[inter]

【on.cc東網專訊】在網上自稱「劉馬車」的反佔中男子，昨傍晚在港鐵金鐘站巧遇學民思潮召集人黃之鋒，劉隨即追入車廂與黃展開罵戰，不斷追問黃「你之前的佔中行為，影響到好多香港人的生計，我想喺度睇吓你有咩解釋」，惹來途人側目，甚至有人爆粗要求二人落車。

該名為「劉馬車VS黃之鋒+粗口呀叔，轟動全球!!!」的短片被上載至YouTube，長約5分鐘片段所見，劉馬車在車廂遇見黃之鋒，即舉起手機拍攝對方並稱「黃之鋒先生，你可否講下對佔中嘅感受」黃見狀，即以手遮擋其手機鏡頭，不耐煩說：「喂，你可唔可以放低部電話呀，唔該？」

事件惹來不少乘客不滿，「有老人家呀，你因住整到人呀」，但劉一於懶理，繼續「訪問」及指摘黃之鋒：「因為我覺得你好唔尊重香港人，你之前做嘅行為，即係如果你唔尊重人，就無可能寄望人哋尊重返你！你之前的佔中行為，影響到好多香港人的生計，好多老婆婆嘅生活，佢哋夜晚不得安寧！好想喺度睇吓你有咩解釋」。

黃未有回答並一度反擊：「我諗我唔使喺地鐵車廂講，咁會阻住其他市民」。劉即「寸爆」黃說：「吓，你依家就驚阻住市民，咁你之前霸佔旺角、霸佔成個中環，咁就唔阻住……如果你呢一刻覺得影響到人，點解你當年做咁多傷害到人的事？你係咪收咗啲咩利益呢？」

周邊的乘客顯得愈來愈不滿，有人拍下現場情況，亦有人向劉稱，「你依家影響到我哋呀！你邊個站落車？你兩個同我落車傾！」期間一名阿叔疑不滿被攝入鏡頭，粗口橫飛，更要求報警；不少乘客則嫌他們麻煩，寧願自行下車，避之則吉。

劉馬車港鐵狙擊黃之鋒　乘客側目促二人落車