[GTLai]

小弟現在的鏡頭都有VR，如果無VR ge nikon鏡系咪差好遠架？等於無左防震？會唔會好易朦，尤其是大炮？ thx

[Trilithon]

防震------是近年的科技. 如果無防震就會鬆郁朦, 那以前D前輩就唔會有靚相出.

防震, 只可以當輔助, 不是萬能. 仍然要注意安全快門及手定.


用腳架的金科玉律: 關防震.

[FreeMiLk]

咩都係假，影相要留意安全快門。
1 / 焦距 = 安全快門速度。
防震唔係needs. 係 wants

[tom678]

提問不清，如果所謂差很遠指的是成像質素的話，VR可說根本沒有關係。
如果指的是拍攝成功率的話，VR的確很有幫助。

透過VR，拍攝者可於光線不足的環境下以更慢的快門拍攝。例如據某著名評測網站，以70-200mm F/2.8 VRII 於200mm拍攝時，若關上VR，1/125s的成功率是80%，若把快門調低至1/15s時，成功率跌至0%！若開啟VR，快門慢至1/15s時的成功率依然維持80%。你說VR有沒有用？VR對於晚上，或室內拍攝十分重要。

當然VR只可減少相機、鏡頭震動造成的模糊。如果對象正快速移動，VR也幫不上忙。

[ssannwong]

Tom師兄解釋很清楚 ^^

另外是VR對在腳架上既器材無用(except搖拍) - 甚至有負面影響。 VR是一組可浮動的鏡片, 可抵消因手震或移動而對影像清析度的影響

但是, 當相機鏡頭都絕對固定的時候(eg. 腳架上), VR鏡組的浮動反而會令影像清析度下降, 所以用腳架拍風景拍夜景, 都要關VR, 讓VR鏡組不再浮動, 令影像清析

[Trilithon]

真係解釋很清楚.

其實我覺得, 就是太多這類供高階好手參考的專業評測, 使新手看後, 產生幻想.
幻想支VR鏡變成萬能. 脫離實際.

所以,我經常提醒新手, 當VR不存在, 以基本技術為重. VR只可以當輔助.
難道用冇VR鏡時, 便會炒相? 要冇VR可以拍得好相, 有VR時可把相質提升更高一層.

[Form one 仔]

>> 但是, 當相機鏡頭都絕對固定的時候(eg. 腳架上), VR鏡組的浮動反而會令影像清析度下降, 所以用腳架拍風景拍夜景, 都要關VR, 讓VR鏡組不再浮動, 令影像清析

願聞其詳

[LIWAIHANG]

仲唔夠詳咩?

Ssannwong師兄已經答得好詳,

如果你冇VR鏡, 就聽書.

如果你有VR鏡有腳, 就自己試一試.

[jimmie lam]

>> 但是, 當相機鏡頭都絕對固定的時候(eg. 腳架上), VR鏡組的浮動反而會令影像清析度下降, 所以用腳架拍風景拍夜景, 都要關VR, 讓VR鏡組不再浮動, 令影像清析

絕對同意,因為當初用有防震的鏡影夜景有咁情況,反而關防震會好的.

[jimmie lam]

順便問一問,各位ching鐘意機有防震或者鏡有防震???

[Form one 仔]

>> 但是, 當相機鏡頭都絕對固定的時候(eg. 腳架上), VR鏡組的浮動反而會令影像清析度下降, 所以用腳架拍風景拍夜景, 都要關VR, 讓VR鏡組不再浮動, 令影像清析


如果是石膏手, d 相咪反而差左 ?

[FreeMiLk]

順便問一問,各位ching鐘意機有防震或者鏡有防震???
-----------------------------------------------
鏡有防震會好d。。。因為Sony 有公佈過機身防震嘅缺陷。
如果在拍片時，機身防震會長時間運行。咁樣會好易導致
過熱。

如果是石膏手, d 相咪反而差左 ?
------------------------------------------------
幾石膏手都無可能係成秒啦話。。。
用腳架開VR 會導致相片模糊通常係在長曝時先會出現。

[rickwok]

鏡有防震會比機防震勁，但機防震平好多。

其實最好N,C都有機防震，吾用時熄左佢之麻。

[whispermakers]

如果是石膏手, d 相咪反而差左 ?

=========================================
點石膏其實當你按快門時都會有少少震動 -- 人為:按快門時手指郁到部機; 機身: 反光板同快門簾既動作.
以上兩個問題最佳解決方案係快門線同腳架, 用唔到最佳就只有退而求其次. 1/ 高iso+高速快門; 2/ 用vr幫下手. 不過1同2都唔係一定得,仲要睇當時情況.

[Form one 仔]

如果現場用到 1/250 快門, 咁應唔應該關左個 VR ? 開左又會唔會差 d ?