[lmichael]

本土主義害死港人治港.

近年本土主義興起, 講什麼分割香港, 城邦論, 香港獨立.....等等. 認為香港唔好理國內, 搞掂自己香港就得. 香港就能免於中共既影響, 保住民主自由. 有咁樣想法既, 簡直係害死香港. 就因為現在呢個思潮, 關心中國民主既人, 特別係年青一輩, 係越來越少. 什麼譚作人, 什麼劉曉波, 關香港什麼事? 連搞六四, 本土派都開始批評. 中國民主事務與香港無關.

其實呢個正正係中共想要既結果. 當年為什麼鄧小平定出一個一國兩制, 港人治港, 高度自治既方針? 其實完全出於河水不犯井水, 井水不犯河水. 即係基於一個大前題, 就係香港河水係有機會犯河水, 因此佢先至要築起呢道高牆. 中共一向最驚, 就係好似1989年六四時, 香港所起既作用, 新聞自由, 高透明, 不怕死回大陸支援民運既人. 因此, 中共在此既大前題, 佢寧願比你高度自治, 因為佢以此為代價, 希望你唔好搞佢.

但自從本土主義出現(我估中共笑左出來), o的人出來遊行, 唔係因為劉曉波比人拉左, 又或者聲援國內新聞自由, 可能因為個堆填區, 又或者因為個郊野公園, 香港人以前係想翻牆將消息比大陸人知, 現在係大陸既香港人想如果在大陸翻牆知香港消息.

中共已經唔驚呢面既河水犯到井水了. 即係佢地已經唔係做戰略防守, 佢地可以做戰略進攻. 即係唔係驚你搞佢, 只係想我點樣搞你........搞你真係好多種. 點係你身上搵錢係其中一種. 又或者係你身上做試驗.

我唔知點解咁多人以為中共好驚香港本土主義抬頭. 佢驚什麼? 真係香港獨立? 我諗佢驚完台獨,疆獨, 藏獨, 釣魚島, 南沙.....下刪一百幾十個地方, 先至驚到香港獨立. 佢本來唯一驚既, 係驚香港輸入民主, 自由, 人權意識到大陸. 香港本來係中國唯一同國外民主, 自由, 人權接軌既地區, 所以佢本來係關閘, 我唔搞你, 你唔好搞我. 現在? 既然你都唔會搞佢, 佢緊係開閘, 過來搞你啦.

其實台灣一樣, 以為我唔搞你民主, 你唔好來搞我. 其實進攻就係最好既防守, 中國同你傾經濟, 合作, 統一, 台灣應該同佢傾中國要有人權,民主, 自由先至係大前題, 咁中共一定唔敢咁快搞你台灣.

[怪俠]

好文

[impala]

X 2......

[飯窯]

標題有誤, 因為從來無港人治港, 也因為香港管治水平江河日下, 先引發本土主義, 而本土主義實則可分割大陸同香港之間所有矛盾, 所以本土主義先係救港之道.

[怪俠]

香港同台灣如果願意擁抱大陸同胞，尤其是新一代，中共唔驚就有鬼......

[Lam Martin]

部份同意啦, 但我係同意本土主義對香港無益.

[lmichael]

標題有誤, 因為從來無港人治港, 也因為香港管治水平江河日下, 先引發本土主義, 而本土主義實則可分割大陸同香港之間所有矛盾, 所以本土主義先係救港之道.
========================================================
咦? 你真係中晒陳雲毒......., 我好懷疑佢係中共係香港既內奸.

我舉一個大家都知既例子, 大家有無讀歷史? 係世界歷史!! 知唔知sgp點樣係馬來西亞手中獨立. 老實講, 唔係好似香港咁, 懷念殖民, 搞星獨, 然後星加坡獨立. 其實係完全相反. 係李光耀擁抱馬來西亞, 想改變班馬拉仔既領導, 最後.....馬拉踢左sgp走.......你星人治星啦,永遠獨立啦, 面對強大既政權, 從來係因為佢唔想擁抱你, 你先至離得開佢.

