[deadoghk]

剛剛看過這個討論, 本人 (新手) 希望分享下我嘅經驗....

當初我希望有一部, 我能夠全面控制光圈, 快門值, 而且色彩還原程度高, 最小的noise, high resolution to A4, finest details, Marco 夠 Close up 的工作伙伴.

我是做咗好多research 後, 方才決定買cp5700 的. 其實網上有好多高手提醒過, 如果沒有傳統攝影智識, cp5700是頗為難handle的. 果然........., 開始時有點手忙腳亂 :-( , 對焦慢 La, out-focus La, 色溫不準 La ..........., 景深失預算...... 一堆問題

可是, 我一路學, 一路shot, cp 都給我驚喜. For example : 上星期趕job, 用佢shot 完 d products 後, 都唔駛點tone色就直出potter out poster. D色, details 同還原程度, materials 的質感都令我十分滿意.

佢可靠同有排玩ga, 最重要的是色彩層次豐富, 如果太sharp, 太contrast, 真係點tone 都救唔返ga. 當然Lee部機有本身的弱點, 亦真要花點時間適應. 但一旦調好, 佢入得studio, 出得location ga. (依500M pixels 機計)

所以, cp5700 係米最好? 响我心目中, 係囉 :-)

[deadoghk]

呀! 漏咗講, 上面講嘅係我個人經驗同感受, 邊部機最好, 還是看用途, 因人而異 La.....

[oldpear]

咦? 你攪掂左微距果瓣拿? 記得你當日話微距景深極淺, 發晒脾四!

p.s. o岩自己用咪得囉, 唔好咁大力讚丫嘛, 又話色準又話層次夠, 我晌隔離講出5700對焦快速係所有DC三甲之內都俾人話我係SELL屎佬, 俾埋數字佢睇都唔服, 其實佢地先至係認為自己買果部機係天下無敵, 我一早已經講過多數人係俾部5700玩多過佢玩部5700架啦........由而家開始, 我只會數臭5700的不是!!!

XPPPPPP

[6x4.5]

係鬼...難用又慢..

色又唔見得準

[Velsper]

prosumer機可沒說過是容易上手...

除了kodak的DCs(包括傻瓜機)外,
小弟又唔覺得邊隻牌子色好準.
(反過來講,影d同眼見一樣既野就一定係好?
菲林都唔見得色準)

oldpear兄.
先不用勞氣~~ ^ ^

選dc不是要選十全十美(有的話其它就可以"收皮")
先回對焦. 5700低光要5秒幾(我會同意,係地鐵站試過)
慢不慢? 給一個參考,d7低光(可比5700低)要4秒多(約<50%成功)
比人批評"af sucks"..
就小弟看,5700對焦是慢的.(說完)那又如何?
別人說相機就是老婆,既要欣賞其優點,也是包容其缺點.
選相機,係知道自己要求是什麼,再考慮這部好不好.
(拍靜物,對焦快慢都沒多關係吧,給我準焦就行)

有時,女朋友係慢, 但如果你肯接受,遲些你一定可以發掘到她更多可人之處
(5700的buying point 小弟說太多了~)

回主題:[ 最好]會隨你思想"改變"的
很簡單, 未結婚你會同人數你女朋友有幾多優點
結完婚你會同朋友講佢地個個有幾多優點
問題是: 佢地唔會講下個老公又好唔好.

oldpear兄: 看到你的反應小弟想起以前人們一樣是狂攻擊D7
質素不好,對焦慢,食電怪........ 花好耐人地先肯聽下
佢既優點. 現在對這些爭論有點累了.畢竟選相機
就是為了好相,但出到好相卻是人的努力,不是相機.

[patkwok]

CP5700肯定唔係最好，又貴，又多制，攪到我成日影左D相出黎，個個都問我用部咩相機影，佢地成日問點解patkwok你影D相咁SHARP，D色咁正，好X煩呀！

[oldpear]

Velsper,

你想同我講乜呢請問? 你好似係攻擊我而唔係講相機喎, 我從來冇話過5700係完美的相機, 相反我不斷指責5700設計的不是, 我本身唔係攝影師, 只係個對相機結構非常熟悉的老粗, 我回呢題係回應設題者, 當日我以技術員的身份解說微距拍攝的要點, 你扯左去邊度講呢? 我是很認真的提醒我的"師妹"應稍為低調地"讚"。

