[Winkellun]

Minolta Club Dimage 係時候開張喇 ! 而大家有乜好料、猛料都歡迎嚟呢度同大家分享一下架!

首輪猛料:
小弟早兩日得同事報料，喺中環士丹利街某相機用品店分別有合 D5 及 D7 系 DC 用嘅 49mm "Universal" 編号 6R 嘅五邊形 及 3P 嘅三層綾鏡以倉底價五十大元發售，同樣亦有合 Fuji S602 嘅 55mm 款式，都係六＋大元，仲有埋皮造嘅 softcase 添呀 ! 雖然係倉底貨包裝有Ｄ殘舊，但係塊鏡都冇乜無病好好玩呀 ! 聽聞多年前呢類鏡要賣成ニ、三百蚊架 ! 想買嚟玩下嘅朋友可以去揾揾呀 !


另外小弟在此會陸續再 post 番之前有關 D5 及 D7 系ＤＣ嘅回應，希望可以向仲未睇過嘅 Minolta DC 用家有些少幫助啦 !

以下喺小弟曾作出嘅回應 :

小弟亦係 D7i 用家，大家可試試用 Kenko 嘅 49mm Superpro UV filter，因為呢塊係超薄 filter，所以就算喺 wide angle 都完全冇黑角架！可以喺中環士丹利街某間相機店買到，只係一百大元，非常超值！至於閃燈，如果可以嘅話，最好買 5600HS(D) ，因為佢嘅燈頭可以上下左右多角度擺動，對影閃燈直度相好大幫助！小弟多次去影會展嘅婚紗 show，發現站在台下向台上嘅 model 影半身或者全身直度相，由於時問關係唔可以先向件衫落曝光鎖再向面部對焦，如將閃燈頭加上柔光罩再向上撥約 45-60度打反射光落 model 嘅面部，效果真係好好多呀!大家不防試試啦!!!

哇！軍佬大哥太客氣喇！小弟?家都仲係學緊嘢咋，絕對算唔上係大師呢!至於你嘅閃燈問題，我最初買閃燈番嚟時都遇過！你喺啓動remote flash 時見到嘅閃閃下紅燈只係一粒信号燈，而佢下面嗰粒先至係對焦輔助燈，但好可惜 Dimage 系列嘅 DC 全部用唔着，真係令到好多用家幾失望呀!

小弟?家亦好期待 Minolta 將可能會推出佢嘅第二部 DSLR 呢!因為佢嘅首部 DSLR 已經係幾年前嘅事喇!


小弟嘅意見係如果當光線唔多夠又或者主體和背景嘅反差唔夠高，咁就應該多用曝光鎖向光位曝光，及可試試增減曝光補嘗值。至於內置閃燈，我嘅經驗係一般喺約十米範圍內嘅效果係完全冇問題，影人像嘅膚色同層次都非常好，反而外接閃燈嘅燈頭因為距離鏡頭較遠，效果反而較難控制光源，外閃在較遠距離使用可能會較適合。但如果係因電力問題，用外閃就係惟一選擇，而相機亦可連拍兩張閃燈相，而且外置燈亦有好多特別功能做出好多唔同嘅閃燈相效果呀!


軍佬兄太客氣喇！小弟嘅經驗係好似呢次輯相咁，其實拍照當日光線唔太夠，又冇乜人打反光板，咁就要多用曝光鎖向光位曝光，因為 Dimage 系嘅 DC 係用 EVF，效果可以即時預覧到，但未必可以按一次就成功，如果鎖啱曝光值，連拍時都特別快架！但要多練習先可以掌握得好呀！另外，小弟影人像絕大部份都係用單點對焦點向 model 嘅面部或眼睛對焦，咁樣個焦點會容易掌握好多架！

小弟嘅 D7i 嘅 zoom ring 膠圈亦曾試過走位，但可以話比大家知用 AA 膠係完全唔惦，最後終於發現................... 喺膠圈內嘅其中兩點對角位置貼上一小塊普通嘅簿雙面膠紙，但貼之前先用小量火酒抹淨接觸面，結果係到?家都冇再走位喇！大家不防試試呀!

