[kk666]

反對派子女「佔中」躲哪？ 網民揭煽動者虛偽面目

香港文匯報訊（記者 鄭治祖）學聯和「學民思潮」在七一遊行後「預演佔中」，佔領中環遮打道及包圍特首辦，警方共拘捕511人，其中至少85人是學生，包括來自各大專院校及中學生，但當中無一是反對派頭面人物的子女。有立法會議員質疑，為何「佔中三人組」、「禍港四人幫」、反對派議員等人的子女，沒有參加「預演佔中」，卻不斷煽動他人子女犯法。

本報就此逐一向反對派人士查詢，有人立即跟學聯劃清界線，聲稱「預演佔中」同「泛民」無關，又推說子女是否參加「佔中」是「自行決定無得迫」，始終無正面回應為何自己子女「消失」於「佔中」。

反對派回應時支吾以對，將他們自相矛盾、但求自保的虛偽面目暴露無遺。

建聯立法會議員蔣麗芸日前在facebook發文，表示收到朋友短訊，質問「預演佔中」的被捕者中，為何沒有反對派人士的子女，直斥「這些人只會鼓勵別人子女爭取民主，為自己的下一代鋪排」。該短訊近日在手機通訊軟件WhatsApp瘋傳，指被捕者當中，倘沒有「泛民」議員、「佔中三人組」或「禍港四人幫」之中的前政務司長陳方安生、民主黨創黨主席李柱銘及壹傳媒主席黎智英的子女，他們就不應鼓吹其他人的子女去犯法和「公民抗命」。

「搞手」不帶子女「抗命」
短訊續指，倘反對派所講的是真理，「點解唔扶老攜幼，帶同子女，一同去爭取佢的理想，而係只煽動其他人的仔女去犯法？其他細路都是有父母生的。」蔣麗芸其後表示，「點解『泛民』咁支持『佔中』，又唔帶佢子女去『公民抗命』呢？」並質疑反對派議員是否曾鼓勵過自己子女參加「佔中」，「如鼓勵過，點解仔女又唔去呢？」
此外，網上亦流傳公民黨黨魁梁家傑被問到，為何只叫年輕人「佔中」，自己卻不參加，是否因為擔心留案底而影響大律師資格，梁回應時支吾以對。


.........................馮檢基急忙劃清界線
本報昨日就此逐一向反對派立法會議員、「佔中三人組」等查詢，卻換來期期艾艾的答覆，有人立即與激進學生組織發動的「預演佔中」撇清關係。反對派「飯盒會」召集人、「民協」馮檢基稱，「民協」不同意七一當日「預演佔中」，他們只跟隨「佔中」三子的計劃行事，更與學聯和「學民思潮」劃清界線，「預演佔中唔係『泛民』事」，叫蔣麗芸「搞清楚」。

他續稱，參加「佔中」者需表明年滿18歲，「一早交代得好清楚，唔存在推或唔推子女去『佔中』......無可能煽動(他人)做定唔做」，又稱自己的20歲兒子當日有幫手「企街站」，但沒有「佔中」。

梁家傑辯稱子女決定
家有兩子一女的公民黨梁家傑則稱，「佔中」行動是和平進行，並已向參加者表明需承擔法律責任，他尊重子女是否參加的決定，又否認是煽動他人子女犯法。被問到為何不鼓勵自己子女「佔中」，他即轉移視線稱，所謂「煽動」是對「有理想」的學聯及「學民思潮」的侮辱，「利用黃之鋒(『學民』召集人)，情何以堪？」

........................何俊仁老羞成怒耍賴
民主黨何俊仁更以強硬兇惡的語氣回應，「你點知無反對派的小朋友無俾人拉？你逐個去問完先講，我無需要向你交代，我兩個囝囡都是成年人，有自己的決定，我毋須回應他們有無參與。」

工黨何秀蘭則稱，每個年輕人都有自己的選擇，應予支持，但自言從政以來，不會要求自己的兒子「拋頭露面」。她更胡亂比喻稱，主理香港教育的官員，他們的子女不入讀官津學校，全部到外國留學，認為不應花時間討論這些「無質素」的話題。

.........................范國威誣指「被抹黑」
「新民主同盟」范國威聲言，蔣麗芸的言論是分化手段，為打擊「佔中」無所不用其極，是「一籃子的抹黑手段」，又稱就讀小學的兒子，七一遊行當天亦有與他一起參與。

