[MND]

自從五月買左人生第一部單反40D之後對攝影真係越黎越有興趣，花草、風景、生態等都好有心機去影。近排有d興致影下人像啦，於是去左Fevermodel度搵，好有禮貌咁PM左幾個寫明不收費既，最後一個都冇回我。另外有一個我知佢要收錢，但我認為以佢既條件只要收費合理都可以既。於是亦PM左佢問問佢要收幾錢啦，點之佢係PM度只係寫左1000/3 hr依幾隻字！我當時既反應係；｢妳當妳自己係邊個？｣ 其他吾講，我覺得佢既回覆係冇禮貌(Thx等字眼都要有掛)，大安指意同自大(好似吾優做咁)。
之前同老豆(古代人)傾開計，佢話我咁有興趣影相大可似去d公園幫d女仔影相之後問佢地拎番錢wo.......老豆你吾好傻啦，依家係風水輪流轉！
小第致在吐下苦水，Ching們大可當我吹水，多謝觀看。

[oly750]

無禮貌還無禮貌, 收費貴還收費貴, 無姦係噃
佢無禮貌你咪唔彩佢囉, 佢收費貴你又可以唔幫趁佢, 何必勞氣呢

你有無失身失金先

[element_2]

１）你想影人
２）人家想搵你影

兩者最好分清楚，產生誤會就5 好...

[~metal~]

>> 佢話我咁有興趣影相大可似去d公園幫d女仔影相之後問佢地拎番錢

文化中心有人擺檔幫人影相
但要攞牌

[oly750]

我都成日影人相, 不過都唔敢俾人知, 更加唔敢收錢

[亞典波羅]

樓主, 某D女, 掛名係女模, 其實同雞冇乜分別, 係雞先會出聲要收人錢.

果D女變成咁, 我就覺得呢兩三年多左好多九公去影女, 於是有些女就諗到呢個係一盤唔錯既生意, 就開始收錢俾人任影.

久而久之, 咪變成俾人影係一種 service, 要享受呢種 service 梗係要俾錢啦.

只係唔俾身體接觸之嘛....俾人望下架咋 :P

^_^

[MND]

可能係我太敏感啦，不過就真係覺得依家d社會風氣好吾健康。衰d講句如果比$1000不如搵d援交妹出去影相，講真價錢質素吾差得遠。

[oly750]

>>>只係唔俾身體接觸之嘛....俾人望下架咋 :P<<<

唔俾身體接觸點算係雞呢? 影人相人地收你錢天經地2, 我入敵視你影白雪公主都收錢啦

[亞典波羅]

傻啦, 冇咁既事.

我在幾個月前都開個 post, 在 msn 去問個女仔去影相, 我乜都未講, 就開口就講"每小時二百四".

我當時已經準備好了想要拍攝的題材, 以及我的相簿作為傾談內容; 當知道佢對眼只有$_$, 我就冇晒興趣了.

如果要搞女, 洗乜在香港, 返去大六, 平平地仲靚仲索都有啦, 何止影相咁簡單 :P

[亞典波羅]

先講明, 我係好專重女性既, 而身邊也不乏女性朋友, 不過對住雙眼只有 $_$ 的女, 我只會嗤之以鼻 ;-)

[MND]

係囉，佢地跟本一d熱誠都冇，只當被拍係一份工，做又36吾做又36。不過依個情況係由攝影師同model加上社會三方面做成既，確實吾可以只怪其中一方。

[element_2]

>依家d社會風氣好吾健康

不一定係健唔健康的問題。

時代的確係改變咗，原因可以係而家相機已經係好大眾化，唔同以前，一家大細，影相好多時要去影樓。

另一方面，相機的普及，令好多咸蟲周圍影女孩子走光相，影衰正正經經的攝影友。

而家你拎部DC 又好DSLR 都好，好多人避鏡頭的...

想人特登搵你影相，除非你有自己出色的作品，有麝自然香，平常心一點吧！

咪話乜，從前街頭攝影，拿著135 機，細路好多走過來要求你影。而家街頭攝影，難度都高咗，容許小弟技窮，又唔多鍾意影女模，近年都好難碰到時機幾影一張好相，頂多係咁.......



樓主加油！

[oly750]

以前去女痕好多景點任影, 家陣都唔俾影啦, 你想影唔該買票先

[~metal~]

>> 咪話乜，從前街頭攝影，拿著135 機，細路好多走過來要求你影。

o個次 71
影個細路女
見鏡頭識自己笑

[element_2]

一係影朋友囉...