小弟嘅經驗係大家可試試在 Setup mode 入面將 EVF set 成 Auto on ，再將機背 Menu 制上面個 EVF 選擇制撥到中間 "A"，即係喺影相 mode 時使用 Minolta 獨有嘅眼控觀景器開關功能，一來喺取景時更準確，二來又可節省大量電力。正常情况下，小弟用 Sanyo 1850mah 嘅充電及 CF card 操作相機，大約可操作兩小時，但如果用 Microdrive 可能會短些少，咁樣就唔使成日要將個開關制又開又熄啦 ! 以小弟多年參加搖控車賽嘅經驗，三洋(Sanyo) 嘅差電可謂不二之選，可靠性肯定係最好嘅!而 Panasonic 嘅差電嘅實際容量可能會高些少，但唔知幾時會突然死亡 ! 而 GP 電嘅質素可能未夠平均，同一組電池可能因輸出唔平均而縮短壽命。以上只係小弟小小愚見，請多多指教!

小弟嘅小小意見係如非必要嘅話，最好唔好再喺 D7 系 DC 嘅鏡頭前再加 wide angle or tele 鏡，因為原裝鏡筒重量好輕，如在鏡前再加上負重，因為槓杆原理，一來肯定會增加鏡筒不必要嘅磨損，二來亦有可能影響對焦嘅準確性。其實一般數碼機有６至７倍以上嘅光學 zoom 已經非常夠用，除非好似單鏡機防震鏡頭咁嘅設計，否則太長焦距可能會受手震影響，而且畫質亦會打咗折扣呢!

以小弟所知，任何 DC 都不應向住強光或猛烈陽光直接拍攝，因為相機構造係將光線透過鏡頭再聚焦投射喺感光晶片 (CCD or CMOS) 或菲林上，直接及猛烈強光會燒毀晶片上嘅電晶體，結果就等如人盲咗雙眼一樣，奉勸大家切勿嘗試，唔係就又要破費買新機喇 !

至於 fantasy 兄嘅疑問，小弟估計最大可能係校錯咗 white balance ，因為閃燈光源係屬於日光色温，所以影閃燈照只適宜用自動或日光 white balance，如果用錯咗其它如燈泡或光管等嘅 white balance 影閃燈相，咁啲色溫就會撞到亂晒籠，啲顏色就會變到好古怪，除非你係想刻意製造特別色溫效果啦 !

[Winkellun]

Minolta Club Dimage 係時候開張喇 ! 而大家有乜好料、猛料都歡迎嚟呢度同大家分享一下架!

首輪猛料:
小弟早兩日得同事報料，喺中環士丹利街某相機用品店分別有合 D5 及 D7 系 DC 用嘅 49mm "Universal" 編号 6R 嘅五邊形 及 3P 嘅三層綾鏡以倉底價五十大元發售，同樣亦有合 Fuji S602 嘅 55mm 款式，都係六＋大元，仲有埋皮造嘅 softcase 添呀 ! 雖然係倉底貨包裝有Ｄ殘舊，但係塊鏡都冇乜無病好好玩呀 ! 聽聞多年前呢類鏡要賣成ニ、三百蚊架 ! 想買嚟玩下嘅朋友可以去揾揾呀 !


另外小弟在此會陸續再 post 番之前有關 D5 及 D7 系ＤＣ嘅回應，希望可以向仲未睇過嘅 Minolta DC 用家有些少幫助啦 !

以下喺小弟曾作出嘅回應 (27-April-2003 Update)之第二版 :


關於 D7 系 DC 影人像灰暗嘅問題，小弟相信最大可能係曝錯光同校錯 white balance。以小弟嘅經驗，最隱陣係用十字單點對焦點向主體嘅面部或眼睛先對焦後再構圖，由於多數用中央平均測光設定，所以相機會以眼或面部作中心點測光再加上外圍作平均測光，如果唔先向眼或面部對焦而係向咗件衫或其他嘢對焦，咁測光值就會被錯誤計算為對其它物件嘅曝光值，如果 model 係穿白色或淺色衫，咁張相嘅正確曝光值就係去咗件衫嗰度，但 人嘅膚色就會因曝光不足而變成好灰暗，呢Ｄ其實都係玩相機最基本要識嘅技巧嚟呢 ! 就算用任何 DC 或菲林機都係一樣呢 ! 而小弟用光圈先決同 Program(人像模式) + ISO 100 影人像比較多呢!
至於 white balance 調校，除非大家可以喺像影樓咁嘅環境下，因為光源比較隱定，用手動 white balance 應該係最可靠嘅 ! 但如果喺普通室內光源複雜或户外陽光嘅環境下，最好都係用 Auto white balance ，因為光源可能喺唔同嘅時間或方向下都會有變化，如果你喺同一個環境下設定咗 manuel white balance ，但影完幾張相後走遠幾步或換個角度，喺另一方向再影，咁之前校咗嘅手動 white balance 可能已經唔再啱用，最好再校一次，其實都幾煩架 ! 因為小弟亦試過影户外人像用咗手動 white balance ，結果係除咗最先嗰幾張得之外，之後嗰啲就........................慘不忍睹! 所以最好都係用番 auto white balance 喇 ! 其實 D7 系嘅測光同 auto white balance 嘅計算都係好準下架 ! 而內閃嘅效果亦真係覺得幾準確呀 ! 大家可以放心用呢 !




