[hazelyip]

學生一名

見D3200幾平又高像素,想買

除左平時日常生活之外 , 有時會影下明星

所以高像素吸引到我


咁係唔係配支18-105mm KIT最合適? 定係18-55mm就夠?

定係有可以提升更高像素既鏡頭 ?



同埋真係窮學生,想知D3200個價格會唔會係依2個月內再下調

我最希望係用我有限既BUDGET(最好6~8K以內)買到最高像素既相機+KIT

求高手教路



唔該晒各位 thanks!

[williantang]

我也是早兩個月前買D3200的, 我也做了不少功課

我當時是買18-55 KIT SET 的
認真說, 18-55跟18-105差不多相差二千
但就算要你買淨機身, 也很難教你買鏡(因為都不知你喜歡拍攝甚麼)

我就準備好自己做爛頭蟀, 所以明知18-55可能不夠用, 都是買這一套KIT SET 的
我個人建議兩個方案, 一是買淨機身再去配鏡頭
或者買18-105這一套就算了

還有下文的

你要先理解, 相機的三個基本, 解像度不是決定相片清晰的第一條件
ISO - 對光源的敏感性, 越高ISO, 在夜晚光源少的時候也能拍攝, 但高ISO也會令相片有雜訊
ISO通常在相機機身上寫明, D3200的ISO可以由100調到6400

光圈 - 大的光圈會令更多的光源進入相機, 拍攝到的相片就會更亮和清晰
也因為晚上拍攝時光源較少, 較大的光圈就能使用較低的ISO, 減少雜訊
另外大光圈會令拍攝的目標以外出而模糊化, 這即叫淺景深
因為相片外的東西輪廓太突出的話, 看起來就像搶掉你相拍攝的主體
你也要想像, 當鏡頭越長, 其他斜入的光線也會滅少
因此長的鏡光圈也會相對地小, 所以大光圈通常都是定焦的, 如果變焦的通常光圈沒那麼大, 或者超級的貴
新的鏡頭光圈可以說是已拆掉, 光圈控制在相機的快門上
鏡頭會永遠地以該鏡的最大光圈來拍攝
例如你買的D3200 18-105那支鏡, 光圈是F/3.5-5.6, 即在18MM時, 最大光圈是3.5, 105時最大光圈是5.6(數字越低, 光圈才越大)

快門 - 如果你的快門不夠快, 例如你想拍攝一輛飛快的車, 那麼車就會拍攝得很模糊, 但如果調太快, 光線進入不足, 相片就會很暗
所快門要調快, 光圈和ISO就要調高, 拍挧運動或飛快消失的景像
不過有時拍攝相片得要很慢的快門, 例如拍攝晚上汽車的光軌, 你就要把快門調慢
快門的控制在相機機身上, 單一相片的快門快慢並不太重視, 較高要求的要對連環快怕有高要求, 那些則需要用到相機的其他技術, D3200也只是入門機, 別要求太高
又因為一些相片需要用到較慢的快門, 所以也需要腳架和快門線來拍攝

A情況:在早上的街頭, 光線充足, ISO可調到200-400, 快門可以調快一點, 光圈也沒甚麼特別要求, 主題是物品或人的話, 可以用較大圈突出主體, 風景的話可以用小光圈清晰輪廓
B情況回家拍攝模型或公仔, 為了完美地拍攝出輸廊, ISO和光圈調低, 快門調慢, 還要裝上腳架和快門線, 家中有枱燈的話也可以用來打燈
C情況:如果拍攝星空, 為免ISO的雜訊過多, 要找來大光圈的鏡頭, 裝上腳架, 快門大約設定25-30秒(雖然D3200可以用B快門, 即按緊後可以按上幾分鏡也可以, 但是星星會移動的, 快門太慢會變成星軌)
D情況: 拍攝運動員的瞬間, 要調快快門(可能要調到1/1000), 如果還要拍攝背景, 就較小光圈, 高ISO, 相反只要拍攝運動員作主題, 就ISO調低, 用大光圈做出淺景深

不過, 這些瞬間很可能都會一瞬即逝的, 所以可以用以下模式來立即決定哪一個優先
A, 光圈先決, 調到這個模式, 姆指上的轉輪就會優先調較光圈, 快門則由相機決定
S, 快門先決, 轉輪會優先決定快門的快慢, 光圈會由相機決定
M, 全部手動
P, 自動

