[Lam Martin]

梁振英「賴」市民司法覆核
蘋果日報 2011年07月29日

【本報訊】香港市民近年對政府不滿度上升，行政會議召集人梁振英歸咎香港回歸後，社會變得政治化，令政府施政比以往困難，又指有市民用司法覆核手段挑戰政府，拖慢政府施政進度。有立法會議員直斥梁的說法本末倒置，認為本港香港管治不斷出現問題，全因官員管治質素差劣所致，跟政治化與司法覆核無關。
梁振英昨日出席一個有關香港管治問題的研討會。他發言時指出，由於香港回歸後社會變得政治化，令政府施政比以往困難，又將政府施政問題，歸咎於不少市民司法覆核政府工程，以及透過司法手段挑戰政府政策違反《基本法》，結果不但拖慢施政，也令政府工作量大增，「（人手）係有出現捉襟見肘，有啲情況唔能夠兼顧」，建議政府應該進一步增加問責官員數量。

被轟本末倒置

不過公民黨湯家驊批評梁振英將管治問題本末倒置，對香港問題認識嚴重不足，因為本港法庭只會受理市民對政府不符法律程序的行為進行司法覆核，而市民監察政府，屬《基本法》保障下的權利，「梁振英與其賴市民拖慢政府施政，應該問一問政府，點解咁多施政都唔符合法律程序？」

http://hk.apple.nextmedia.com/template/apple/art_main.php?iss_id=20110729&sec_id=4104&subsec_id=11867&art_id=15475418
_____________________________________________
又要澄清一次, 以免叫mic字頭0既會員又話我post段報導出黎就等於認同報導中所有0既野. post段報導出黎只係攞件事同大家一齊討論, 並不代表本人0既立場

今次我幾認同湯驊講野, 香港係三權分立0既, 所以只有政府做0既野唔合符法律程序, 法庭先會受理市民所提出0既司法覆核. 所以被呢個梁掁英做到凸手真係大鑊.

[一、二、三四郎]

個個做都大鑊

[Nailimixam]

>>>點解咁多施政都唔符合法律程序

呢個真係大問題

林公公真係唔知做咩鬼

[怪俠]

lam 哥你真係辛苦，每次貼完野都要表明臘腸...........

話之佢啦！

[lmichael]

政棍個個都係妖, 你唔好咁天真啦.

咁你即係同意湯家驊講既O野啦.

如果真係市民要司法覆核, 係市民既權利. 但係唔係真係市民去司法覆核, 定係班律師政棍叫O的市民申請法援去打.

但係重點, 重點係現在既司法覆核, 有無政治動機?

現在係O的律師政棍, 用法律保障小市民既漏動, 叫O的無錢既小市民,代替自己既立場去覆核政府. 覆核既目的, 充滿自己既政治動機. 例如菲庸留港七年,OK. 如果你公民黨覺得自己有理, 咁你大可以用公民黨既名義, 去同政府打, 打贏打輸, 天公地道. 但係現在, 佢叫個小市民去申請法援, 請返佢地公民黨既律師去打, 打贏, 政府輸, 即係我地輸, 公民黨打輸, 又係政府輸, 即係我地輸, 因為我地既錢來O架.

公民黨就一定贏, 最少都有律師費, 輸O左又唔駛上身, 個個都係律師,大律師, 最識得搵到可以爭論點. 如果比我打官司, 原來有錢落袋, 仲一定唔駛比堂費, 我下下都打官司啦.

[老叟]

原黎全部都係污糟邋遢既政治,居心叵測咯,昭之若揭咯!!!

[老叟]

所以我對家下D煩民,攻民派,相當反感!!!
最衰過共慘黨

[pongyee]

原來都係共慘黨啱你多D 。

[casino111]

原來都係共慘黨啱你多D 。
===================
我就乜黨都唔啱乜黨都唔信

[pongyee]

>> 我就乜黨都唔啱乜黨都唔信

人心隔肚皮，唔係叫你信，係兩害相衡取其輕，揀個禍害少D 啫。

[Nailimixam]

我對事不對黨，岩咪投俾佢唔岩咪第2個

[pongyee]

我對黨不對事，一個依附槍桿子磚製政權的政黨，只會一面倒。

[Lam Martin]

政棍個個都係妖, 你唔好咁天真啦.

咁你即係同意湯家驊講既O野啦.

如果真係市民要司法覆核, 係市民既權利. 但係唔係真係市民去司法覆核, 定係班律師政棍叫O的市民申請法援去打.

但係重點, 重點係現在既司法覆核, 有無政治動機?

現在係O的律師政棍, 用法律保障小市民既漏動, 叫O的無錢既小市民,代替自己既立場去覆核政府. 覆核既目的, 充滿自己既政治動機. 例如菲庸留港七年,OK. 如果你公民黨覺得自己有理, 咁你大可以用公民黨既名義, 去同政府打, 打贏打輸, 天公地道. 但係現在, 佢叫個小市民去申請法援, 請返佢地公民黨既律師去打, 打贏, 政府輸, 即係我地輸, 公民黨打輸, 又係政府輸, 即係我地輸, 因為我地既錢來O架.

公民黨就一定贏, 最少都有律師費, 輸O左又唔駛上身, 個個都係律師,大律師, 最識得搵到可以爭論點. 如果比我打官司, 原來有錢落袋, 仲一定唔駛比堂費, 我下下都打官司啦.

_____________________________________
1. 我覺得係政府問題, 因為政府為左政治目的, 而莫視已經定立0既法律程序. 政府做錯野先, 有人指正佢, 要求司法幫手去制衡政府, 呢個就係三權分立0既重要性
2. 公民黨好, 小市民好, 都係香港一份子, 點解一定要用公民黨去同政府打? 仲有, 用公民黨打, 你咪仲話有政治目的. 只要係政府本身無做錯, 使乜怕人以法律挑戰?
3. 公民黨D律師賺到錢都應該多謝政府推D有法律程序上有問題0既政策. 點解政府推政策唔可以做好D?

[pongyee]

>> 公民黨D律師賺到錢都應該多謝政府推D有法律程序上有問題0既政策. 點解政府推政策唔可以做好D?

政府急於求成，諗住夠票數大哂。

[impala]

政府急於求成，諗住夠票數大哂。
--------------------------------------
這才是現在坑講正苦之問題核心，甚麼"公務員是人民公僕"都早已成為歷史，與big 6 有異曲同工之處。