以小弟嘅經驗嚟講，一般不論影人像或其他相，都不太適合用浮點對焦，因為用浮點對焦後嘅對焦時間明顯慢好多，如影單人人像或單一主體嘅相，最可靠係用十字單點對焦。但係當需要影落腳架嘅相嘅時候，主體可能唔係位於構圖嘅正中間，因為未必方便以正常方法先對焦再移動相機構圖，呢個時候浮點對焦就發揮到最大功用喇 ! 而影一般人像相係唔需要用架 !

而小弟現時嘅 D7i + 5600HS(D) 係用 Velbon 345E 腳架再換上Manfrotto #352 RC 波頭式雲台一起使用，雖然埋單要成差唔多九百大元，但勝在輕便得嚟又幾隱陣下呢!


To Yiu Yiu:

以小弟所知，D5 及D7 系 DC 最適合用嘅外閃只有原廠嘅 3600HS(D) 及 5600HS(D) 兩款，可同時配合 ADI 或 E-TTL 閃燈程式作閃燈補光，其它閃燈內置嘅 function 亦可以用到，可借只有對焦輔助燈未能在數碼機身上發揮作用 ! 如果要買其它牌子嘅外閃，就真係要買前試過先知邊隻啱用，但 TTL 閃光就肯定會冇咗，惟有用手動控制，呢個亦係大家要考慮嘅因素呢!

至於 D5 及 D7 系嘅原廠配件其實也不少，當中又以多款特別用途閃燈為呢幾款機增加多方面嘅閃燈拍攝效果，但原廠外接鏡則欠奉，何解呢? 其實以 D7 系為例， 其28-200mm 嘅鏡頭焦距，在 Prosumer 級嘅 DC 中肯定稱王，喺絕大部分拍攝情況下絕對夠用，真正可做到一鏡走天涯 ! 無需擔心夠 wide 時又唔夠 tele，夠 tele 時又唔夠 wide 嘅情況發生。除非要拍一啲特別嘅創作(如打雀或玩超廣角效果)，否則小弟亦認為冇加裝外接鏡嘅必要，之前亦有提過加外接鏡嘅利弊，而市面上亦可買到一啲啱用嘅雜廠配接鏡，所以大家要玩呢樣嘢亦唔使驚揾唔到呀 ! 而小弟覺得就算原廠唔出亦唔係什麼大不了呢!

To samyukl:
兄台提及嘅 D7 系DC 喺 ISO100 時都有 noise 嘅情况，之前都有聽聞過，以小弟嘅經驗睇嚟，最可能係曝光出錯，可能你係向咗物件嘅暗位而非光位曝光，因小弟亦曾有相同經驗，另外將 contrast 增加或將 jpeg 壓縮度校到 econ(即最高壓縮) 亦有可能會有這情況發生!小弟曾試過如果曝光及其它 setting 控制得好嘅相片，即使用咗 ISO 200 同冇執過相而晒出嚟嘅相片亦冇明顯太多嘅微粒呢! 當然 ISO 100 嗰啲會再幼滑些啦!當然，晒相店嘅技術唔好亦大有可能影響到相片嘅質素呢!

[fastmickey]

Oh...住加拿大..賣大包都無分...la...la.
Ya...D7 noise problem really bad... So I always use ISO100. if the problem still bad... try to set sharpness to soft. may help :-)

[Winkellun]

Thx for the comments from fastmickey la!

大家有乜好料、猛料都歡迎嚟呢度同大家分享一下架!

[Winkellun]

寄件人： stevelaw292
時間： 2003-04-26 14:27:16
標題： Re: 請簽名支持攪Minolta Club Dimage 呀!Thx!
內容： 不如搞個聚會先好!!

小弟覺得 stevelaw 兄呢個提議幾好喎 ! 等大家先坐低互相認識一下，交流一下大家嘅心得，然後再計劃吓首次活動嘅安排，咁樣個活動或者會進行得更順利呀 !