因為這種三角關係, 所以新手最好理解高解像度並不是[大晒]的
相片糢糊, 很可能是ISO調太高, 光圈調太高景深錯位, 快門調太慢, 手震
對焦錯了, 太光(過曝), 太暗
當然, 當你理解這些關係, 而選對了要用的鏡頭和設定
D3200的高解像度確實不錯的

大路的拍攝, 通常是四種
廣角 - 拍攝風景
遠距 - 拍攝較遠的東西或動物, 拍攝雀鳥也俗稱打雀
淺景深 - 需要用一些大光圈的鏡頭, 用於突出主體
夜景 - 通常需要大光圈和腳架

通常說低過20MM的鏡頭, 都算是廣角的了, 所以如果你買18-55或18-105, 都能滿足你拍攝風景了
除非你真得要拍攝整個維港, 否則就別花錢買那麼貴的鏡了

如果你在香港大球場上的座位, 想拍攝中間場上的明星
那你當然要買一支遠鏡
如果你買18-105, 還不夠遠的話, 你要明白再買上去的鏡也不便宜的
那你的買機機套餐得要好好考慮
1A, 淨機身+天涯鏡(4XXX+6XXX)
1B, 淨機身+遠鏡(4XXX+1XXX至4XXX)
2A, 18-55+55-200(5XXX+1XXX)
2B, 18-55+70-300(5XXX+3XXX)
3A, 18-105+大光圈(7XXX+1XXX)
3B, 18-105+70-300(7XXX+3XXX)

認真說的話, 18-105那支鏡也很快覺得不夠用
你要有心理準備自己的鏡會是[買貴咗]
放心, 每人都有這經驗.....

[williantang]

補充ISO 部分, 不是"寫明", 是相機裡的系統會在LCD MON 上顯示ISO的數字

[hazelyip]

真係好多謝你咁詳細幫我分析阿!!!

聽完你咁講 , 我真係覺得自己唔認識既野太多啦
所以今日特登去圖書館借左本nikon書黎睇...

我想問下你你部d3200去邊度買??

買既時候,有咩要注意?
點試機 ? 要試d咩架?

因為我未必去百老匯同X澤個d大型店買
去普通地舖又怕比人呃,,
所以可能簡去華仁影音買

[williantang]

我買手提電話, 當然要新的, 不會要放在橱窗的那些吧
但相機, 大多都是在橱窗拿出來賣你, 某種度上我覺得有點怪.....

我是在灣仔的電腦城買的, 如果你想格價的話, 最好就是上一些格價網
雖然說可能已經有人放二手出來
但你是新手, 怎樣鑑別相機和鏡頭好壞, 還是要點時間的
所以建議你是買一手的, 至少還有保養
有幾條問題可以問

水貨和行貨?
水貨的話, 本店有多久的保養
淨機身和有鏡套餐分別多少?

如果賣你店舖說會送以下東西, 請你不要貪心.....
腳架, 我只是買了一支120元的腳架, 不過因為不是專業的, 所以搖得很厲害, 但我不是在當風的環境拍攝的, 所以沒問題
但這個案可以想到就算店舖會送你腳架, 可能並非專業或者堅固的

相機袋, 你並不知自己會買甚麼鏡, 因為18-105雖說適合大多的拍攝, 但你總有可能多帶一支鏡或其他裝備給自己, 所以如果店舖送你一個單機的相機袋, 我肯定跟你說那是賣不出的倉底貨.....

清潔套裝
騙財的東西.....

除了適合拍攝的鏡頭, 有些必要的相機零件, 你可能會越買越多的

UV濾鏡, 因為較便宜, 很多人都用來保護鏡頭
不過UV濾鏡的功用主要是過濾不必要的光源, 例如你想拍攝池塘裡的魚時, 大概會看到天空反影出來的白光吧, 有UV濾鏡的話就會隔去一定的光, 會清楚看到水中的景物

CPL濾鏡, 跟UV濾鏡差不多, 但可以調較的濾鏡, 由兩塊鏡片組成, 可以用旋扭方式控制

腳架, 基本上腳架買一手和二手都差不多, 反正不怎的撞壞撞毀
價錢100左右的, 雖說輕身, 但不適合當風的環境
400-600左右的才是較好的, 重身而不易偏歪
再上去的就是真正的專業腳架, 那些幾千元的就不適合你去買了
當然, 也要留意腳架有沒有快拆板的, 不然你每次裝和拆, 都要扭扭扭扭扭扭, 超麻煩吧, 不過也有些確實沒有快拆板, 是給那些喜歡自己買適合的雲台
有些雲台的移動較方便, 所以腳架和雲台都有不同的需求而大可以分開來買

