[AnJohnny]

剛大學畢業，做左幾個月野，有感而發 :

小弟非三大社會科學畢業，二十二歲，單身。做office，人工未扣強積金有萬三。
我知道香港入息中位數都係萬二多d時，我都唔知開心定唔開心好。
工作性質，同事全部都高學歷，博士都有。但做事就會發現，學歷高唔一定代表做野叻。三大畢業要做低我一級，博士又唔見得真係好有智慧。
本來想做一d對人的工作，結果份工大失所望，入左去先知主力做office野。
朝九晚六，日日如是，全日唔洗點講野，低頭密密做，返左幾個月覺得把口有d退化，開始腰痛。係一個封閉空間下工作，思維都慢左。
返到屋企八點，睇下電視又夠鐘訓覺。
今晚屋企冇人，一個人買左個麥記拎走，食完訓係度睇電視，無聊到自言自語唱歌。好慘。但唔想出去social。
單身二十二年，最近先放棄追女神。想搵朋友傾計談心，但又冇動力去做。
工作以來，差唔多次次六合彩都買，當買個希望，卻反映你的絕望。
我知道自己唔係零，知道自己唔算差，就係知道自己唔係差，先唔甘心咁平凡苦悶過日子，但目前又無何奈何。

明白沒有　在懸崖上哪可退後
你要轉左我不會行右
望著自己的映像搖曳跌盪
仍然優雅地盲目搏鬥

[lmichael]

呢o的叫............身在福中不知福.

[怪俠]

明白沒有　在懸崖上哪可退後
你要轉左我不會行右
望著自己的映像搖曳跌盪
仍然優雅地盲目搏鬥

=================================

不明白，在懸崖上哪可退後，那麼就踏步上前吧！

你要轉左我不會行右，行為強迫？

望著自己的映像搖曳跌盪，醉酒定柏左藥？

仍然優雅地盲目搏鬥 ，22歲萬三人工返到屋企八點，睇下電視又夠鐘訓覺。真係搏殺得幾優雅。

[Lam Martin]

不明白，在懸崖上哪可退後，那麼就踏步上前吧！

你要轉左我不會行右，行為強迫？

望著自己的映像搖曳跌盪，醉酒定柏左藥？

仍然優雅地盲目搏鬥 ，22歲萬三人工返到屋企八點，睇下電視又夠鐘訓覺。真係搏殺得幾優雅。
__________________________________________
講真, 我廿二歲時真係冇萬3蚊人工, 果時仲係半工讀緊. 返屋企8點? 我記得當時住元朗返鰂魚涌, 真係8點都冇返到屋企.

[wai59]

講真, 我廿二歲時真係冇萬3蚊人工, 果時仲係半工讀緊. 返屋企8點? 我記得當時住元朗返鰂魚涌, 真係8點都冇返到屋企.

你唔好作咁大好唔好.你條炒樣.22歲時咪係街邊執垃圾.........半工讀..我呸

[AnJohnny]

時下既青年, U Grad 左一出社會就諗住青年オ俊平歩青雲左擁右抱温香軟玉欲拒還迎半推半就 ... ... ... 夜夜笙歌酒色財氣 ... ... ...

點知又係皮零人工食自己無女齋睇 AV ... ... ...

根本而家 U Grad , 即係二十年前既中學畢業咋 !

[dc影者]

以前有養成工、有學徒、工種好多都係流水作業，沉悶而工時長，

一樣培養出一班技術出色各行業嘅師傅，做就香港嘅繁榮，

工廠妹十飯壺，解決了多少家庭經濟問題，

那時從沒聽到年輕人買樓的煩惱，放工後可以上夜學已經係年輕人的幸福，

阿怪嘅中文之可以打敗一個自稱Kings畢業嘅所謂留學生、工程C之類，就係當年夜校老C教嘅。

[dc影者]

其實現在網上基佬坦星文先至難學，D 童陰痔好難打得落手.....