[AnJohnny]

我係一個僱主，係一間中式食肆僱主，本著良心我唔算係一個無良僱主......但......

我一值都唔太抗拒最低工資，因為保障低技術低學力人士係有需要，但到有人叫最低要三十三我發覺班政狗根本無理過我地呢類小僱主，
只係一咪要政績，到今日最低$28......話多唔多話小唔小，但你班政狗唔係做左個最低工資出o黎就算數，有無人跟進過所有細節？無呀！！
到而家都有好多o野都唔清唔楚咁，ＭＰＦ計唔計？無薪日點計？食晏點計？落場點計？所有o野都話由僱主同僱員自定......
好啦，到我定左唔計無薪日，就一大班人叫我地做無良僱主，點解會有咁多人咁短視？！又話僱主付擔唔大又乜又乜咁，
你地係僱主咩，你地真係知我地支出多左幾多咩？！好，我就粗略同你計一計......


一個清潔工本身$6,500 (唔計落場日做七個鐘左右)，計足最低工支我要比大約$8,600

三個樓面本身$8,000，計足最低工支我要比大約$8,600，但我可以比樓面同清潔同一個薪金咩？我肯佢都唔制啦，起碼要上到$9,800

一個水吧本身$8,500，又係要比佢同樓面有d差距.....$10,300啦.....

一個廚房$14,000......個個都有人工加......點都要加d比佢$15,500......

我以往大約每個月賺到三萬左右話多唔多但都叫餓唔死......

我而家每個月比多成$8,000......仲要面對地產霸權同來貨係咁加，作為呢一纇僱主我真係好累啦~~~咁攪法我可以行o既路只係；

１）炒人　﹣但人已經唔多，之後唔知點落去......

２）做無良僱主

３）加價　﹣亦係我將會做o既事，亦係我認識o既大部份僱主會做o既事。最後物價只會調升高左，變相通漲，最後同無加薪無份必!

以上係事實，以下係個人諗法：

最低工資唔係唔好，問題係香港適唔適合，推行時有無做好準備......而家係我地呢班無良僱主都覺得最低工資係一班政狗做政績o既工具，而無良僱主同被炒僱員只成為當中的犧牲品！！！！


P.S.自問對員工唔差，年尾都會有雙糧，佢地都做得好開心~~點解會攪到而家咁......

[Ledley]

一個清潔工本身$6,500 (唔計落場日做七個鐘左右)，計足最低工支我要比大約$8,600
-----------------------------------------------
點計出泥架?



３）加價　﹣亦係我將會做o既事，亦係我認識o既大部份僱主會做o既事。最後物價只會調升高左，變相通漲，最後同無加薪無份必!
------------------------------------------------
加價係必然的選擇.