[lukmich]

我用5DII, 早前發覺機中塵, 為有自行用泵吹下部愛機, 點知越吹越多塵, 心心不服, 於是放下對焦屏, 再吹........點知越吹越死. 最後都係上CS........
不要自己嚟呀. CS服務又好, 又教你點做, 不過唔係次次咁好彩, 因為我已整花了對焦屏....多謝$280........再大鍋D都唔知點算.

[kenchanhk]

我都係用 5D Mark II, 我都係用泵吹下裡裡外外架... 借問聲 CS 會幫手除塵架...? @@" 另外多口問句, Ching 點整花個對焦屏架...? 我要小心 D 先得... =.="

[lukmich]

相機上方有一片對焦屏, 我按中間放下對焦屏, 然後用鏡頭紙輕抺, 咁就花左, 不過自己都唔知, 上到去CS, 啲靚女會話你知點睇.......
因為在對焦屏邊有好多毛毛用來檔塵, 但放底左, D塵就越吹越入, 所以..........
CS小姐話, 對焦屏上方有好多片反射鏡片, 如果D塵入得深, 就要拆機, 用藥水洗, 因為係大機, 所以要成一仟大圓.....洗COMS就五佰大圓......

[archiu]

嘩!好貴。保養包唔包。

[ki327]

保養唔包清潔,人為耗損

[Sam1983]

我部50D早前都有咁既情況,搞到viewfinder入埋塵......昨日拎了去CS整,現在收到通知話可以去攞返,不過對焦屏花了......都係叫佢地同我換埋它算了

[feet]

內力驚人

[lukmich]

其實唔係內力驚人, 而係對焦屏太細緻, 回家後我做試驗, 用舊對焦屏用最好的鏡頭紙輕輕再抺一次, 結果係重花.....
CS小姐話如果D塵唔影響成像, 是不用回CS洗機, 留番大鍋D至番去整.

[Xplore]

新手唔好學啦

[InvcenT]

我都覺得係...儲多點塵再去一次過搞會抵D...反正清完都係繼續入塵
不過經驗所得真係越吹越大塵...

[khadafy]

(香港D塵多帶油性,多會黐住對焦屏及惑光元件的)

如要吹.....千期唔好用手泵...因為係唔夠力及越吹越入塵..

先將部機身返轉向下,然後打開機身蓋,
用壓縮氣先對空氣噴一次(因為頭一次會結冰)
再正式向機內噴射一至兩次...應該會攪掂了...