所以小弟?家決定，會先攪一次會員聚會，然後再攪首次嘅人像外影活動。而首次會員聚會應在五月尾擧行(因小弟近來都幾忙下呢) !

各會員如有任何意見，歡迎隨時提供 ! 喺度再次多謝大家嘅支持呀 !
1. 阿金!!!!
2. dargon55
3. andrew
4. appoggiatura
5. DavidWCM (F100)
6. Elliott
7i. 超級park-time
8. yiptommy
9. garrysia (DiMAGE 7i) --->支持搞聚會，地點未諗到~
10. ousia(E203, F200)
11. samyukl 支持
12. albertchoy
13.chris
14.kiddlam(F100)
15. patwong (DimageX and Dimage 7Hi)
16.sangju
17. waver
18. y2k338（F200）
19. Stevelaw (F300)
20. iamwing
21.andykong (D7i)
22.dogu
23.Bastard (F100)
24. lwkleung (D7i)
25.heiheifamily(D7Hi)
26.Antony(F200)
27.Ranma(D5)
28.花仔(F200)
29.rs200 (前7Hi機主)
30.pharaohc (D7i)
31. smallhand (D7Hi)
32.Robotan (F100)
33.vodka519(F100)
34.賢賢&琪琪(F200)
35. cow123 (F100)

[Winkellun]

寄件人： stevelaw292
時間： 2003-04-26 14:27:16
標題： Re: 請簽名支持攪Minolta Club Dimage 呀!Thx!
內容： 不如搞個聚會先好!!

小弟覺得 stevelaw 兄呢個提議幾好喎 ! 等大家先坐低互相認識一下，交流一下大家嘅心得，然後再計劃吓首次活動嘅安排，咁樣個活動或者會進行得更順利呀 !

所以小弟?家決定，會先攪一次會員聚會，然後再攪首次嘅人像外影活動。而首次會員聚會應在五月尾擧行(因小弟近來都幾忙下呢) !

各會員如有任何意見，歡迎隨時提供 ! 喺度再次多謝大家嘅支持呀 !
1. 阿金!!!!
2. dargon55
3. andrew
4. appoggiatura
5. DavidWCM (F100)
6. Elliott
7i. 超級park-time
8. yiptommy
9. garrysia (DiMAGE 7i) --->支持搞聚會，地點未諗到~
10. ousia(E203, F200)
11. samyukl 支持
12. albertchoy
13.chris
14.kiddlam(F100)
15. patwong (DimageX and Dimage 7Hi)
16.sangju
17. waver
18. y2k338（F200）
19. Stevelaw (F300)
20. iamwing
21.andykong (D7i)
22.dogu
23.Bastard (F100)
24. lwkleung (D7i)
25.heiheifamily(D7Hi)
26.Antony(F200)
27.Ranma(D5)
28.花仔(F200)
29.rs200 (前7Hi機主)
30.pharaohc (D7i)
31. smallhand (D7Hi)
32.Robotan (F100)
33.vodka519(F100)
34.賢賢&琪琪(F200)
35. cow123 (F100)

[康記]

很高興見到有Minolta Club Dimage :
本人使用 7i 差不多有一年，由於並非時常操機，所以至今使用時尚未得心應手，能看見各位的文章心得，實在獲益良多，在Minolta 官方網站見到有Firmware update 如下：

Date Title Size
02/10/2003 DiMAGE 7i Firmware Update - Win 816 KB
02/10/2003 DiMAGE Viewer Update Ver 2.1.1 - Win 3.08 MB
08/01/2002 DiMAGE 7i ICC Profiles - Win 13.3 KB
1 - 3 of 3

未知有何用處，請各高手指教。

[Winkellun]

寄件人： stevelaw292
時間： 2003-04-26 14:27:16
標題： Re: 請簽名支持攪Minolta Club Dimage 呀!Thx!
內容： 不如搞個聚會先好!!

小弟覺得 stevelaw 兄呢個提議幾好喎 ! 等大家先坐低互相認識一下，交流一下大家嘅心得，然後再計劃吓首次活動嘅安排，咁樣個活動或者會進行得更順利呀 !

所以小弟?家決定，會先攪一次會員聚會，然後再攪首次嘅人像外影活動。而首次會員聚會應在五月尾擧行(因小弟近來都幾忙下呢) !

有興趣參加第一次會員聚會嘅會員可在此報名呀!