[joe22]

係上個星期四我去左先達附近既萬x買左部olympus 5050,點知返屋企先發現有死點,咁星期五拎左去換,點知換返黎個部相機居然格格聲,咁我今日拎去換啦,點知d人態度差不特止,仲死話換左一次冇得換,叫我地拎去整啦,仲即刻走開去做生意,話唔關佢事,叫我地搵返賣機俾我地既sales,由我地係度等,又唔搵人黎,即刻射波走開左
最後有第二個sales 試完都話聽到相機有格格聲,之後個老細黎試就死都話冇事,話部相機zoom會有聲係正常,但係個d聲明明唔係zoom聲,我就算放係度唔用都會有聲,同埋我之前用4040,同頭個部5050都冇呢d聲既, 我地嘈左成粒鍾,佢先肯好唔願意咁話唔想嘈先拎多一部機俾我地試, 之後個部冇事,我地就換走,但係個老細仲叫人send返部機上廠check,如果佢真係認為冇事,又點會咁,之後有其他sale仲好串咁話佢用部部都有格格聲,好正常,仲話我地唔識用咁,我同佢講我之前用olympus都唔會咁,佢直頭唔俾我講,又話佢自己點識,仲要話nikon都係有聲. 雖然佢最後肯換但係講到我地冇野拎黎換,態度又唔好,仲死都強調換左一次唔肯換

但事實上未夠7日,消委會都講過可以換啦,我地大拿拿拎$5xxx出黎,換到既只係一肚氣,我以後都唔會幫襯呢間野,佢地仲有一間野係銀行中心附近,叫永x ,都係同一間黎

[smartlam]

閣下0既遭遇我深表同情,而我亦好相信閣下0既說話。閣下所講果兩間(萬 x )& ( 永 x ) , 我一向都有幫襯開 , 尤其以 ( 永 x ) 最多。但近期我就0係 ( 永 x ) 買野就唔多開心喇! 反而因為咁去番幫襯 ( 萬 x ) , 果次態度好好喎。但早輪去 ( 萬 x ) 想買一支鏡頭 , 問左好多句都冇答過我有定冇 , 凈係猛擰頭 , 我問佢遲 d 有冇貨返佢又係冇答我 , 果陣時我都好慶下0架!
講真...用幾仟銀大拿拿去買一樣野,真係要小心小心,如果佢地承諾0既售後服務都做唔到,咁以後仲邊有人敢再去幫襯丫?! 咁不如淘汰佢地,大家以後幫襯(百老匯) 及 (CITICALL) 仲好啦。有時去買野一定要據理力爭 , 好多鋪頭見你好恰 d 就乜都卸膊 , 又持住專業拋顧客 , 簡直不知所謂。
好似早幾個月去黃金商場行,見個有一個鄉音0既師奶,佢一個人可能幫個仔女買 LCD MONITOR , 買之前 sales 猛話保證零死點 , 點知開左盒一試有幾個死點 , 咁個師奶咪話唔要呢部開過部試囉 , 點知成班 sales 就猛大果個師奶,又話咁又話那樣逼佢要, 今時今日咁0既服務態度 , 我到我都眼火爆呀! 比著我就擰歪面唔買走人添呀。果個師奶不停堅持原則,最後搞成點我就唔知啦,因為我都趕時間走左。呢個故事我深深體會到,去買野一定要有原則,好多時好多不公平0既野一定要企硬,同埋對果 d 咁差服務態度0既 sales 唔駛咁勞氣 , 0係鋪頭陰聲細氣瀨死唔走唱衰佢,佢都奈你唔何喇...哈! 再唔係咪登報投訴囉,仲要上網唱衰佢添呀~

[Brian Yeung]

終於都有人出聲啦
我都係萬城買野買到一肚氣。
佢地一向都以為自己大把生意唔優做
態度非常之差，尤其係有個半光頭阿叔
串都死。
話說係六月我買部G5 ，買時就態度都ok
又係我用左３日，發覺部機個LCD 有死點，
有個哥哥仔同我Check 完部機發覺係有一點黑色野
於是就話換比我啦，但係佢話要問下老闆先，點知
就係果個阿叔，佢好細心咁睇完之後，話我部機有一
條好細既痕，就話唔換得，（但係條痕細度我同位哥哥都睇唔倒
，要係強光之下先比佢見到）之後就有句好驚人既說話
大家要小心記住，佢話：我地同你換，其實都係攞你部機
返去Canon整，整完之後攞返黎賣，如果部機有花會
賣唔出！我先發覺佢地都係咁做生意，代理話只有水貨舖先會咁做
，所以買行貨係唔會買到整過既貨。所以以後我都唔會幫佢地買野。