鏡頭筆, 25-40元, 清潔鏡頭用的碳粉筆擦, 記住使用時要單一, 向外的打圈, 讓塵粒走到鏡頭邊沿位, 千萬不要回擦
通常套裝都會送鏡頭布或噴泵, 我自己有模型用的噴槍, 也有鏡頭布, 所以也不用刻意買
清潔鏡頭和相機都有很多步驟的, 需要上網多找教學

電池柄, D3200的電池蓋可以拆出來的, 然後可以裝上電池柄, 據我知D3200好像還沒出原廠的電池柄, 副廠(非原廠的配件廠)的電池柄, 可以插入兩個D3200專用的EN-EL14電池
電池柄除了增加相機的備用電池, 電池柄上也有快門按鈕, 方便把相機弄成直立式的拍攝
大多使用專業相機的人, 只當D3200是玩具, 但還是會去配個電池柄
但在我本人來看, 暫知電池柄的款式中只不過是兩個電池的電池容量, 多一個電池柄只不過是大一點和重一點而已

閃光燈, 因為我不是專業的, 所以相機上的閃光燈都夠用
不然你就去買外置的, 但要留意用電也會變多的

快門線, 如果你有手機拍攝的經驗, 都知道手震會讓拍攝的相片變差吧
無論怎專業的人, 拿起相機都一定會有手震的問題, 所以對這類有要求都會買快門線去解決問題

相機袋, 通常用單鏡的人, 一是不用相機袋, 一是只會買單一相機用的保護袋
然後兩支鏡的話, 就會要大一點
不用相機袋的話, 建護最少也要買一塊最便宜的保護鏡來保護鏡頭
單鏡的人通常是用天涯鏡的(焦距範圍較大, 例如18-300這種), 所以不常換鏡
但因為天涯鏡都很貴的, 所以想省錢的話, 會分開近鏡的和遠距的鏡來買, 所以像你這種想省錢的話, 買相機袋時就要多保留最少1-2支鏡頭的袋位
當然你也可以用你自己的書包來裝起相機和鏡頭, 但你也知相機是電子產品, 鏡頭都是玻璃, 你的書包有沒有足夠保護, 你自己考慮了

記憶卡, 通常相機都不會送你記憶卡的了
個人建議買SANDISK或者KINGSTON都可以, 因為D3200不是太高要求的相機, 不太需要買太高速的SD 卡, 買張32G的SD也只不過是150左右而已
但我千萬提醒不能買toshiba的, 因為壞的機會也很高, 加上香港這裡的維修代理做得很差

WIFI無線配接器(6XX元), 這是由D3200的起開始支援的配件, 插入後可以讓相機連接ANDROID 手機或平板電腦, 利用APPS可以用手機變成無線快門, 立即傳輸相片到手機, 到了手機後就可以立即上傳FACEBOOK 或者WHATSAPP
不過這配件的IPHONE APP 要到年底才會開發出來

防潮箱, 一旦受潮, 霉菌可能會進入鏡頭裡, 一旦生長起來就無法阻止
如果是行貨還可以送回廠去修理, 水貨就.....
要防止, 可以買防潮箱, 便宜的可以買有軟膠條圍邊的箱, 會變色的防潮珠, 一旦變色可以拿去微波爐叮乾
但買電子的防潮箱, 不過最低入場價好像也要500元

試機, 很多東西可以試
不過因為也要你裝上鏡頭才能試, 只買機身的話, 店長不太可能會借你鏡頭去試呢= =?
先要試試相機的鏡頭, 在對焦上有沒有怪聲, 扭的時候會不會卡住(別真的太力, 扭斷了)
然後試試用P模式或其他的自動模式拍照吧(人家要做生意的, 別在這時問甚麼是M, A, S 模式了, 上網學夠就別再問店舖)
試試對焦是否正常, 要把鏡頭在最近和最遠的情況下都試試自動對焦的運作, 就拍攝店外街景, 和店內一些物品吧
另外可以試試各ISO和曝光補償的效果, 白平衡的設定, 閃光燈是否正常
還可以試試連環快拍, 不過D3200的連環不怎的強, 入門機就是這樣了

[arkera888]

