[kk666]

.........................入境稅因噎廢食 爛政客最叻倒米

大家都聽過成語因噎廢食啦，因為一次食飯骾親，驚到從此不敢進食，聽落都知係愚不可及嘅傻瓜行為。

不過呢個世界好奇怪o架，明知因噎廢食等於慢性自殺，偏偏有人甘之如飴，仲想教唆其他人陪佢哋一齊癲添，簡直靠害。

嗱，入境稅就係呢種極度愚蠢嘅靠害建議嘞。內地旅客持續增長，香港接待能力出現樽頸困局，於是反對派政黨提出一條類似糖衣毒藥嘅死橋，建議對非本港居民徵收陸路入境稅，每人每次一百元，話每年可以減少一千萬人次旅客喎，又話望而卻步嘅主要係不過夜嘅低端旅客，對旅遊業唔會構成巨大影響咁話。

實情又係咪咁簡單呢？梗唔係喇！香港係自由港，大門一直為世界各地旅客敞開，如果突然針對內地客，迫令留下買路錢，隨時畀人告歧視都似。

係人都知，家陣中港矛盾尖銳，兩地摩擦日增，若然香港再出手挑釁，火上加油，後果可大可小o架，萬一內地同胞以眼還眼，杯葛訪港，到時反對派就求仁得仁咯，最慘係到時市面水盡鵝飛，旅遊業只有死路一條嘅咋。

再講吖，開徵新稅問題複雜，你估好似政客論政咁紙上談兵，可以天馬行空，不計後果咩。嗱，行政會議成員葉劉淑儀透露，港府多年前都研究過針對本港市民嘅陸路離境稅o架，卒之發現根本行唔通，一來陸路口岸人流太多，二來難以分辨水貨客、旅客及跨境上學或上班人士，結果建議無疾而終。

所以話，天下本無事，政客自擾之，好心佢哋唔好搞搞震喇。

搞到香港無人嚟，對經濟有好處咩？搞到市面一潭死水，對市民又有益處咩？泰國舊年打算開徵入境稅，向逗留超過三日嘅旅客收取五百泰銖，因計劃激起反彈而胎死腹中。港產政客將人哋唔要嘅死橋向港人推銷，唔係靠害又係乜嘢吖？

一句講晒啦，香港係「好客之都」，唔係「趕客之都」，點都唔應該將財神爺拒之門外。

正所謂，此處不留人，自有留人處。家陣全世界都大力拓展旅遊業，好玩好食好風光嘅地方比比皆是，內地旅客唔係淨係可以嚟香港o架，唔該政客們醒吓啦。其實，只要喺大嶼山同邊境地區興建購物城，畀為購物天堂而來嘅內地同胞盡情掃貨，咁樣旅客能夠滿載而歸，業界能夠財源廣進，市民日常生活不受影響，咪皆大歡喜囉。

講到尾，全世界無人嫌錢腥，香港面臨旅客逼爆難題，解決之道係擴充接待設施，唔係土匪剪徑咁趕客，叮！

[impala]

"水貨客"實際不是旅客；有可能是勁爭者........

[kk666]

........哈哈......唔該你計計有幾多〝水客，旅客〞？

[煩友]

咁你有冇水客條數呀? 香港係好‘貴客’ 5係好‘賤客’

[煩友]

貴賤係人格呀, 明5明呀!

[Lam Martin]

我覺得應該向D一日多次來回0既人收稅囉.

[dc影者]

好！中港同時互相徵稅囉！

$100邊有力？徵夠1000丫，

差唔多可以斷絕兩地交流啦，仲繼續有自由行就收夠10000........

香港人連回鄉拜山都可以慳番.....

煩友、食屎哥咁嘅人格....肥花可以考慮下收100先俾佢入黎喎！

[kingkonghk]

水貨客大部份刀係遲有香港身份正架喎

[dc影者]

所以公平d，特區收國人稅，大陸收港人稅，

人人有份.......

[impala]

還有居住於內地的港人......

收人頭稅是有難度，可行性成疑。

我就建議收銷售稅，買貨咪增加成本囉。
如果是港人，每人，包括小孩，每年都有一定數額現金補償；這亦可針對珠3角生活圈之匯率差。

[煩友]

收入境稅好, 我去日本出入機場刀要比稅, 無奶由陸路5洗比

[kingkonghk]

舊屎D人話做乜座1個站刀咁貴, 9鐵話火車票價已包埋人頭碎

[kingkonghk]

銷售碎咪仲衰, 個個國家都退碎俾外國人, 香港跟5跟先?

[Lam Martin]

水貨客大部份刀係遲有香港身份正架喎
_______________________________________
都收囉.

[kingkonghk]

總G7入景就要收, 雞長馬頭6路刀收, 話G你咩野人, 咁就OK

O係大6住, 毒SHE, 同做32果D自己卵辦法