[AnJohnny]

「幫我」管理MPF 那班寄生虫基金佬有著不可思議的能力與智慧。

係過去十二個月，佢成功幫我蝕左 $15,300。即係話，若果我年頭將上年既結餘，加上供款，再加上係以前第二個戶口蝕剩既，就咁放係度乜春都唔做，我會比而家既結餘多 $15,300。捐俾港大民意中心，可以退稅；俾學民班細路，當買贖罪券；科俾陳校長，係做善事，支持弱勢社群。過去一年也沒有捐這麼多錢，但班基金佬連一聲唔該都冇，就幫我蝕左佢。

難為佢仲要收我管理費。我真係感謝你收左我錢之後仲幫我蝕錢。呢d咁偉大既野，無左你班輪樣唔掂。MPF 即係樓下個看更，日日放個賊入黎爆你格，但你仲要俾錢請佢，佢每日滙報俾你聽你俾人偷左D乜。 Thank you very much.

這是個代理制度徹底失敗的佼佼者。

每次睇MPF 既年報，都要揀係最好心情個日睇，唔係好容易爆血管。MPF 最混賬既係，班人根本唔知我賺定蝕：佢地要將 opening balance + contribution – closing balance 先至可以推返個 account gain/loss 出黎。哈哈哈，我俾錢呢班人管錢，呢班人連賺蝕都靠估，真係低能兒童，快樂無窮。

更難得係連保證基金（最尾個column）都可以輸錢，投資回報 -47.4。時到如今我真係唔輪知佢究竟保證d乜？保證輸？佢地究竟係點樣做到呢一點？阿薇係點死嫁？

我去 HSBC 的網頁，找到旗下強積金基金的回報表。當中那個由2000年開始的北美股票基金，到今天還是蝕錢的。真係能人所不能，達之無人之境。我只能想像佢買左大量科網股如 WorldCom, China.com, 係高位買左 amazon, yahoo 等股票，而沒有買過 apple。去年道指升左 5%，呢隻基金都仲可以-0.8%。我可以向你保證，係一個升市買正股輸錢，其實真係好難，你要有足夠既眼光同運氣，揀左d 連個市都升但佢偏偏仲跌既股票。

除左香港政府，呢D奇人真係好難搵。求神拜佛，呢班毒瘤唔應該再留係基金界。如果靠呢班人，600歲退休都唔掂。美國最大債券管理人 Bill Gross 講過，成班芬佬夾埋唔能夠 beat the market，因為佢地本身就係 market itself，所以你買恒指基金，即係我日講夜講既 2800 就夠。輸錢既野由得我呢種人輸就夠。

另一份舊既 MPF。理所當然都係蝕。俾錢買左咁多年教訓，我對於MPF 既賺蝕唔會再心存僥倖。呢個保存戶口，佢蝕向左走向右走晒我就當做左場法事，唔好年年再浪費木同紙寄疊垃圾俾我。當幫下地球。善哉，善哉。不過，佢咁蝕，都要蝕足15年，中間袋足你咁多年管理費。話佢地係寄生虫係詆譭左寄生虫。

最好笑係呢幾句：「請核對以上報表，如發現任何差異，遺漏，錯誤或不正確之處，請於報表的編印日期後120日內通知我們。否則，報表上顯示的紀綠會被視為正確。除非有關錯誤由偽造或欺詐行為引致。」

卜你個臭街呀！成個MPF 根本就係一個欺詐，使乜印呢幾句？


原載於：http://relgitsjg.xanga.com/768234972/item/ 第六段

[kingkonghk]

朕1早刀話強姦金奶硬野

仲有最雞公豬刀係奶野

[pigpig2000]

e+乜都奶哂野
腫豬唔好搞出人命就算安慰~_~"