[vicvic_1121]

個心十五十六.... 有冇人幫到我?
其實我想要wide....但係panasonic fx 36 D 相o既質素係咪真係好差? 係咪好多noise? D 相sharp唔sharp?
如果質素真係差好遠我諗我會放棄wide....
有諗過panasonic fx520... 但係價錢out左budget....(我諗住二千尾三千頭)

唔該晒!!

[雞仔]

panasonic noise control一直都系一個問題, 夜晚死晒, 如果你一般都系日間影的話, ok的.

[McDonald]

講鏡頭質素Panasonic真係靚過Canon，雖然我一向都唔太崇尚名牌，但P記支Leica鏡雖然話P記代工，但真係爛船都有三分釘，掛得Leica個名都真係有番咁上下。日間戶外影，我覺得P記係sharp過Canon，可惜一入室內稍為暗的地方或要開閃燈的話，P記即輸一條街。雜訊係一個問題，另一個問題係佢支閃燈。佢個慢速閃燈模式個預設白平衡做得勁差，一用就成張相又黃又紅(就算現場環境色溫都唔係咁黃)，點調校都無補於事，試過一次在威尼斯人影相，張張都紅當當。相反我個friend用Canon色水就自然好多。佢呢個問題由佢N年前我用佢部FX7開始至我而家用緊果部LX2都一直冇改善(原以為LX2有手動調校會校得番，but....不過好彩可以影RAW)，我諗呢個都係P記死証，就算佢而家d新機都係一樣。問題係在香港(唔似d外國鬼佬)，好多時你會影相o既時候就係一班人gathering食飯或聚會時(通常係夜晚同在室內)，咁P記點用? 所以如果你問我，我一般都recommend人買Canon多過Panasonic，雖然鏡頭唔及P記sharp，但Canon勝在各方面比較平均。

[mk07]

McDonald
完全正確說法~同意

[vicvic_1121]

唔該晒大家呀!!!
真係唔好意思... 隔咁耐先覆....

其實我係想要wide功能多D.... 如果加埋fuji F100fd 同埋canon 860IS.... 咁邊部會好D 呢?
唔好意思... 女孩子三心兩意.... 話晒都係俾舊錢出黎買機... 想睇清楚D 揀好D 先買....
謝過!!

[johnykw]

McDonald
完全正確說法~同意 x 2

Panasonic 係室內開閃拍人像, 好紅好黃, 相反Canon d色準好多, 其實Pan記都唔係Sharp Canon好多!

[McDonald]

好多人話Fujifilm o既機雜訊少，我N年前用過佢果部FinePix6900但我自己就覺得佢油畫感太重，睇過佢而家型號d sample相，我見就算過咗咁多年佢地d機d相而家都係咁重油畫感(你search吓佢d機o既sample相睇吓就會知我講乜，但唔好淨係睇官方sample相，搵其他人影咗post上網果d相睇吓)，亦可能係咁令人覺得佢雜訊比較少啦，不過呢方面佢唔係我杯茶。但色水方面佢係幾抵讚，我諗大部份人都會鍾意佢d相o既顏色，佢係偏向比較colourful比真實誇張。另一隻牌子可以俾樓主諗吓o既係Nikon。又係N年前用過佢部Coolpix995，印像最深係佢支閃燈，光度輸出好準好自然，就算佢而家d數碼單反機(我用緊D80)o既內置閃燈都係咁好，抵讚，不過就唔知佢而家d數碼DC機仔仲有冇秉承呢個優良傳統喇。Canon對我來講就都係果句，好多o野都冇乜驚喜，但各方面都唔差(但一定唔係最好)，穏打穏紥平均取勝，即係好似d女仔咁明明五官唔太突出，但夾埋之後唔知點解又幾靚女一樣。我諗樓主都係o係Canon、Nikion、SONY同Fujifilm之間揀一部啦，其他牌子如甚麼Casio、Pentax、Ricoh之類我覺得可以不理。乜o野機啱你其實好睇你點用，每個牌子都唔多唔少有佢特色。以我來講揀機不外乎都係先睇支鏡Sharp否、對焦準唔準(因為影出來唔sharp神仙都難救)，再睇佢Auto White Balance準唔準但記住要試開閃同唔開閃個效果(因為如果唔準就算後製都好難搞)，再睇閃燈輸出準唔準，其次至再睇色水靚唔靚(因為呢樣後製最易調較得番好)。回答番樓主問題，如果你淨係提供以上幾個型號俾我揀，咁我會揀IXUS 960IS(不過冇你想要o既wide鏡)。