[pik825]

剛剛去完珠海'海船灣'酒店,極之失望,我同女友玩2日1夜,BOOK左高級海景豪華房,仲有溫泉套票同神秘島套票,價錢同上次我去長隆酒店差唔多,諗住應該質素都咁上下,點知完全錯曬.
1.一落車係酒店門口,見到係一間好平凡仲有D舊0既酒店,完全唔靚,相都費事影,入到去酒店,嘩~好似無錢裝修咁,D天花吊燈仲好笑,一個大鐵圈,上面係一D燈胆仔,算啦,急急腳入豪華房睇下先,都係非常失望,唔夠大,無裝修,觀感幾舊下,個空調一係無一係好凍,馬桶沖唔到水(之後有人黎整番).
2.食方面D野偏貴,選擇少,亦唔好食,夜晚求其食個BUFFET算數.
3.食完野去浸溫泉,我未試過去一個溫泉唔夠半個鐘就走架,今次試到啦,果度完全無管理,見到有大陸佬一邊浸溫泉一邊食煙,D煙仲飛左落溫泉度,之後走出戶外浸,又見奇景,一個大陸佬係溫泉邊D草叢痾尿,其實附近有工作人員而且有廁所.......完全無人理,戶外環境極之黑暗,只有極微弱燈光,真係踩到屎都唔知,最後我想講,D所謂溫泉水好唔衛生,因為浸左兩三個之後,個身已經有D痕,所以即走去沖涼,返到酒店再沖一次先得,唉........
4.第2日去神秘島玩機動遊戲,由於噚日個感覺真係太差,所以都無咩心情玩,而且D野又唔吸引,最恐怖係有老鼠周圍走,而且D野好唔衛生同好臭,例如我地排隊去玩個4D眼鏡,嘩!!一攞起個眼鏡好大陣酸宿味,勁反胃,即走.
去珠海'海船灣'簡直係浪費金錢同時間,完全不知所謂,仲話'中女'旗下重點渡假村......發誓以後唔會再黎,三點幾就坐車去拱北,再去澳門,去永利賭兩手,贏3千蚊,我同我女友都覺得係上天都同情我地,補償番俾我地.

[oly750]

幾多星架
通常大6酒店要減兩星喎

[pik825]

NONONO你聽邊個講架,上次去長隆酒店真係有5星架,呢間佢話5星囉,不過就真係得3星左右囉.