[lmichael]

有時真係無辦法. 一個真實故事.

我大陸工廠有個女同事, 樣唔靚, 又唔係有錢, 因為工作關係, 我都同佢幾熟, 佢未來老公係香港人, 咁佢老公點識o既呢? 居然係.......互聯網!!! 後來我識埋佢老公, 飲埋佢地o個餐.

佢老公係, 香港廠做,中港兩面走的低級職員, 住公屋, 人工我想(只係我想), 一萬左右, 結婚的時候, 佢全家居然無人識用部dv, 又無請人來拍video, 個男仔, 我同事結婚前, 我同佢食過飯, 因為我都怕個女仔比人呃(互聯網識呀!!!!)唔多出聲, 三十歲左右, 樣非常普通, 但係好明顯, 唔聰明, 但好老實, 佢無什麼特別興趣, 唔飲, 唔煙, 我估應該都唔嫖, 但係真係幾悶, 問一句, 答一句, 唔識soc,soc.......

結o左婚, 個女仔無落香港, 咁個男仔, 個個星期去深圳, 仲要係去到接近惠州o個面, 現在有孕, 更加去得密.

我香港公司, 好多女同事有一定年紀, 未有男朋友, 佢地同個國內女同事講, 你真係好運, 搵到個咁顧家的老公, 香港好少有.....

咁我話, 其實香港女仔真係好難搵老公, 因為呢o的男仔, 其實就算比你地呢o的女同事, 你地都一定唔會揀來做男朋友, 係唔係? 眾啞然......

你話香港男仔點會唔返o左大陸結婚?

[一、二、三四郎]

屎場決定一砌…

[怪俠]

淨係一樣...........有樓先至好娶老婆.......呢種男女都有嘅思想....就已經.....

港女覺得嫁人係搵飯碗嘅思想係一種退化...............

[一、二、三四郎]

港男有呢d諗法…
咁係因為佢未搵到俾三粒痔佢個人…

[亞典波羅]

又唔好咁悲觀.

[pigpig2000]

會唔會係科技發達，D人容易交朋友，多咗D比較遠方嘅選擇呢。 ^_^

[一、二、三四郎]

番大6娶老婆一d都唔悲觀禍…

[怪俠]

天涯何處無芳草？

[一、二、三四郎]

我諗起糕妹有包萬寶路…

[王迦南]

話分兩頭，其實我又幾滿意現在嘅情況。就係因為咁嘅現況，我喱d先至仲可以出黎搵食嘛！


正如現在嘅樂壇，老哥手都極之吃香哩！

[怪俠]

點解唔見膠妹黎撐場嘅？

[一、二、三四郎]

膠妹去苦行？

[kingkonghk]

樣非常普通, 但係好明顯, 唔聰明, 但好老實, 佢無什麼特別興趣, 唔飲, 唔煙, 我估應該都唔嫖, 但係真係幾悶, 問一句, 答一句, 唔識soc,soc.......
===========================

朕已經對號入左座.... 做咩野講朕壞話?

[一、二、三四郎]

皇上你一個人溝左三千件…你估平文百性會唔會唔講你壞話？

[lmichael]

其實仲有case 2