[element_2]

錄自： Fatbobo Chan on Thursday, September 9, 2010 at 9:56pm

http://www.facebook.com/?ref=home#!/note.php?note_id=474829201899&id=637159625&ref=mf
---------------------------------------------------------------------------------------------

各位住深水涉的朋友,請留意一位身材瘦削,手臂有紋身(好似係條龍),帶住隻黑色龐大洛威拿的男子.

今日,我大約晚上6:30左右在嘉頓公園入口見到佢係公園旁的小街道行出來,突然放了手上的繩,隻洛威拿兇猛的跑過來,想咬Dick Me,當時我用身擋住Dick Me,但隻洛威拿仍然發狂向DickDick咬過去,我立即拉住佢頸上的cock chain,但係因為佢好大力,我實在有點拉不住他,但為了救Dick Me,我死命拉住佢,Dick Dick僥倖走開左,佢又向MeMe咬過去,我用盡力氣拉住佢,此時,我不停叫途人幫忙,最後,終於有個女子幫我拉開了 Dick Me, 另外,兩個男子過來幫忙拉住隻狗,個主人才施施然走過來,拉住隻狗. 我駡了他幾句,就立即走去看Dick Me的傷勢,此時,那男子就乘機走了!路人見他不發一言,帶住隻兇猛的洛威拿,都不敢出聲,讓他走了.

Dick Dick被佢咬到隻左手,現在行路還是吊起隻腳,3隻腳行!唉,好擔心呀,如果明天還是這樣,就一定要看醫生!

Me Me近尾巴處被咬了一口,好彩只是皮外傷!

可惜,我一個人捉唔住佢個男人,我怕佢會再放狗咬人,所以在此將事在此公開.

請小心!

[亞典波羅]

下?! 咁都得?! 有冇搞錯?!

[Lam Martin]

唔識教, 就好好地睇住隻狗. 咬到人咬到狗甚至其他動物都唔好. 連好好睇住隻狗都唔得就唔好養咁大隻. 害人害狗

[element_2]

有d 人係好賤架！特登放繩追貓咬都聽聞過唔少！！

[Lam Martin]

有d 人係好賤架！特登放繩追貓咬都聽聞過唔少！！
__________________________________________
PK黎架, 當年我見到自己隻狗KO隻流浪貓都覺得好殘忍. 竟然專登咁做, 見到真係要報警.

[怪俠]

放大狗係要綁帶戴罩架，佢無做的話事主係絕對可以報警追究。


記得有朋友放狗唔戴口罩，佢隻狗走埋個4歲左右嘅細路身邊，

嚇到個細路始喊到震晒，細路個老豆飛身埋黎一腳踢到隻狗飛起，

朋友同佢嘈到上差館都仲要俾人鬧，事後憤憤不平話自已隻狗唔會咬人，做乜要戴口罩...？

唔係個個養狗嘅都明白自已嘅責任架。

[casino111]

細路個老豆飛身埋黎一腳踢到隻狗飛起
==============================
呢個老豆抵讚

[element_2]

>嚇到個細路始喊到震晒，細路個老豆飛身埋黎一腳踢到隻狗飛起

隻狗有惡意通常係有先兆的，當然，嚇到個細佬喊，個狗主都有不對的地方。但呢d 誤會，本來雙方都可以避免...

所以我帶狗都幾怕見到細佬，試過有d 細佬無性，會一邊叫，一邊作狀打我隻狗....，試過教半年，隻狗先會對細佬改觀，有番信心....

除非個大人睇住和帶領，例如問我摸唔摸得隻狗等等，否則一定要保持距離...

[怪俠]

無事個陣就個個話自已隻狗唔會咬人，

我每次去個客元朗間廠都怕左佢養果兩隻洛威拿（夜晚睇廠用），

個客話唔使怕你唔搞佢佢唔會咬你嘅，

但過兩日間廠有個文員就俾隻狗一咬一扯就咁斷左條手筋，

但個文員話無搞過佢個喎！好彩無信佢嗟！

[Lam Martin]

朋友同佢嘈到上差館都仲要俾人鬧，事後憤憤不平話自已隻狗唔會咬人，做乜要戴口罩...？
______________________________________
D人就係成日咁諗, 人地鬼知你隻狗會唔會咬人, 法例好似某幾種狗先一定要帶, 其他狗只要狗主有辦法控制都可以唔帶, 甚至狗繩都未必一定要.

但我就覺得除非對方係願意主動親近你隻狗, 如果唔係好應該控制好隻狗, 尤其狗想嗅下對方0既味道, 冇乜惡意, 但對一D怕狗OR唔想接近狗隻0既人就係騒擾. 大家都應該互相尊重.

[pigpig2000]

帶大狗出街係咪要帶口罩㗎，
聞說有D地方好似話想立例管制某部份嘅大狗，
尤其係D太凶惡嘅鬥狗，唔知香港有冇諗過噤做，
好多時睇新聞見D小朋友被D大狗咬傷，甚至咬死。
條友養大狗唔帶口罩出街，離攬哂普。 <_<

[Lam Martin]

(1) 在第(3)款及第2條的規限下，任何若非本公告則須就任何大型狗隻而遵從《危險狗隻規例》(第167章，附屬法例D)第9(1)條的人如遵守以下條件，則可獲豁免而不受該條管限—

(a) 如該狗隻在公眾地方，則在任何時間該人與該狗隻的距離，可使該人在合理地切實可行的範圍內迅速控制該狗隻；
(b) 該狗隻的頸圈或胸帶上附有根據第(2)款發出的徽章；及
(c) 如該人是該狗隻的畜養人，則該畜養人沒有違反任何根據本條例或根據任何與狗隻的畜養及控制有關的其他條例施加的規定。
(2) 署長可就任何大型狗隻—
(a) 發出符合他認為適當的式樣的徽章及證明書；及
(b) 以該徽章及證明書確認該狗隻在符合以下說明的考試中取得合格—
(i) 由署長或代署長主持；及
(ii) 是測試該狗隻的性情及服從性的。
(3) 第(1)款所訂的豁免的條件，包括有關的人須遵從根據第2條而向該人送達的通知(如有的話)中的規定。

[Lam Martin]

第III部

對大型狗隻的管制
(1) 任何人不得安排、容受或准許任何大型狗隻進入或留在公眾地方，除非─
(a) 該狗隻是被人用一條長度不超逾2米的狗帶穩妥地牽引的；或
(b) 該狗隻是用一條長度不超逾1.5米的狗帶以不會對公眾及動物的安全以及該狗隻的福利構成危險的方式穩妥地縛在固定物體上的。
(2) 本條不適用於在《郊野公園條例》(第208章)所指的郊野公園或特別地方內的大型狗隻或正在海中游泳的大型狗隻。
(3) 任何人違反第(1)款，即屬犯罪，一經定罪，可處第4級罰款及監禁3個月。

[Lam Martin]

所以只要唔係特定危險狗隻, 係未必一定要帶口罩

[怪俠]

哦！多謝提供資料。