我都注意下!!