[lmichael]

好啦, 呢次一定做箭靶, 我講得o岩唔o岩, 大家自己用獨立思考去想想, 總之都係o個句, 眼前鬼卒皆為妖.....

首先政改o既詳程, 大家睇o下我另外既post.

1. 政府點解拋呢個方案出來?
呢個....., 唔係傻既都知, 其實係阿爺既意思. 唔講咁多.

2. 點解阿爺出個咁既方案? 呢個我另外一個文再講, 因為太長. 簡單地講, 一定唔係為香港人著想啦......

3. 阿爺黨, 即係建制派點諗
其實....., 又會點想? 總之阿爺話點就點, 反正佢地既利益, 唔係立法會, 甚至唔係香港, 而且阿爺會醒o的什麼比佢地,答謝佢地既支持!!!!!唯一一個爭論, 係功能組別, 佢地要保留, 講到現在功能組別選舉都係普選, 其實都白痴, 如果現在功能組別選舉就係普選, 咁阿爺既政改, 改來做什麼? 因為現在都係普選啦, 其實班功能組別選舉係普選論, 係比阿爺更保守.

3. 泛民
i) 先講社民連, 點解社民連咁激烈? 重用五區總辭, 講到係全民起義, 其實明眼人一睇, 就覺得叫全民起義, 就注定呢次總辭, 目標根本就唔係全港市民, 其實呢次目標, 係搶民主黨的票, 而民主黨的票裡面, 最易搶得到既, 係班後生仔, 即係班80後!!!!點解要叫得咁激? 因為班民主黨後生支持者, 就係鐘意激. 佢地反政府, 呢個全民起義既口號, 就係呢班後生仔. 社民連, 我想連佢地都無想過, 係上次選舉可以有三個人選到, 佢地無地區票, 無區議員, 全憑上次行為夠激, 搶o左公民黨好多票, 毛孟靜就係咁死o左. 而社民連好清楚, 佢個黨係唔係"一現"黨, 就好睇呢幾年, 可唔可以增加到支持者, 否則, 就好似以前前線咁. 前線以前都好激, 現在去o左邊? 就因為佢地地區做得唔好., 呢次五區總辭, 其實就係社民連搶票既兵行險著. 全民起義, 目標顯而易見係班反政府後生仔, 即係本來係民主黨或者公民黨的票.

ii) 民主黨, 點解唔參加總辭? 好簡單, 本來佢係會支持政改既. 我想, 本來佢會等政府有點讓步, 就會支持呢個方案. 呢個方案, 大家可能無計o者, 新增既十席, 其實民主黨, 係有可能贏到5席架, 直選五席, 其實其他泛民, 已經再無明星牌可打, 但係民主黨仲有好幾個, 仲階, 成志....., 五席裡面, 佢地係有可能贏三席. 而新增既區議會五席, 其實.....民主黨係民建聯以外, 民選區議員最多既, 如果呢五席, 係用全體民選區議員, 比例選出(呢點就我所講既政府讓步), 民主黨係可以贏到兩席. 即係新增既十席, 有五席都會係民主黨. 民主黨好清楚, 係呢個政改, 佢會係贏家. 重新成為泛民一哥, 亦可解決到新人上唔到立法會既問題. 佢點會支持五區總辭? 支持其他人打自己?

iii) 公民黨, 又點解支持五區總辭, 因為佢地無得選擇, 上次立法會選舉, 其實結果比佢地預期差, 好多票比社民連搶o左, 而且佢地既目標, 同社民連一致, 就係班後生既泛民支持者, 而且佢地同社民連一樣, 無地區議員, 係呢個政改, 佢地係完全無得益, 佢地支持五區總辭, 最少, 唔會比社民連搶o左票. 而且, 其實咁多個黨, 呢個黨係同陳四萬既關係最密切, 陳四萬係呢次政改, 係支持五區總辭. 既然政改對公民黨無利, 咁樣最重要, 就係支持五區總辭同反對五區總辭, 邊個可以令自己得益大o的. 好明顯, 支持五區總辭, 係對公民黨最有利.

好啦, 我講既o野係唔係事實, 大家自己用獨立思考想想啦.反駁都唔緊要,不過唔該基於論據, 唔好只係拘人帽子.....

[一、二、三四郎]

我都想搵d野拗下，不過睇唔晒咁多個字…下次先 >_<

[wileywong]

>搶o左公民黨好多票, 毛孟靜就係咁死o左


睇到呢度，我先答你呢一點先！

毛孟靜係自己表現得差！
如果佢表現好小小，無理由會輸小小比梁美芬吧

李慧琼 : 39013 票
黃毓民 : 37553 票
馮檢基 : 35440 票
涂謹申 : 29690票
毛孟靜 : 17259 票
梁美芬 : 19914 票


點睇都唔覺黃毓民搶哂毛孟靜 d 票
你有無睇當時既選舉論壇架？

[wileywong]

