[dc影者]

【晴報專訊】近日網上瘋傳短片，疑有港客因馬來西亞LEGOLAND停電，向職員發脾氣兼拍窗要求退款，被網民批「丟架」。有領隊指近年投訴文化趨增，部分港人「恃惡行兇」，藉鬧大件事搲着數，撒野程度比旅霸更甚。

日前馬來西亞LEGOLAND發生大停電，樂園一度關閉。短片顯示一對中年男女在樂園售票處就退票跟職員理論。男的以港式英語咆哮：「Where is my money？Give me my money………」，期間多次拍打窗口，嚇得職員連聲道歉。女的則連珠發炮批評樂園安排不當，要求額外賠償酒店及其他費用。

稱膳食難吃 要求自助餐補償

大部分網民看畢片段，狠批兩人失禮。部分人嘲諷港人是「五十步笑百步」，外遊行為或比內地旅客更差。另有人認為他們因掃興才衝動起來。

香港旅遊業（外遊）領隊及導遊工會總幹事湯劍生指，近年港人投訴文化嚴重，客人要求愈見無理。「曾有客人因酒店無Wi-Fi、水煲要求賠錢，亦有人稱膳食太難食，要求領隊補償自助餐！」他指若行程因事故取消，向內地客解釋，他們會接納合理賠償，港客卻動輒獅子開大口。「明明只值賠二百元，港人會索償一千元，如片中男女要求退票，還扯到賠償酒店等額外費用」。

港人愛比較 少抱欣賞態度

該工會副主席林逸濠指部分港人自覺是遊客要獲遷就，無想及入鄉隨俗。「在韓國見過有中年夫婦因語言不通誤點太辣食物大吵大鬧，埋怨當地人不懂英語。我們覺得很丟臉，為息事寧人主動接收他們已點食物，提醒他們如何點菜。」

林又指港人愛比較，對當地設施少抱欣賞態度。「如去日本及台灣，常批評當地街邊少垃圾桶不方便。」

香港專業教育學院（黃克競）酒店、服務及旅遊學系高級講師黃家榮指，港人求效率，期望外地效率如香港一般。「譬如在外國免稅店購物，收銀員稍慢，港人便顯得不耐煩。」另在日本車廂、食肆，當地文化避免傾電話，但港人對此意識薄弱，建議外遊前了解當地文化。

旅遊業怕投訴 多遷就消費者

去年香港發生400多人佔領郵輪事件，成為國際話題，部分團友為港人。湯劍生認為郵輪鬧劇開了先例，部分郵輪同業都說「怕咗你哋香港人」。「部分貪心港人以為大聲夠惡便可獲賠償，實際有損港人形象。」而普遍外國人不懂分辦內地人及港人，只會歸類為中國人。「近年內地人外遊失儀行為，令日韓及歐洲等地怕怕，若港人仲係咁樣，說不定有些地方民宿或食肆，會拒接受中國人預訂或刻意提高價錢，最終吃虧是港人。」

他坦言，香港旅遊業文化「最怕客人投訴」，旅行社為免小事化大，即使客人無理也送優惠券以平息事件，變相助長歪風。「部分人動輒說拍片擺上網，旅行社不願承擔風險，就送數百元當『掩口費』。」

[dc影者]

阿怪同幾個酒店及旅遊服務性行業的晚輩傾過下，

佢地話接觸過地球上唔同地區嘅人黎講，

"香港人" 真係屬於好難頂嘅一種 ...........

[kingkonghk]

只係個別例子

高上港支唔會做ed野

[Lam Martin]

呢單野我覺得係果兩條友唔0岩囉, 你要人退錢唔需要咁激動. 我覺得一個樂園咁大, 唔係只顧你一個客. 而且咁大個樂園又走唔甩, 慢慢同佢計數啦.

[dc影者]

高上港支唔會做ed野

=================

港支唔識分佢屬唔屬于高上，但港人講野明寸暗寸詞鋒絕不人，

有個晚輩做某會展中心接待處，有次遇到有個港人問佢有冇蘋果叉電線.....

於是佢問清楚佢想要邊隻model，客人話你一睇就知我部係iphone 6啦！

佢好有禮貌咁解釋我唔敢肯定你要嘅叉電線係俾你呢部電話用嘅，所以問清楚好d，

個港客唔衰得即刻就一句：乜家陣重有香港人用舊iphone嘅咩？

[Lam Martin]

睇人架0者, 我就真係未試過借野咁寸囉.

[Douglaschow]

有一小部分鄉講人係咁!

在上星期五我係泰國華欣的週末Cicada夜市,我用糧票買緊燒烤串,係我後面有人用廣東話.............要買飛喎, 我回頭好善意咁用英語問佢來自何方? 佢用英語回我hongkong, 我就用廣東話遙指售票處,佢有d驚疑買多咗糧票我詳細咁解釋話可以全額退費, 佢一家大細五人連眼尾都無俾我一下,轉頭就往售票處去了................!

鄉講人!