[playmate]

《經濟通--魚缸博客》近排香江磚頭市道暢旺，首富超人每隔幾日就喺「孖屐」密密掃佢嘅上市旗艦壹號仔（００００１）。而自從壹號仔喺８月派完咗成績表以來，超人已經掃咗成１２次貨，依家揸住咗４０﹒５巴仙。
　　花旗國代表花旗就話，壹號仔股價近期表現較香江同祖國地主股落後，加上每股資產淨值為１３２﹒９７銀，較股價存在２５巴仙折讓，估值好吸引咁話。
　　雖然係咁，來自花旗國另一代表細摩就一於唱反調，減持咗０﹒１巴仙。有缸友話，超人通常喺無寶不落，今次密密掃貨，或者喺今年壹號仔成績理想，買定博「財息兼收」！