[Lam Martin]

http://hk.apple.nextmedia.com/news/art/20151104/19359236

委員會主席：政府20年前知危機　竟從不驗重金屬
鉛水聆訊　張炳良被問到口啞


【公審鉛凶】
【本報訊】查找食水「鉛凶」的食水含鉛超標調查委員會進行第二天聆訊，以房委會主席身份作供的運房局長張炳良再受質疑。代表居民的李柱銘批評，房委會單靠承建商自律保障食水安全像「食飽就瞓嘅貓」，張指房委會如發展商委託承建商起樓，自己亦是受害者。委員會主席陳慶偉亦質疑政府早知喉管可釋出金屬，卻從未檢驗重金屬，令張炳良一度語塞。
記者：鍾雅宜　袁柏恩

張炳良昨日繼續以房委會主席身份作供，委員會代表大律師石永泰認為除公屋外，私人樓宇或同樣受鉛水波及，政府卻只為公屋戶驗水，「咁私樓住戶係咪自求多福？」張炳良指不排除私樓亦涉鉛水問題，但驗水需由業主負責。
代表受鉛水影響居民的資深大律師李柱銘則批評房委會並非對焊料含鉛認知不足，而是後知後覺，指如非有政黨抽驗食水，房委會根本不知道焊料含鉛一事，張炳良否認後知後覺，但承認事發前毫不知情：「咁講白啲可以咁講。」

房委被斥「食飽就瞓嘅貓」

李柱銘又批評房委會單靠承建商自行遵守合約來保障食水安全是監管不力，房委會責任比承建商大，又比喻指：「如果隻貓見到老鼠就捉，老鼠梗係走；但如果貓食飽就瞓乜都唔做，老鼠梗係玩得開心。」
張炳良否認房委會是食飽就瞓的貓，指當局有監管，但需再加強，認為風險較低故規管不應有太大動作，強調房委會如發展商般委託承建商起樓，事件中亦是受害者。李柱銘再追問張炳良，事件中可有發現貪污情況，張指至目前為止的證據未令他們有懷疑。
委員會主席陳慶偉接力盤問張炳良，他指政府1995年全面禁用鍍鋅鋼管，因當年出現生銹水問題，陳官質疑20、30年前當局已知喉管可釋出重金屬，「作為一個普通人，會唔會奇怪點解唔測試水中重金屬？」張估計因水務設施條例已有規定，以為不會出問題。但陳官仍不感滿意，再問：「咁理論上水務署處理食水時已有殺菌，點解仲要驗菌？」張推說問題應由水務署回答，但陳官再追問，既然水務署要求驗水中酸鹼值以防有重金屬釋出，何不直接檢驗重金屬，終令張炳良語塞。



委員會主席陳慶偉 居民代表律師李柱銘 委員會代表律師石永泰

辯稱非食水安全規管部門

陳慶偉說，明白問題涉及水務署，但張炳良聲稱房委會希望較現行法例做得更多，質疑政府何以不主動檢驗重金屬，張終稱：「我只能話係認知不足。」
房委會代表律師殷志明則為張炳良「補鑊」，把房委會比喻為食肆，只需留意食材是否及格，不代表有角色監督食物安全，張炳良認同房委會不是食水安全規管及執法部門。聆訊今日再續。

張炳良回應聆訊各方盤問

陳慶偉：政府95年已禁用鍍鋅鋼管，即20、30年前已知喉管或釋出金屬，會唔會奇怪點解唔測試埋重金屬？
張炳良：估計因假設水務設施條例已有規定，以為唔會出問題。
陳慶偉：你聲稱希望比法例做得更多，點解唔多驗重金屬？
張炳良：我只可以話……係認知不足。
李柱銘：房委會對焊料含鉛非認知不足，而係後知後覺，至政黨驗水先知悉焊料含鉛。
張炳良：咁講白啲可以咁講。
李柱銘：房委會單靠承建商自律嚟保障食水安全，係食飽就瞓嘅貓。
張炳良：我哋有監管，但需加強。
石永泰：私樓住戶均可能面對鉛水問題。
張炳良：不排除有此可能性。

昨日聆訊重點

1.張炳良再作供稱不排除涉事承建商私樓食水含鉛
2.李柱銘質疑政府後知後覺、未有按合約要求規管承建商
3.張炳良拒絕承諾立法禁售含鉛超標的水喉部件
4.委員會主席陳慶偉質疑為何從沒有測試食水重金屬含量甚至直接驗鉛
5.房屋署副署長（發展及建築）馮宜萱作供，解釋房署知悉鉛水問題的時序及房署在建公屋上的角色

今日聆訊焦點

馮宜萱繼續作供，接受委員會代表大律師石永泰盤問，料將解答鉛水問題多項疑問：
1.公屋轉用銅水管時的考慮及風險評估
2.房署批核及查驗物料程序
3.製訂物料檢查清單準則
資料來源：食水含鉛超標調查委員會聆訊
________________________________________________
根據香港0既建築條例, 房委會起樓係唔需要請AP(請唔好學前會員MNY咁話係地盤AP=QS, 係錯0既), 結構工程師等去設計及監督工程. 因為政府部門係有本身0既能力去監管工程係依標準去設計及施工.

因此房委會除左係大業主, 發展商外, 仲同時間係監管機構, 僱問, AP及結構工程師等角式. 所以焗長唔可能用大業主及發展商做例子推卸責任. 更加唔好白痴到有人用食肆黎形容房委會, 因為普通食肆都唔能夠逃避食材出現問題0既責任, 而且食肆都有食環, 消房等法定0既部門去監管, 但房委會無, 如果房委會自己都唔做好監督0既工作, 房委會起樓0既質素將會係變成無皇管. 咁推法點得?

[pongyee]

生果報呀？信唔信得過架？

[kingkonghk]

生果布1定5可2信10粥

[Lam Martin]

生果報你可以唔信, 但睇無記新聞都有講話房委會係大業主及發展商, 監局水質並唔係佢地0既責任. 但根據法例房委會絕對唔單止係大業主及發展商, 仲係認可人士, 顧問及監管機構黎. 因為法例上房委會起0既樓唔需要受屋宇署0既監管, 如果佢自己都唔做監管, 咁就真係變左無皇管囉.

[pongyee]

>> 生果布1定5可2信10粥

聞會布信幾成？大恭布又幾成？方向呢？

[dc影者]

生果布1定5可2信10粥

==================

信兩成果班友都已經係懵乘乘啦！

[qq809]

D議員夠話負責監督政府喇
依家政府做錯嘢
班議員仲吾切腹？

[dc影者]

切腹？

開會嘅時候剪下腳甲就有之..................

[Lam Martin]

D議員夠話負責監督政府喇
依家政府做錯嘢
班議員仲吾切腹？
___________________________
你真係過癮, 你夠成日思覺失調咁亂講野啦啦, 唔通你父母又因為教唔好你要切腹咩?

立法局係要監察政府, 但並不等於佢管理政府吖. 香港係三權分立, 並不是代表政府就係由立法局管理架. 何況做得唔好最多就係辭職, 你又可以下屆唔選佢, 唔使死架喎. 你咪以為自己係皇帝, 下下唔順你意就要人死先得架.

[kk666]

<script async src="//embedr.flickr.com/assets/client-code.js" charset="utf-8"></script>