[fa77le]

多次電視或報章看到.... 一些死亡意外.家人悲慟萬分時,記者佬部相機貼埋去狂拍.新聞記者則一直問家屬.你阿媽點死架...你阿媽死有咩感想.點解有感既感想..

此類新聞久不久便會見到....有些家屬會作答...有些家屬會失控

失控家屬又會被記著佬或電台數落


新聞自由.....那麼公民自由穩私呢

人地家人...關...公眾利益咩事

人地既家事呢d唔係股價.油價.市民唔知...唔會有損任何公眾利益


百份之九十九既報導出發點都係報社,電台利益吧...

[maximilianyuen]

[kingkonghk]

E+興開放, C想要開放, 睇牙都要開放, C癮開放埋囉

[王迦南]

請勿將私穩擴到無限大。


新聞自由、知情權、私穩，三者當中要取一個平衡。


同時，公眾人仕、知名人仕和領袖等，基本上係冇乜私穩的，這是他/她們要付出的代價。

[micros]

一件看似「尋常」o既事件﹐都可能係對公眾o既警示。
例如醉駕出事﹐觀眾睇到意外場面之餘﹐背後應該意識到醉駕o既危險及潛在危險﹐睇到醉駕對自己同他人造成o既傷害。
呢個訊息﹐亦係教育o既一種﹐與大眾息息相關。

前線新聞工作者﹐就一定係影o左先問o左先﹐過o左就追唔返。
有得 follow 就 follow﹐無就算。
有o的位係灰色o既﹐面對當事人親友﹐係要顧其感受﹐人地唔想講就唔好迫了。

[pongyee]

>> 人地家人...關...公眾利益咩事

每逢有新聞，都可以當作教育子女o既課題，從他人的錯誤中學習，某人的不幸可以成為他人的借鏡，亦算是作了福。

樓主是否不看這類新聞？

[fa77le]

以上有人說請勿 把私穩權擴到無限大

香港私穩權形同虛設,從沒放到無限大


pongyee 試問如你全家出意外.還被幾十記者一直追問.你又會是何感想.你還會好好回答記者迫問嗎,..你此時還會想因為你家人的傷害可以給全港人作為教育題材.所以把家人的事都盡力配合公開...你能嗎如在此情況下...


再者....新聞報導時有多少是從教育角度來詮釋報導...你有沒有看過新聞報導?

報社利益..記者自身金錢利益.食呢行飯既人的利益主導過程和結果...常常如此

[王迦南]

我們是有私穩的。最少，你練功時有人擒上去【目及】你，已是侵犯了你的私穩。


為何這是報社利益？有銷路嘛！即是大眾愛知情嘛！即是公眾利益囉！


我是小人物，冇人對我有興趣，我有私穩，我從不擔心幾十個記者追問我。

[pongyee]

>> pongyee 試問如你全家出意外.還被幾十記者一直追問.你又會是何感想.你還會好好回答記者迫問嗎,..你此時還會想因為你家人的傷害可以給全港人作為教育題材.所以把家人的事都盡力配合公開...你能嗎如在此情況下...

那要看是什麼意外，我會選擇心情平靜時才作答。

[fa77le]

d2c
你何不返大陸問問相關部門

再回來登報告訴大家

[pongyee]

不過有時d 記者o既提問太沒有水準。

[pongyee]

樓主還未答我的問題。

你看不看這類新聞？

[PLAYER]

每個人都要做好自已份工-------明吾明

[onlyken]

香港有新聞自由, 我們祖國新聞由國家控制,
大家喜歡在那個社會生活呢?

[micros]

採訪手法下下做得好﹐的確有改善o既地方﹐呢點我同意﹐有時o的灰色位係把持得唔準。


講到利益﹐睇你點睇﹐錢我就一定收。
不過花得起咁多體力﹐我做裝修﹐都搵得多過做攝記；
花得起咁長時間﹐日日睇住個市做下功課身﹐家已經翻o左幾翻。


我做o野時聽到人地講「搵食o者」同埋「文差o者」就火起。
你即管話我懶偉大﹐有樣o野我咁多年都無變過﹐我呢份工唔係一個工作咁簡單﹐仲可以幫到人。
工作做得唔好﹐人地有批評無可口非。
指摘埋人格﹐我就真係好想傾下。
究竟大家o既意見﹐點先可以去到前線記者o個度﹖
大家又有無去反映問題﹖有無運用選擇權﹖