[windychow1017]

我想買部單鏡反光機同bb影相, 因為我部canon 850i完全影唔到bb, 想影佢笑, 但永遠都影唔到, 一係太慢, 想影時已立即按鈕, 不過都係錯過左!!!一係就係朦左!!!
我睇過Nikon D60, Canon 40D, 其實我係唔識用這種機, 最近都去library借左d書睇, 不過有好多都唔係太明??我應該買邊部好???抑或兩部都唔適合我用??
同埋想知道去邊度學影相好(當然係新手)????
可否比d意見我!!

[BomBoy-W]

恭喜生左個精靈 bb :
如果想一按快門就好快咁影倒果一剎那, Canon 40D 會好d,
鏡頭就要買 夠 wide
最盡要 17mm 或以下, (室內通常比較細, wide d 可以近d影)
& 大光圈
(光圈越大,數值越細) 建議 光圈 f/2.8 或以上 , 即 f/2...f/1.8...f/1.4...f/1.2 等等.
(越 wide AND 光圈越大 = 越貴)

希祈唔好開閃燈影 bb, 會閃壞佢對眼,

學攝影最好有 fd 教, 唔明可以即刻打電話問,
如果冇朋友玩開, 要報攝影班就睇你好唔好彩,撞倒d教得唔好嘅就......

我冇報過攝影班, 幫唔倒你, 睇吓有冇其他師兄幫倒你啦

[swat1672]

岩岩路過..走入黎答句口..首先有幾個問題你要清楚..
1/Budget ...就算買左以上兩部機..如果唔係用大光圈鏡頭和一D配件,光圈唔夠大,快門唔夠快..都係影唔到你要ge效果咖喎..

2/會否換機(upgrade)..如果會,咁你對攝影已經有要求,跟住ge投入就無法估計喇..如果唔會,咁你不如買部pros啦..光圈大,射程遠,價錢抵...

3/就算價錢冇問題,你都要睇下部機岩唔岩你用喎..D60係入門版..40D係中級版..兩個機种,如果你唔白佢地ge功能..咁拍出來ge相都係@@咖喎...

我都好明白你現在ge心情,因我都曾經歷過..我相信未來ge幾年,你都需要一部可靠ge相機去拍BB ge成長過程..

有時間入黎400D討論區睇下,希望幫到你啦...

講錯請原諒,,唔好打頭啊!!!

[BomBoy-W]

swat1672 兄,
你真係冇處不在cccc
新手媽咪 話 :[ 想影佢 (BB) 笑, 但永遠都影唔到, 一係太慢, 想影時已立即按鈕, 不過都係錯過左!!!一係就係朦左......] 喎!!
我就係睇倒佢想快先叫佢用中階機 ( 40d ),
朦左係因為手震, 大光圈應該幫助倒

你叫佢用 pros or 入門級,
咁你不如介紹埋有邊部 pros or 入門級 可以乎合倒佢嘅要求啦,
佢用緊 (canon 850i)
正所謂為人為到底丫嘛 ! 哈哈

[swat1672]

哈哈..我呢D識小小,咪扮下代表羅..
阿新手媽咪..我建議你去百老記,遂部機握上手試,試到啱自己心水就 ok啦..買機同買車一樣,C記,N記,O記,P記,S記都各有 fds..最重要係啱自己用呀..

[chunghou]

860is 一開即影又快又有28mm,拍片avi格式畫質一流!!!便賣但交足貨!!!

[ice_fire318]

老實一句.希望唔好介意.
一張靚相係要技術多於相機本身功能.
唔係860影唔到靚相.只係你控唔住部機.影小朋友860有一個SCN既模式.
用左呢個Mode.按半下快門見到綠方格.對住小朋友影.搞定~..
依家D相機都數碼化.唔係個個人都可能一之就成功.所以你影多幾張.OR十幾張.唔鐘意就DLE左佢...大部份攝影師都影幾百至幾千張先拎最好喎幾十張出黎做展覽...影相需要用心.希望你明白喇...

[pongyee]

不如暫時買張大容量 SDHC 卡，有影錯，冇放過，十張揀一張，梗有張得。

白天用日光，快門夠快，光圈夠細。

夜間用腳架，BB 瞓左，快門慢 d 都唔怕。

[BomBoy-W]

新手媽咪 開完 post 之後都未出現過,
可能佢都唔記得響度開過 post, 而且都過左咁耐咯......
尤得個 post 沉底把啦 =.=