[AnJohnny]

我諗大家都知道我講緊邊一單意外－－

一個農夫o係中環天橋頂抗議，到場既一個警員嘗試爬梯上天橋勸戒，但不慎失足墮地，重傷不治。　今日警隊以最高榮譽形式舉殯，遺體安葬浩園。　當日一位守中環警官對事件既發生係流淚，而警務處處長曾偉雄以及好一些官員，除左表示婉惜，都對該示威農夫既行為表示不認同，囑咐要考慮保護佢地既人既安全。　我個人認為佢地意指示威者行動間接使警務人員受傷。　當然，最後農夫既訴求係乜野，冇人理。　大眾既著眼點，我認為係被引導去該位殉職警務人員既意外，該示威者角色亦「順理成章」成為害人者。

我呢度只想討論警務人員殉識是否應該以殉職原因，理性選擇葬禮規格？
從新聞o個句「警員嘗試爬梯上橋勸阻時失足墮地，送院不治……警隊以最高榮譽形式進行喪禮」，單從理性角度思考，我點都唔覺得個人既不慎，導致自己生命既損害，與「英勇」及「該示威者」有任何既直接關係。　而明顯該示威者目的係想表達訴求，行為是否已經激進就見人見志，亦好睇警方點處理事件（往往不適當處理手法會嚴重阻礙大眾，半引導大眾責怪示威人士）。

從政治上考慮，我不得不思考究竟「最高規格」、「最高榮譽」或同類崇高形容詞既喪禮，會唔會係政府利用作「隆重其事」既工具。　一位因不慎失足意外殉職既警員，卻以在大火中救人殉職既消防員同樣「等級」既喪禮出殯，關乎「等級」對殉職人士所作貢獻的表彰，我唔知大家個天秤係點，我既天秤就覺得以上事件唔平衡「等級」原意。

老實講，我唔清楚「最高規格」底下係咪有其他等級，有請告之，小弟拜學。

主文理性討論完。

RIP 殉職人員家屬



http://zh.wikipedia.org/wiki/%E6%B5%A9%E5%9C%92

內有浩園安葬者殉職事件紀錄

[Lam Martin]

因為佢係執行職務期間意外殉職.

[impala]

「最高規格」是政治口號去講。印象中最近好像無進行過「最高規格」警隊葬禮，起碼新聞冇出。

[pigpig2000]

如果開工被人開槍打死亦都係叫殉職
亦有可能寫成因個人既不慎被槍彈擊中，導致自己生命既損害.
因為開工而死咗就係殉職，唔係太大問題。
跟當事人點死法冇關係。
況且冇差人希望自己有殉職嘅機會，呢樣可以肯定。

[亞典波羅]

談判應該唔同救人, 所以行去危險地方前應該做足安全措施先上, 否則可以延後少許時間, 咁就唔會死得咁冤枉.

[jazyee]

係社會o既錯

[pigpig2000]

覺得應該開滿哂氣袋，睇吓示威果個點跳。
到佢真係跳咗落嚟先慢慢心理輔導。 ^o^

[impala]

就算是救人都要評估安全狀況，才行動救人。相信該次是意外；唯正苦卻借這事件來抽水，才令人蓋嘆!

[Lam Martin]

請問政府點借呢件事黎抽水呢?

[pigpig2000]

<<<係社會o既錯

===============
神嘅錯，叫皇上出嚟打瞠dry，收費500

[impala]

請問政府點借呢件事黎抽水呢?
------------------------------
轉移視線囉。那雞農本是追討賠償，要求與惡少對話，事件都拖了最少2年喇。因警員跌死，傳謀及正苦發言人都指雞農引起該事件。
這好比建築工人在地盤追薪抗議，阻著地盤工程，馬田你話建築工人不對、定僱主不對。

[kingkonghk]

佢唔爬上橋頂咪冇野囉

再講, D人走出馬路攔車, 遲早1劑

[impala]

我在上環之一個大型屋院，好像是土發的。見過那些建築工人在5樓企跳，咪引起公眾注意，取得薪金囉。相信該雞農之心情是一樣的；同樣那些示威人士走出馬路攔車，某情況是一樣的。

[亞典波羅]

>> 因警員跌死，傳謀及正苦發言人都指雞農引起該事件。

所以話, 做野前要經過大腦, 家下乜都爭取唔到, 仲要累人累物又俾人話.

怪就怪偉業議員囉.

[土方十四郎]

轉移視線囉。那雞農本是追討賠償，要求與惡少對話，事件都拖了最少2年喇。因警員跌死，傳謀及正苦發言人都指雞農引起該事件。
這好比建築工人在地盤追薪抗議，阻著地盤工程，馬田你話建築工人不對、定僱主不對。
=========================================================

轉移視線? 點樣轉移視線法? 你同班高登仔都一味話個差人死係因為周一嶽唔肯見個雞農, 呢d思維簡直on9! 做官嘅一日有240小時呀? 求其有條友對社會唔滿意就要個局長去見佢? 佢見得幾多個呢請問? 咁多部門, 咁多xxx專員, 咁多政棍都解決唔件事, 唔通周一嶽同佢講兩句就得? 如果得嘅話就反而証明香港唔係法治社會啦!

真正轉移視線係d政棍, 煽動個雞農搞單咁嘅野, 令到中環半日大混亂仲死左個差人. 講到唔關自己事咁仲一味話個差人死係因為周一嶽唔肯見個雞農, 挑!