有兩名分別19歲和24歲契女的衛生服務界議員李國麟稱，她們有自己的朋友圈子，即使參加「佔中」亦不會跟他一起，又指身在外國的契女本想參與「預演佔中」。他亦有提醒契女日後一旦被捕，必須立刻通知他協助保釋。

梁耀忠：教唔掂個仔
自稱「全世界都知我教唔掂個仔」的「街工」梁耀忠稱，「如果佢肯聽我講，我不知幾開心」，又稱即使只得12歲、13歲的年輕人亦「叫都叫唔住」。

對於本報的查詢，「佔中」發起人戴耀廷、陳健民截稿前仍未回覆；工黨張國柱以私隱為由拒絕受訪，工黨李卓人、「人民力量」陳偉業則未能聯絡上。

[qq809]

高官叫人愛國愛港！
自己搜刮民脂民膏全家移民！

[qq809]

若是十三億中國人都過得好
好似美國人活得體面有尊嚴
香港人趕都吾走仲爭住移民中國啦
仲使乜一國兩制？
個制度吾得，無人有信心，唯一辦法就是將制度改善

[lmichael]

呢個問題又真係幾好, 我都想知, 最少佢地子女支唔支持佢地佔中?

[kingkonghk]

移文同愛國冇沖凸

酸中3刀有好多國車流拳

[qq809]

孫中山有好多居留權仍然冒死留在中國，希望中國好
高官是想盡辦法冇外國居留權都要冒死刮民脂民膏去買居留權
完全不同

[lmichael]

即係曾玉成都係一樣, 佢老婆六四後即走, 最後搞到離婚, 即係.....你自己老婆都唔信啦, 叫人信共產黨係善待人民既?

呢次佔中, 我有時都好迷惘, 究竟班人係唔係利用學生? 定係好似五四運動, 覺悟性高呢?

咁其實, 如果佢地子女都一齊佔中, 又真係好有說服力.

[dc影者]

想從正字撈取利益嘅人一定係利用群眾結集力量，

但群眾都是喜歡被利用的，他們喜歡看到自己被利用所做出來的效果。

子女從來都不算是群眾，極其量是別人的群眾。

[kingkonghk]

苦毒不食2

[kingkonghk]

孫中山有好多居留權仍然冒死留在中國，希望中國好
高官是想盡辦法冇外國居留權都要冒死刮民脂民膏去買居留權
完全不同
=====================
ed係你個人見解

5排除有其他可能性

過幾廿年帶更多錢返去刀話5埋

好似火箭佬咁， 去外國玩左幾廿年火箭1野過拎返來

[lmichael]

其實香港人, 有一點係唔同, 係文化程度高, 教育普及, 言論自由. 即係例如美國, 英國. 政府隻手遮天, 真係好難.

上次國民教育, 出來遊行既, 其實好多唔係學生, 係家長!! 到現在, 政府最大問題, 係你講唔到一個原因, 點解香港唔可以揀自己既特首. 香港又唔係當年你大軍壓境打返來, 明明係你話港人治港. 咁點解香港唔可以揀自己既特首. 你無一個夠說服力既原因. 即係你辯論都輸左, 咁你一係, 就講港人治港失敗了, 咁以後中央直接派市長. 從此無左立法會, 得返人大. 然後, 捉一批, 拉一批, 坐牢既又一批. 咁另一批去美國.

你又唔係, 你要香港人接受, 又無point要市民接受. 咁點? 政棍扇動, 係一個強而有力既講法, 但你要證據, 咁真係好簡單.......要佢地仔女支持, 呢個point好強. 即係你出來選總統, 但係子女原來公開反對, 咁佢都幾難選到.

[lmichael]

好多人話港英時代無民主啦, 即係八,九十年代.

大佬, 八,九十年代, 中共夠成日嚴打, 有理無理, 拉一批,殺一批. 咁現在中國係唔係又可以咁做, 話唔拉一批, 殺一批, 已經好開明?

幾十年了, 現在大陸, 村代都要一人一票選啦, 香港, 本來民主化就快過大陸, 咁要一人一票選返自己既特首, 有咩野問題?

[qq809]

大家出來行，希望自我完善制度和平表逹訴求！
正常過正常，吾去反省仲去打壓！
令人費解

[kingkonghk]

行出泥還行出泥果班


5好騎劫冇出泥大多數人意願就得

[lmichael]

其實,除了民主選舉, 一個政府倒唔倒台, 從來唔係因為反對既人多過支持既人, 而反對既人, 肯付出多過支持既人.