港人治港可以成功, 如果劉曉波被人拉, 香港有百幾萬人上街示威, 香港大學個個國是學會係學校舉辦六四講座, 成為反共基地, 你估中共仲敢唔敢比咁多自由行來香港? 仲會唔會比學生來香港做研究生, 你會有可能改變中國, 中共先至唔敢擁抱你, 佢唔敢擁抱你, 你先至有可能真正港人治港.

舉多個例, 你又唔見中共擁抱下法輪功, 比o的人入去法輪功統戰下佢. 香港做到法輪功咁, 中共就唔敢擁抱得咁大力啦.

都係o個句, 中共從來只係驚香港既民主,自由, 特別係新聞自由, 會影響到佢統治, 什麼本土主義, 只係......港式自瀆, 你唔係以為你真係可以唔比自由行來, 又或者中共真係好驚你唔比自由行來?

就算你真係港獨, 你搞個港獨組織出來, 佢都唔驚, 佢驚藏獨,疆獨, 台獨, 係因為....佢地有武力, 我指係殺死人同自殺既武力, 你無呢樣野, 我真係未見過係極權國家, 獨立會獨得成功.

最重要一點, 你叫港獨好過叫中國革命, 你講民主, 自由, 派人返去宣傳, 例如現在個支聯會, 你比個天做膽, 你派人返去, 比佢拉左, 中國, 國外, 台灣一定一面倒同情支聯會. 你港獨組織成員......, 一返大陸, 就抹黑你同彊獨, 藏獨合謀, 香港傳媒吹多兩下, 自己香港人都同你劃清界線啦.

本土主義同港獨, 真係中共消滅香港對中國影響力既利器.

[Lam Martin]

我唔知道究竟本土主義係咪令到香港影響中國定係中國影響香港, 我就覺得攪乜野本土主義就好似一班人自視一出世就係貴族咁, 自以為自己比人高高在上, 到最後只係俾人孤立同睇唔起0既可憐蟲咁

[lmichael]

其實上海又唔係一樣有本土主義. 睇唔起進上海既農村人.其實係大陸, 個個都好似香港人咁, 憎人富貴, 懨人窮, 香港人只係越來越似大陸人, 中共又用返呢點, 搞個本土主義, 搞掂!!!從此以後, 唔駛驚你再同佢o的大陸子民講什麼民主,自由了.

係佢眼中, 現在都係港人治港, 即係你港人o米玩香港本土主義, 千其唔好過來輸入什麼民主自由. 最驚你輸入革命....., 你知唔知, 香港係辛亥革命時, 搞到清朝幾頭痛.......?

[怪俠]

就睇番六四單野，學生運動受全國各地聲援時，

其中影響最有力的就是香港。

如今中港民間互相仇視排斥，中共今次真係怕你有牙........

[lmichael]

所以中共自由行最成功既，係令到中國人唔再信香港人。最有能力作為中國民主運動對外連係既，本來就係香港。你做到，中國驚你，同你盡量分隔。中國人係六四時，好信香港人，傳媒，因為香港人冒死，走入一個極權國家，去支持佢地既民主運動。現在？只知道香港人歧視中國人。

[kingkonghk]

我不嬲刀話D人精神分裂, 1時又想大6人死晒, 1時又話要拯救國內同胞

[Lam Martin]

所以中共自由行最成功既，係令到中國人唔再信香港人。最有能力作為中國民主運動對外連係既，本來就係香港。你做到，中國驚你，同你盡量分隔。中國人係六四時，好信香港人，傳媒，因為香港人冒死，走入一個極權國家，去支持佢地既民主運動。現在？只知道香港人歧視中國人。
__________________________________________
中國人唔信香港唔可以賴晒本土主義, 係香港人本身唔爭氣有關. 傳媒自我審查, 商人為左錢做假呃遊客, 一班高舉民主0既人違反法治去攻擊其他人OR政權, 針對遊客0既歧視. 呢D同我自己眼中0既香港真係差好遠好遠. 你有乜可能係內地人眼中仲信得過吖.

[lmichael]

傳媒自我審查, 商人為左錢做假呃遊客, 一班高舉民主0既人違反法治去攻擊其他人OR政權,
====================================================
咦? 呢個九七年前無咩?

[lmichael]

針對遊客0既歧視
=================================
呢個就係本土主義啦, 以前九七年, 邊有話香港人優先, 當時係"where"銀至上, 點會趕客?