我同佢講左半粒鍾，其實有１５份鍾佢係冇理過我，叫我係度等，
我話如果係百老滙，佢地一定會換比我架喎，但係佢就好大咁同我講，
咁你咪同佢地買囉，我地係跟消委會既指引做野，唔信你去問下，有花
我地係一定唔會換，我話條痕細到咁，用機有乜可能用完會同新貨一樣，
佢再強調係跟足消委會指引，講完就走左去，之後有個女仕同我講
我地唯有幫你攞去Canon 度整，我話但係我買左３日，你地又話７日之內有得換，我以後都唔會幫你地買野，佢阿叔就好大聲咁話，你如果因為咁對我地冇信心，你去消委會問下我地有冇做錯，我都費時同佢講，唯有以後唔幫襯佢地。

我覺得就算係有道理，都唔使咁串，佢地真係要跟劉華學下野，睇下咩叫做
待客之道同親切有禮，就係有佢地ｄ咁既能度既sales影衰香港。

我真係唔明點解仲有咁多人幫佢地買野，全港得佢地可以食lunch 封舖，
又串態度又差，賣行貨好似好了不起咁-_-

[HWC]

不過永成有個瘦猛猛的哥兒很好人的, 問一大輪野唔買都笑笑口的.

[KWLBrian]

十年前我巳經唔起萬x呢間垃圾相機店買野~

[kwok42003]

本人在萬x或永x大大話話也幫襯十多二十年。一直也感到這兩間舖服務差勁，當然不是個個sales也是這樣，但若要比的話，百記最差服務態度的sales可能也比這兩間最好的sales還好（笑?就算）。所以現在，本人明知百記的貨品較貴，如最近兩三個月前以$5000大元買了G3，sales服務實在太好，本沒預算那時買G3，但買得好開心，事後都想到好似有點衝動。但總好過價錢好似評小小，但就要受不必要的氣，我不是說風諒話，自問在那兩間店鋪也受了不小氣吧。

我本身也是個虔誠基督徒，需信了耶穌只是數年的事。聖經的教導也叫我們要寬恕別人，也不要懷怒，但面對總總不公平不禮貌對待，自問也不容易做到。如有網友也說，我們真是真金白銀來買，既然有7天的保證，有問題作為消費者來換確好應該，錢比了還要受滿肚子的氣，我也為各受害人不值，可以做的，就是下次不要到這些店鋪購物，在網上發表心聲也個出路，但祈望我們不是想仲傷這些店舖，除了舒舒悶氣，也希望將會去這兩間店鋪購物人仕作一定程度的心理準備。一間店鋪若以為出了名吾休做，不去進取作改善，結束營業是遲早的事，大家無用為這些事再不開心，不要為別人的不禮貌行為而影響我們對人應有的態度，既然大家也感受到這些不愉快事件，我們在往後的人生就更應該以禮待人吧。（當然我也希望他們去改善服務的質素，因香港事實上有不小黑店，這兩間尚算老實了）

有時細想，真的這般的服務還是客似雲來，大家也知道他們服務差勁，還是去幫襯呢？試問，他們的服務就是這般差勁還是生意吾休做，又怎會覺得需要認真去改善呢？他們的經營手法真的要開個課題來探討一下。可能在時下的消費而言，服務好不是最重要，老實、貨品齊備和價錢便宜，最重要的就是勁罵客人或是不理客人感受才是最大賣點吧！一切公道自在民心吧！

[fgwen]

早幾日,我去萬x睇嘢,當時都幾多人,有位女士問有冇Card Reader 賣,但有位sales好不客氣地叫她揾哋企,等吓啦! 如果換了是我,就一定XXXXXX佢,哈哈!

[itmandick]

咁你地認為去邊間舖頭買accessories會好d呢?

[kenman282]

I want to buy Tamron and Nikkor lens. Usually, Wing XX & Man XX have cheaper and full series lens. If i don't go to Wing XX and Man XX, where can i go to buy them?

[mivec]

I bought my S602 over there with the same suitation with joe22 and I never go there anymore.

[Stanbiscuit]

我都有用4040 and 5050~
5050對焦o既聲響的確比4040大~~
格格聲係正常~~

[jacky820]

my Minolta 7Hi have no problem. Also their service is very good wor... ^_^

[wingmak]

遇到服務態度差要即時話佢服務態度差
有時要大聲鬧佢\n鬧到佢驚\n仲要佢即時Say sorry

[711000]

一句講哂，出左名，吳憂做。
本人對這兩間店鋪都冇好感，sales很寸ｏ
但願百XX多賣專業型號相机，調低一點利潤，
E兩間野遲早玩完ｏ

[ottokwan]

呢兩間野真係好 pk, 不知所謂, 早幾日同朋友去睇相機, 問下 nikon 兩部機型號有乜分別, 佢地答唔出, 仲話寫哂係說明書度, 喂, 人地唔識先黎你度買機姐, 都唔介紹下, 都唔知識唔識做生意, 淨係識賣機, 其他野乜都唔識, 仲話咩專業, 專佢個頭, 都唔知點解仲有咁多人去佢度買野, 貴人貴過人, 服務又差過人, 持住自己唔休做咁, 睇佢地幾時執, 不過有網友講得岩, 唔知除左呢兩間粉皮蛋散鋪頭之外, 仲有咩好鋪頭可以買 slr 相機呢, 真係好唔想去佢度買野 !!!