[LongLongKo]

其實....相機body係咪真係咁重要呢?

我呀媽20年前就有玩相機,到而家都係玩FM2...如果唔係個shutter壞左我又叫佢上DSLR....佢一定會keep住玩film機....根住佢一入就D700...FM2就入廠之後自己玩....D700就變左我既...

個個見我揸DSLR就以為我pro...但我永遠只會說pro的只係相機,不是個人,靚相機+普通機佬只會浪費部機,高級機永遠只係比低級機容易直出到靚相,唔代表高級機永遠都只出靚相,普通機/低階機永遠無高階咁好

其實,只要用心去影,最普通的dc都可以出到靚相,一個普通的p mode,肯比一兩分鐘去構圖,加上以下條件,就已經係一張成功的相了
1.使用安全快門(唔手震,構圖幾靚肉眼睇到手震都係係假,影相前一定要check shutter speed,有d人可以1/2秒都照影,又唔開閃光,防震都係最多減兩級,你估自己真係石膏手咩)
2.正確曝光(其實可以用後製執,不過個人認為over左就比under左難執好多)
3.景深控制(下下開盡光圈,影人可以淨係得一隻眼中焦,之後就話部機out fo...= =")
4.iso麻...個人認為呢個係唯一dc同dslr的最大分別,適當地推iso,對shutter speed/防手震 好有幫助的,雖然無可避免地有noise,不過總比手震好呀?(我有d fd 死忠iso 100 =.=")

當我明瞭以上各點...就發現影相唔係按一下shutter咁簡單,任何人都識按shutter,但唔係好多有靚相機的人做到以上各點,所以我好明明點解我呀媽一直死忠film機(當然FM2係legend級的菲林機),我覺得影人係咁多個主題入面最高難到...但佢90%以上的成品都係人像,仲要全手動....靠的一定係對相機的了解與尊重

影過film我先明白,DSLR,auto等的東西給予我們方便,但好多人用完auto之後話部相機唔掂...究竟係咩唔掂呢?好明顯99%都係唔識用部機,有幾多人買dc會用auto以外的mode?用其他mode會tune saturation contrast ev iso等等?又有幾多人會睇shutter speed?

問人邊部相機/lens好用前,問下自己夠料用佢未先,當然你有錢我吹你唔漲,但我希望你尊重你手上的相機

永遠只有不懂影相的人,沒有不懂拍攝的相機

攝影新手的小小見解

[peterchan04]

用 dc 仔影相可以吾錯......
不過要買d 有比較大sensor 既
用 1 / 2.5", 1/2.3" sensors .... 呢d 吾得架.

[pongyee]

>> 沒有不懂拍攝的相機

這樣說，相機不用再進步了吧。

[亞典波羅]

相機只係拍攝的工具, 只能拍攝出你想什麼和看到什麼.

不能把所有問題歸咎於器材. 好好運用自己對眼及腦力去觀察事物.

只注意相機的 noise 低/ 像素多少/ 鏡頭耀斑/ 清浙度就夠啦.

[element_2]

個人來講就唔多同意...

本身我自己係業餘性質影下生活紀錄、自己的動物、家中花草、蝴蝶....等等，買C 記DSLR，純係為咗揀配件方便，和價錢大眾化而已。

我放低了SLR 差不多有廿年，但如果家陣仲未有大眾化價錢的DSLR ，我都一定唔會再用SLR 咯！

諗起要買廿幾蚊筒菲林、祇可裝一種ISO菲林、自己捲片，無單點自動對焦，畀曬相錢果d 日子，我真係怕怕...，寧願用ＤＣ 仔求其影下就算。

[oly750]

影相只為好玩啫, 洗唔洗又咩野專業呀, 又偽術呀咁複雜?
中意用咩影咪用咩影囉

要揾食ge, 都唔洗你教佢用咩野影啦

[kingkonghk]

舊屎FILM時代BODY唔重要, 只係鏡+底片就得

E+電子化左, BODY好重要, 同1支鏡插落5年前o既頂級dslr度, 都59e+新出入門機影得正

[element_2]

＞影相只為好玩啫, 洗唔洗又咩野專業呀, 又偽術呀咁複雜?

我都覺得係，而家好多十二、三歲的小朋友都去讀DSLR 攝影課程...

同埋，真係好難定義或標籤一個人識唔識影相...

[亞典波羅]

>> 真係好難定義或標籤一個人識唔識影相...

標籤自己係"識影相"的, 你信唔信真有其人?

[kingkonghk]

>>標籤自己係"識影相"的, 你信唔信真有其人?

只要係正常人, 一定識影相, 連盲人都識

[pongyee]

>> 其實....相機body係咪真係咁重要呢?


問伯母點解要用FM2 就知。

[element_2]

>標籤自己係"識影相"的, 你信唔信真有其人?

就係唔知囉....咩叫識，咩叫唔識呢？DSLR 都有傻瓜mode, 完部set 晒auto 的人都為數不少呀！

如果識光圈、快門，係咪就等於識影相呢？對焦準及捕捉拍子準確程度又計唔計？咁美感呢？採光呢？同被攝生物產生交流？空間感同構圖呢？

淨係識影相，如果對機的功能唔認識，唔識運用器材，咁又算唔算識影相呢？

容許我的疑問太多了。

連影相叻唔叻都唔易有定論囉....呢個世界，永遠都係一個充滿比較的世界。

[LongLongKo]

當然...有人有錢到淨係買返黎聽shutter聲我都吹佢唔漲

我只係睇唔過眼有好多人連基本野都未識就話部相機廢果d人,買部dslr返黎為個"型"字,所以有感而發

[pigpig2000]

覺得最實際係開開心心咁去影 ^_^

[oly750]

舊屎body都唔好話唔重要, 錦囊話佢既body可以擋子彈
以前底片重要, 家陣底片仍然靚過CCD