[mrjayz1201]

事發在兩個月前,我朋友打俾我原來佢老闆想搵人幫佢D Product影相,我話無問題就跟手同佢老闆聯絡,

出到黎傾佢想點影法,傾左三個鐘,傾到慶高彩烈跟住臨尾就加句:(我地無budget俾你架勒,你影果D我地當俾你做reference la)咁,

OK..影左十幾年相,返正放假都係同老婆兩個出去影下相咁,當幫下朋友,要我帶行架生,無所謂la !!



到影果日影左10個鐘,跟住影完後佢老闆就話:可唔可以幫佢汁埋相聽日交俾佢,因為要D相要趕住聽日同人開會 ! 見佢又好似好好禮貌咁,為人為到底,好la..幫你搞埋.

跟住拖住D架生返屋企,架生都唔汁就即刻通頂汁相,其實個人已經好勞累,但應承左人無計,汁到第二朝早又即刻飛的出去交相,用左咁多時間搞左咁多野,終於可以返屋企訓個覺,個假期咁就無左!

到醒左汁番D架生入防潮箱既時候發現,原來漏左支鏡係佢地studio道,跟住我打俾佢老闆講我想上去羅番支鏡,

跟住佢老闆又話清過場,無見過,又三推四請唔聽電話,最終我表明立場我一定要上去,跟住就開始見真面目...



佢老闆就話:你唔好以為渣住部大機就係攝影師,以為好巴閉,我會唔會貪你枝爛鬼鏡頭先,

一秋二能上黎係你地既事,我地呢行搵你地D發燒友影相不留都唔願俾錢,自然都大把宅男黎,旺角跌個牌落黎都澤幾件,

你見唔見D鬼佬會唔收錢,我俾面你係Emily朋友先俾個機會你上黎影下野,係咁..!!

砰一聲咁就收左線.



雖然支鏡我朋友最後幫我搵番,但我真係好嬲,晨早令幾十磅野,成廿幾萬架生出發,

我嬲既並不是換番黎既係只係一個飯盒同一個魚柳飽,而係原來係呢班人內心入面,對我地係暗暗偷笑,連一點尊嚴都無,一句俾你做reference就以為大哂!!

上個禮拜佢開分店,相就落哂個Catalog道,之前同我講,又話無budget又盛,新店咁大原來佢地跟本就有錢,

賺就賺自已,慳就慳人地,早知放假休息下,陪下屋企人好過,

以後唔洗指意我再幫你!!

[mic32668]

係乜鋪，買乜架？知道就以後唔幫嚫。

[mrjayz1201]

舖在尖咀,時裝,舖名費事講,個朋友仲係道做,總之好嬲!

[micros]

朋友搭上搭 ..... 都算﹐有返咁上下經驗﹐使鬼等你俾機會做 reference 咩 ...... 一聽到已經 bye bye 。
正經人做o野﹐搭 friend 都唔會咁隨便﹐唔保障人地都保障自己。

自討沒趣。

[jazyee]

一個飯盒同一個魚柳飽.....................
相就落哂個Catalog道.....................

+++++++++++++++++++++++++++++++

尼個老闆真係好PK

[kimlui]

你唔方便講名, 咁講佢個地址出來, 真係好想知咩人咁人渣!!! 呢D人唔可以縱容!!!

[mrjayz1201]

他所謂既reference對我黎講其實唔係有咁大幫助,看我老表就知,係外國攝影系畢業,獲獎返港諗住大展拳腳,搞婚紗攝影,

之後蹉陀左七年歲月,最後執笠蝕本收場,那時我已經知道做攝影跟本不行,浪費男人太多時間了,我亦唔想步我老表後塵,所以我只係當攝影係自已興趣,

或者間唔鐘幫下自已朋友,已經OK,而且我自已份工收入又唔錯,所以無諗過要有咩收獲,但至少都俾番一份尊重,唔好當我地班發燒友係傻仔,老馮要幫你影 !!

[AAC]

唔尊重知識和學術, 都係好多華人的特性. 即如覺得設計一個簡單logo, 點解要俾咁多錢你?
佢見你咁熱心, 覺得好蝦囉. 從正面來看, 當係幫助人, 自己又享受其中的樂趣, 咁會死少些細胞.

[edoxli]

生意老信得過豬都會上樹.你當他是朋友,他當你是傻仔.

師兄不如比少少暗示,那一間店和STUDIO提醒下大家.

[fathoz]

以前我都有類似經驗, 朋友既朋友搵我幫手影緝PRE-WEDDING 喎, 又係免費冇人工, 仲要坐船去到澳門影, 飯錢船錢假期一日就咁冇左, 之後仲要比人彈依樣個樣, 心諗我又唔係收你幾萬蚊....以後都唔會幫人做, 推左佢算, 自己影自己喜歡既野好過

[小黑8]

不要留情....收相啦.

[tom678]

香港重功利功效，唔係人情道理。(香港人十分欣賞的人生態度嘛)
從商人的角度看，你不收費形象已經十分低落，一句說話又可以叫你通宵工作，真的貌似傻仔。
商人佔了便宜，你不服氣，自己在家中激氣有用嗎？在這個功利的社會，你要做的是廣泛告知同行，要再沒有人為他工作，令他付出代價。

[jazyee]

照常理推, 先5好話你係5係專業攝影先, 朋友搵得你, 就已經証明你掂. 你應該比D信心自己1 定要收錢.
至於reference, 尼條PK 肯定試過好多次, 專搵新人笨7, 用reference噠人,
佢咩大牌子？？？
就算大牌子 仲要上雜誌上媒體先有用.
你如果條氣5順, 你可以攞住佢D Catalog 同佢收錢.
無功都有勞........去收錢.

[saintandrew]

呢類事情好幾年前都發生過許我身上, 我都好明白你ge心情, 幫佢地影相就好似奉旨的, 冇錢收仲要諸多意見. 無論係婚宴, 酒會, 畢業等等都會有d咁ge人. 見你冇帶部機出來幫佢地影相, 就好似做錯咩事咁, 宜家我只會影我鐘意ge野, 唔會再幫人影相lu.

[soonerorlater]

我都試過幫同事影結婚相，冇講明幾錢，影咗成日，收到利是一封，內裏只有二十元！所以以後都唔會幫人影相，除非講好價，免費/人情價呢類就一定推，除非係自己嘅好朋友。