個人建意~~如果有8K的話,收一台二手的D90,雖然是上几代產品,但功能上和尼康千位數的机有很大差別,

現在2手D90大約3500-4000,
再入一支定焦50 1.8D,$800(拍人像一流)
在這已經看到好處,3200沒机身馬達,所有D鏡都要手動對焦,意思就是很多平價D鏡也要手動了,另外入門机也取消了尼康的CLS創意閃灯系統,這對以後用閃灯很
重要.....
現在你還有$3000可以用~~
我會用2000入一支18-70(沒防震) 或 LZ要拍明星就入一支18-105(有防震)
還有一千我會入一支最近才出的美科MK900閃灯,
(這灯性價比非常高,LZ可以去淘宝網自己看看)

[williantang]

要說一下鏡頭的資料, 其實D3200機身可能很便宜, 但要對應的鏡頭則可能較貴

樓主需要認識鏡頭的標籤, 才明白更多價錢便宜和貴, 是有很多定義的

我只說影響價錢的幾個
機身接環上有些金屬點, 是用於回傳鏡頭的光圈和對焦資料的

鏡頭上對D3200較為要的是[AF-S] , 因為D3200沒有機身摩打, 所以需要靠鏡頭上的摩打對焦

F/1.8 G
F/1.8 是指光圈的大小, 之前有說過數字越小, 即光圈越大吧
光圈後的G或D, 泛指鏡頭上的光圈設計
D鏡頭會透過鏡頭上的晶片, 經金屬接觸點回傳光圈數字
而G鏡則將光圈拆掉, 永遠設定為最大光圈
光圈的大小以相機機身來控制
當使用一些變焦鏡時, 鏡頭也會回傳因為變焦後光圈變小的資料

簡單說AF-S鏡(新)比AF鏡(舊)貴一點
而D鏡(舊)比G鏡(新)貴

樓上師兄直接說D鏡要手動對焦, 可以說對的
D其實指光圈, 本來跟自動對焦應該是兩回事
但現在所生產的AF-S鏡都是G鏡, 而舊式的AF鏡都是D鏡
另外我暫以DCFEVER的鏡頭資料來看
http://www.dcfever.com/lens/brand.php?id=14
新鏡全部都是清一色的AF-S + G 鏡
確實如果你買D3200, 你就不能買AF鏡, 因為AF鏡都需要相機上的摩打才能對焦
假設新鏡都沒有再出AF + D 的鏡頭, 你就只能找二手鏡來買

固然, 即使AF-S + G 鏡較貴, 至少還有一定時間的保養

其他的標籤還有
18-55MM, 18-105MM, 70-300MM.......變焦鏡
35MM, 50MM, 85MM....... 定焦鏡
NIKKOR NIKON制作的鏡頭品牌
ED, 低色散鏡片, 滅少鏡片上的色散問題, 簡單說是更清晰
VR, 有防震功能

DX, 泛指片幅, 可以對應支援DX鏡的相機
(相機也有分FX 和DX, FX 指全片幅, 因為感光元件(你可以想像成底片, 較大的底片)
DX機可以用FX 或DX 鏡, 優點是整體都會減低體積, 重量和價錢
缺點是感光元件較少, 實際相片其實少了一個相框的大小
FX機只能用FX 鏡, 優點是用18MM的鏡, 也能做到大約12MM的廣角, 加上感光元件較多, 比DX機可以用更低的ISO, 拍攝更清晰相片
缺點是當配上DX 鏡時, 會可能做成黑角
另外以最新入門級的全片幅NIKON D600來說, 淨機價要16000元以上(格價網)

IF 內對焦, 自動對焦時會使用鏡筒內的鏡片移動來對焦, 減少入塵的可能(不過變焦鏡本身伸縮時也有機會把塵吸入, 入塵這個問題應該很難完美解決的)

MICRO, 微距鏡, 要拍攝螞蟻大小的東西就要找這種了

1, 泛指針對V1, J1那些機的鏡頭, 不過我沒那些鏡的資料

[arkera888]

真係好鬼死詳細.....

等我又簡單講下.......

想學攝影玩單反唔好用入門机(不解釋).....

直接DC仔或無反型下就算~~

玩單反就唔好用AUTO或P模(不解釋X2.........)

[hazelyip]

真係唔該晒你地講得咁仔細呀

你唔講真係唔知仲有咁多配件要買

D3200+18-105 應該好過D90+18-105 ??