你無非想話我知你擁有既d7係好野黎唶, 呢點我同意, 我亦從未在公開場合評論過7系, 所謂識英雄重英雄也, 但係要比較的話, 5700對焦係快過7系的, 你唔信我亦應信專業測試, 而且唔單止對焦快少少, 就算shot to shot都係5700贏, 呢個數字資深攝影師會比較有興趣, 5700仲係機中之冠, 所以我都冇同班細路提過, 而且分別亦非太遠, 但前提係你必須識得調較, 我買機前做過好多次測試了, 我相信我的測試會比你稍為專業, 因為我真的對相機結構瞭如指掌, 可以完全無須睇過說明書就可以玩盡部機, 仲有, 部機我唔係買俾自己用的。我知我對5700講得太多, 事有湊巧而矣, 只因近來設題甚多, 但我從未歪曲過事實, 只是你同好多其他人一樣, 好主觀地認為我係5700代言人, 其實我只係賣弄少少技巧, 以過來人身份指點後輩一二, 對象亦不止於5700或nikon機器, 幾乎我有興趣的關於攝影技術的問題都有答過, 亦一如我的作風, 每答必詳。

p.s. 我從來未勞氣過, 但睇見你老哥呢段指控就有少少勞氣。

[Velsper]

小弟沒有想要攻擊你 ^__^
所以才叫你不要為這些事勞氣~
(如果小弟令你火的那對不起)

d7好不好不重要, 要比也沒意思的
d7重的是操作, 5700是質素

[boring_egg]

hehe~~ patkwok, 那的確令你好煩呀. 現在重煩, 用了oldpear那蕉後, 對蕉快了, 準了, 真不知點算.

[boring_egg]

個topic好似有d 想找人鬧交添. ( 正面意見) =_=!

[ddbyddby]

oldpear一向係點, 這裏個個都知, 你看, 如Velsper這樣小心說話, oldpear不但不領情, 還................, 上來這裏, 大部份人都希望大家交流下心得, 就算好像deadoghk出個咁敏感既題目, 看內文我們知道他/她是分享心得,我們也很樂意和其他品牌的用家傾下計, 但有人永遠當自己高人一等, 永遠當自己的說話是法律, 只要有反對就當人係無知細路, 不懂相機, 我地上來這裏並不是要奉承你, 還有請請請請...........不要再幻想我又有關攝影的技巧要問你, 這裏的網友有口德, 為了不讓這裏變成罵戰的地方, 不去和你計較, 你卻越來越戇x居

[robotech]

ddbyddby
既然你認為自己對相機及攝影認識夠深，就請自便吧！
咁耐以來都只係你心有不甘地走黎踩場，57 用家從來並冇於討論 canon 機時走去踩一腳，就請你省省吧！
一直以來 oldpear 都以自己對相機知識去幫助其他拍友，你冇興趣就請不要打擾其他人，我仲希望可以用盡自己部5700，等拍攝時可以更得心應手！多謝合作！

[ddbyddby]

robotech:
為何每次你都這樣勞氣^^ 基本上我做人從沒有踩場觀念, 覺得錯的事,我就會出聲, 我亦有欣賞oldpear一面, 覺得他為5700用家做過好多野, 特別是那次幫網友網上訂5700 ring, 不過我覺得佢個種以為自己好勁, 永遠當自己高人一等, 永遠當自己的說話是法律, 只要有反對就當人係無知細路, 不懂相機,
的態度非常令人反感, 咁覺得佢咁係錯, 我非常覺得Velsper不值, 我咪出聲,
係呢, 希望下次見到你時, 係開開心心咁 post 相上來^^

[Winkellun]

請勿見怪，以下只係小弟嘅點點愚見！小弟覺得CP-5700 肯定唔係最好嘅！雖然小弟用緊嘅 D7i 操作反應唔係太快，甚至及唔上以前用嘅 Canon G1，但攞咗同事嘅CP-5700 上手試玩，結果就係以呢個貴價級數嘅機嚟講真係慢得幾離譜下(可能又係 Nikon 嘅傳統嘛！)操作上真係好複雜，唔似 D7i系咁可以眼不離觀景器都可以按掣轉 setting。最奇怪係同廠供 CP-9XX 系列 DC 嘅多件配件完全唔啱用，只有專供 5700 嘅先啱用，而且售價高昂--Tele lens & Wide angle lens 各賣千多元，又要再加 special ring，連線控都要七百多大元﹝真係唔知何解要咁貴）!埋單條數足夠買一部 D100 喇！使咁多銀兩落呢部機小弟就覺得好似唔係咁值喇!

[midikorg]

哈...題外話
都有好多人買寶品比架Honda,D錢加埋差唔多可以買架寶馬...^_^