[wileywong]

From Apple :

中央一聲令下，自由黨前日火速「縮沙」，連早已在新界西和九龍西派出近 10萬份個人宣傳單張的田北辰，亦以五區公投涉及「起義」為由，提早鳴金收兵。田北辰昨日談到自由黨縮沙過程時，坦言來得十分突然，又聲稱黨內民意調查一直顯示他勝算甚高。對於突然不能出選，田北辰坦言：「老老實實講，一定會有啲、一定會有啲（心噏）」。
田北辰及後暗寸至今未明確表態杯葛參選的其他保皇派政黨，指有人對杯葛參選只懂「齋講」而無行動，不似自由黨般肯作出重大犧牲，又指黨派考慮是否參選，不應該視乎參選人勝算高低，「有啲人可能齋講，話呢樣唔啱，話嗰樣唔啱，但又繼續去選，我哋（自由黨）唔係咁，呢個係幾大犧牲 o架。」

[wileywong]

From Apple :

公民黨與社民連勢沒料到，不過是宣傳用的「全民起義」口號，竟然成為親中陣營發難源頭，連續幾天受到猛火炮轟，嚇得建制派也全面撤退，不參與補選。單仁聽聞中央最希望兩黨改變初衷，放棄辭職決定，但若未能以重炮成功嚇怕兩黨，現階段不會要求建制派杯葛撥款，但考慮大舉動員市民杯葛選舉，令兩黨揹上浪費 1.5億公帑補選開支的罪名，惹起市民反感。
有知情人士稱，中央打擊「變相公投」活動是「事實」，卻萬料不到，竟然是公、社兩黨主動向他們提供「彈藥」，選中一個「敏感」字眼做口號，「唔鬧先至出奇」。更令人意想不到的是最終就是這個宣傳口號令建制派全面退守。
單仁聽聞，建制派早就「選」與「不選」分成兩大派系，一直爭持不下；但「起義」口號一出，短短兩天令形勢就急轉直下，尤其中央接連派出重鎚，包括譚惠珠、梁愛詩甚至向來算是「溫和」的范徐麗泰猛轟，中央反對有「起義」味道的補選態度明確不過，原有大批主戰者的親北京人士紛轉而支持杯葛，以免與中央意旨相違。


自由黨褪軚　中央加分

雖然中央在「五區公投運動」宣佈之初已落足彈藥狂砌，但單仁聽聞「起義」風波過後，暫時不會呼籲建制派杯葛撥款，但會在高達 1.5億元撥款通過後全天候要求本港愛國愛港團體動員支持者杯葛選舉，務求將補選投票率減至最低。
或許有人認為，「五區公投運動」這一仗，最生不逢時的莫過於自由黨，他們最先宣佈要參與補選，但又同時最快打退堂鼓，被社民連陶君行直斥「落荒而逃」，認真沒面子。但有知情人士卻稱自由黨這次率先撤退，在中央心目中肯定「加分」，得到 2012年立法會選舉「祝福」才是目標所在。一時失威，又算甚麼？

[亞典波羅]

田北辰, 吃不到的葡萄是酸的, 兩年前輸得好肉酸.

就算佢再選都係輸, 正係母乳教學, 問佢點解唔送返自己留返香港受教啦.

[Lam Martin]

其實我真係估唔到大陸竟然可以拍得停自由黨, 因為上次係中央冇幫自由黨, 要教訓一下田少, 令自由黨直選玩完, 今次有咁0既機會自由黨實去馬, 中央都再冇理由拍停唔支持佢, 等佢地搵人入返直選. 估唔到今次竟然做得到, 証明自由黨已經被上次教訓變得聽話or今次出手0既一定係有輩份人事. 連自由黨都要聽話.

但好似民建聯, 工黨同鄉紳果邊未表態, 會唔會有變數?

但今次真係估佢唔到, 我一直以為中央會去馬, 搵機會搶到個立法會話事權返黎, 等唔使怕政改通過唔到, 但中央咁做, 變左掛免戰牌, 理得你係陣前點叫陣都好, 死唔出黎就唔吹, 你吹得我脹吖, 咁做變左好似泛民自己係到搞大龍鳯, 最後都係贏到把口, 乜野有力數據都攞唔到, 而保皇派就立係不敗之地. 只多都係俾人串下. 呢條的確係高, 但最大變數就要按得住班0靚, 如果有一個唔聽話, 走出黎自己選就好易打爛左中央呢個如意算盤.

[d2c]

會員戶口已被刪除，資料已被標示為不顯示

[怪俠]

波蘿兄，自由黨參選贏面真係有架，

遊離票唔鍾意民賤亂嘅好多都會走過去，

我對自由黨不太抗拒，話晒好多老板仔都係香港嘅支柱。

[亞典波羅]

我其實唔鐘意自由黨, 因為好鬼假.

田北辰呢D富家子弟, 08 年參選做騷話撐基層, 你信唔信丫? 選舉時先撐基層? 唔係做緊老闆時照顧基層咩?

[亞典波羅]

仲有, 旅發局周梁單野都仲未計.

[怪俠]

所以上次咪輸得好橙囉，但今次無得揀，形勢會唔同。

[lmichael]

笑傲江湖解讀,

東方不敗下令日月神教各堂主聯手攻華山, 祟山兩大五嶽劍派, 不準單獨行事.....

正!!!

欲知後事如何, 請看下回分解, 哈哈哈

[Canon10DUser]

會員戶口已被刪除，資料已被標示為不顯示

[Lam Martin]

唔係法例規定立法局議員有人辭職, 就要係一定時間內進行補選, 所以財委會冇權唔批撥款去搞返個直選, 至於無人爭下會唔會自動當選, 而會唔會因為自動當邊冇左投票, 佢地0既按金會唔會沒收呢個就真係唔知咯.

[怪俠]

自動down選重使乜投票？晒錢！

[peterchan04]

>>>> 自動down選重使乜投票？晒錢！

我都係噤話.... 其他黨派冇人出.... 即係冇野好投.... 五條友做左傻仔.

.

[老叟]

家下主要由啞爺發號施令!!!1