D90本身像素好似低過D3200好多

我之前部DC(CANON G10)我覺得像素太低唔夠用

[ p.s. 平時拍照當然夠用 但拍明星時就不夠用了,因為一般都有點遠 ]

所以先想買D3200

我應該會買D3200

不過仲考慮緊要 18-55mm 定18-105mm vr kit 好

btw, 我依幾日睇書,原來後期執相對攝影都好重要 , 執相軟件你地覺得係咪photoshop最簡易上手?

[小小生]

影明星一般好少機會近距離影
105mm肯定唔夠
反正唔夠不如平D買18-55再加支長鏡
錢唔多可以考慮Nikon AF-S DX NIKKOR 55-300mm F4.5-5.6 G ED VR

[hazelyip]

AF-S DX NIKKOR 55-300mm F4.5-5.6 G ED VR

我上網睇水貨$2100左右 , 知唔知二手價幾錢左右??


如果我買d3200 18-55 (行貨$5xxx)+長鏡 (水貨$2100) 都係7k左右好似唔錯!!

無知一問nikon機洗唔洗接環架 ?

因為我之前部CANON加鏡要接環 , 未用過nikon唔知........好似唔洗?

[hazelyip]

岩岩上網睇...

Tamron SP AF70-300mm F4-5.6 Di VC USD (Model A005) 好評好似多過AF-S DX NIKKOR 55-300mm F4.5-5.6 G ED VR 好多咁

儲唔儲多一千先買好呢...

[enzo.freedom]

我玩左d3200三個月,
以下係我對呢部單反既少少意見。

當初我係買18-55 kit既,
因為真係新手,咩都唔識,
之前最多都係玩過下有masp既dc仔(nikon p310)。
買左單反之後,不其然會拎D相同之前對比,
根據網上咁多ching唔同既意見同觀念,加上身邊朋友既意見,
我慢慢搵到一套適合自己審美方法。

講返部機,d3200機身對男仔黎講,手握位比較細,
有幾細?其實你方便既話可以去mk某某相機店(cam "1+1"之類)隨便試機,
有比較之下你會搵到最岩自己既選擇。

鏡頭方面,好取決於你既攝影題材,
你話影明星,你係點影法呢?
追住佢地架車黎影?定係企定定影function?
如果多數影日常生活,咁你日常生活又會幾時影呢?
行街食飯果陣影?定係有固定地點同題材去影?
如果影明星,我覺得最好係買支天涯鏡,
近又影到,遠又影到,又唔使影影下換鏡;
日常生活方面,18-55同18-105都夠影,
當時我買機都有諗過18-105,但感覺好似高不成低不就,
所以就揀最平既kit影住先,到真係影唔到自己想影既野先換鏡都未遲。

感覺上樓主有個觀念,就係「相機像素高=相片質素高」,
呢個觀念要樓主多d爬文或者請教其他ching黎糾正!
影相好多時都係一分錢一分貨,
高像素不代表高質素!

[williantang]

我手上就有一支18-55
如果你真係唔明, 索性拎住一張A4紙, 然後伸直隻手
呢張A4紙遮住既地方, 就係你較到55MM時可以拍攝到既野

你話鍾意影明星, 但我都要問一下你, 你係咩位置影明星?
如果你可以同明星靠近大約10步, 咁你買18-55或者18-105都無問題
問題是既然明星, 就算你係佢超級粉絲
他不是有保安隨行, 就是匆匆忙忙的離開
要他定住給你拍攝, 一是舞台上, 一是在紅地毯上

你要考慮你以前追影的明星, 到底離你有多遠
55-300至少可以拍攝到4-5條行車線的距離
但是, 又很湊巧地明星就在你身邊經過, 你得要馬上換成18-55那支鏡
否則就無法對焦
然後又真的有一個明星給你任影一天, 那當然地要弄支大光圈人像鏡.....

[小小生]

其實像素高理論上解像力就會高,不過要其他野配合
1.鏡頭解像力都要高(即係要用貴鏡才發揮到威力)
2.要用低ISO(因為像素密度高,高ISO容易有雜訊,如果強力降雜訊會影響解像力)

如果要晒大相解像力高係有好處
我以前用600萬像素APS-C機400ISO以下,如果唔洗裁相晒16R絶對冇問題
不過600萬像素的DC仔最多晒8R,再高就唔得
試過2400萬像素FF機試過晒60 X 40吋絶對冇問題

我覺得FF機2400-3600萬像素都OK
但APS-C機去到2400萬像素唔會比1600-1800好好多
而一般DC仔根本800萬就去到盡,再高都作用不大