樓主所想既陰謀論，明眼人都知；不過有時 d 野又唔好講得咁白

政治既野就係咁


如果今次五區公投成功左，2012 年 公社兩黨可以爆票
就算今次輸左，我都預計 2012 年 公社兩黨亦會爆票


佢地其實係點都4贏，問題係贏得舒唔舒服既嗜

[oly750]

佢唔知道傳教士就係咁俾人刪除左個account

[~metal~]

1. 2. 3.
鬼唔知阿媽係女人

i.
黨同黨之間有競爭係好正常
除左唔同理念o既黨會互搶對方票
就算相同理念都可以有公平競爭
如果民主黨理念跟唔上民意
被 fade out 亦無話可說

ii.
咁民主黨即係為席位
而放棄理念背棄民意
可以 out

iii
同 i 大至一樣

最後我好想剷爆你
你成日叫人獨立思考
原來你o既獨立思考
就係要其他人同你想法一撚樣
你呢篇思覺失調文
其實係先腦文
以偏蓋全
主旨係針對你唔 like o既政黨
咁你同民賤聯有乜分別 ???

[~metal~]

1. 2. 3.
鬼唔知阿媽係女人

i.
黨同黨之間有競爭係好正常
除左唔同理念o既黨會互搶對方票
就算相同理念都可以有公平競爭
如果民主黨理念跟唔上民意
被 fade out 亦無話可說

ii.
咁民主黨即係為席位
而放棄理念背棄民意
可以 out

iii
同 i 大至一樣

最後我好想剷爆你
你成日叫人獨立思考
原來你o既獨立思考
就係要其他人同你想法一撚樣
你呢篇思覺失調文
其實係先腦文
以偏蓋全
主旨係針對你唔 like o既政黨
咁你同民賤聯有乜分別 ???

[老叟]

民賤拎唔錯喎,有阿爺做後台,有紅色商人財政力撐!!!

[pongyee]

iii) 公民黨, 又點解支持五區總辭, 因為佢地無得選擇, 上次立法會選舉, 其實結果比佢地預期差, 好多票比社民連搶o左, 而且佢地既目標, 同社民連一致, 就係班後生既泛民支持者, 而且佢地同社民連一樣, 無地區議員, 係呢個政改, 佢地係完全無得益, 佢地支持五區總辭, 最少, 唔會比社民連搶o左票. 而且, 其實咁多個黨, 呢個黨係同陳四萬既關係最密切, 陳四萬係呢次政改, 係支持五區總辭. 既然政改對公民黨無利, 咁樣最重要, 就係支持五區總辭同反對五區總辭, 邊個可以令自己得益大o的. 好明顯, 支持五區總辭, 係對公民黨最有利.

======================================================

呢D 野就好似影評咁，睇完表面估裡面。

如果湯家驊唔係反對總辭，我都以為你估得啱。

[lmichael]

最後我好想剷爆你
你成日叫人獨立思考
原來你o既獨立思考
就係要其他人同你想法一撚樣
你呢篇思覺失調文
其實係先腦文
以偏蓋全
主旨係針對你唔 like o既政黨
咁你同民賤聯有乜分別 ???

=====================================
我寫o左個分析出來, 你好似好唔滿意. 其實我無要求大家既想法同我一樣, 我都話叫你地獨立思考o下信唔信.

但係........你好似又同意我既分析.

[lmichael]

點睇都唔覺黃毓民搶哂毛孟靜 d 票
你有無睇當時既選舉論壇架？

=======================================
幾好, 有論據, 咁先至有得討論, 盲辯真係唔知點辯. 有一點係重要, 民主派既票係唔會轉比保皇, 保皇派既票都唔會轉比泛民, 佢地只可以爭套泛民之間, 或者保皇之間既票, 其實鼠王係搶o左田二少既票就真.

[lmichael]

呢D 野就好似影評咁，睇完表面估裡面。

如果湯家驊唔係反對總辭，我都以為你估得啱。


============================================
所以我話, 你自己獨立思考, 信定唔信, 其實你唔覺得湯家驊反對總辭好離奇嗎? 其實我又有解讀.

[lmichael]

佢唔知道傳教士就係咁俾人刪除左個account

========================================
邊個傳教士?

[~metal~]

我寫o左個分析出來, 你好似好唔滿意. 其實我無要求大家既想法同我一樣, 我都話叫你地獨立思考o下信唔信.

但係........你好似又同意我既分析.

------------------------------------------------------------
係頭先不在狀態
衝口而出
鎖你

我同意 1, 2, 3,
但唔認同你針對社民連
你對社民連評論好主觀
仲有社民連有區議員
阿陶咪係王大仙區議員

舊年補選我冇得投
我原意係投季詩傑

[lmichael]

我同意 1, 2, 3,
但唔認同你針對社民連
你對社民連評論好主觀
仲有社民連有區議員
阿陶咪係王大仙區議員

==================================================
咁我有無針對民主黨? 又有無針對阿爺黨先? 眼前鬼卒皆是妖. 邊有正義o架?除o左陶君行, 社民連仲有幾多區議員? 其實應該問, 公民黨+社民連有幾多區議員?