[funkyxhits]

是小弟上年買機時的經驗, 希望幫到大家

小弟從來都未用過先進電子單鏡機, 但都玩了影相有一段時間. 目的用作消閒. 也不算燒友.也沒有偏愛某品牌. 用過canon a1 同 nikon fe2(兩架係好多人眼中都覺out到爆) 但反而我樂再其中.(其實我即係完全dslr新手)

好講返正題先前排, 我想買dslr, 連資料都無搜集, 就去shop是但點了幾架$6000~$10000dslr試下渣下玩下先.

分別係 olypums E510,
一渣上去, 唔.....(唔識用,真係 ), 不過幾好渣手喎．影左幾張下咁啦，根住同個(百老會)肥哥哥店員又幾岩傾咁問長問短介紹下咁，咁就大概知道現在ｄ機既功能係點啦．又影左幾張, 發覺調較d光圈快門iso ev+/-唔係咁方便喎,下下都要睇住個mon set咁既, 光圈快門又同一個旋"樓"既, 要按住一粒制先可以switch到...好唔順手喎. 不過d相片色彩同銳利度真係好正, 加埋個防手震同除塵系統, 可以諗諗.

跟住我同肥哥哥講我朋友話canon 400D都幾好個喎.

肥哥哥好快又plug左支鏡比我玩, 一渣手...點解咁架...個握位咁Q窄既, d手指好似比鏡頭同握位夾住左咁既. 望下機身 made in japan 喎. 肥哥哥立即話, 咪得呢個made in japan ok羅, 你睇下我d手指仲粗過你, 我都係咁用.(呢一刻我以為激嬲左佢)不過我用到扯火,鬼死咁唔舒服.唉真係...細細聲咁同我講"唔好呀, 我換40D啦"(哈哈,肥哥哥咁鬼馬既).
試左影幾張, 唉...光圈快門又同一個旋"樓"既...好唔方便...其他操控同e510都好似差唔多咁...咁唔諗400D啦

肥哥哥好快攞佢心頭好40D出來啦,立即比我玩同介紹40D. (咦, 肥哥哥SELL貴唔SELL平既我好似中左計咁喎)

一渣上手, 咦掂喎 . 幾好渣喎.
嘩3"LCD好大喎, 又試左幾張, 又試左連拍. 嘩勁, D相好利喎.不過D色都係唔夠E510正, 同重左D,大架左D好似唔太方便咁...(個人比較細粒, 又唔鐘意咩好多野出街,明白相機裝備加加埋埋可以令人好辛苦) 加上買埋鏡頭已過$10000...無法了 . E510好似比較適合我.

肥哥哥見我唔要40D就問我不如Nikon D80啦.(其實當時我一次過接觸幾架高科技我有點消化唔到啦)

呢個時候,肥哥哥一路PLUG鏡一路問我玩開D咩機, 我話舊MF NIKON機. 佢就話咁正MF好難FOUCS個喎!!咁D80掂啦, 仲可以用返D舊鏡喎.(呢一刻成個人如夢初醒咁)
一渣上手, 喔...好好渣喎, 又比40D好似輕D細D但又無400D咁逼夾咁又實"正"過E510, 試影啦, 嘩好就手,兩個旋"樓"好爽喎,
又有個mono display同40D一樣，　set野可以唔駛用個lcd啦． d 相都好銳利同ｄ色都可以（都係鐘意ｅ５１０色多ｄ）．
不過一想到可以用返D舊鏡真係好開心．起碼唔係得支新鏡玩得．好快．．．同肥哥哥講ｂｙｅｂｙｅ啦．
玩左成２０ｍｉｎｓ～３０ｍｉｎｓ．　不過真係肥哥哥好好人，　叫我唔好急，　諗清楚先買．　

佢仲話當時選擇４００Ｄ係因為初初開始玩影相，　平平地４００Ｄ先啦，　所以放棄左ＮＩＫＯＮ　Ｄ８０．
但是用落就明白４００Ｄ唔適合佢自己，　但買下的ＣＡＮＯＮ器材無理由唔要，又買過其他野洗好多額外錢，所以佢決要上４０Ｄ
佢話論功能４０Ｄ的確較先進同齊備．　但Ｄ８０都有佢既優點既．（不過佢無講係咩優點）

[funkyxhits]

我個人覺得機身較細，輕巧，手感，操控已是很好的優點．
自己知道自己只是用來消閒，閒時拿來玩玩，又不是專業用途，不選擇專業器材也罷．
深信”專業”兩字不是比錢就可以有，還要付上大量時間同精力去磨練出來．
所以買機前請三思．去試清楚，問清楚．

我自同肥哥哥（佢算係一個好好既ＳＡＬＥＳ，　不但解答到問題，仲比到意見客人 ）傾過之後用了成２個月去比較，搜集資料，　有關各品牌產品配套，　如鏡頭，閃燈等等．．．（仲有好多），反覆試機幾次，又攞埋Ｄ舊鏡去試下．
最後買左．．．大家都應該估到啦，　係咪．

[ddi]

D90--Ket?

[cy3213]

THX FOR SHARING

[Rocky(mm)]

d3x

[RyzenMaster]

5d2+24-105mmL

[whispermakers]

CCC~~~~~

[kit0901m]

新手有兩種,一種有錢的,一種錢不多

有錢的都會買高階或專業機作為入門機用

窮鬼的條件有限能夠買得起入門機己不錯了,為有苦練技術用技術補償器材條件不足問題

[peterchan04]

個肥哥哥講噤多野都吾幫親佢.
下一個客 肥哥哥 一定玩殘....

其實相機來來去去都係個幾部.... info 都好易搵
入去鋪頭...重要聽 sales 講.... 先至決定....就好易買錯機.

[funkyxhits]

Kit

對了, 我正是那些poor guy了. 竟然用左架27歲既相機十幾年到2008年先捨得買新機用.
基本上要由頭學過點用.

[funkyxhits]

peterchan兄

其實入鋪頭最重要係試機, 其次係sales既服務態度同價錢.
我買鏡個日係?成個sales. 目口目面, 問一句答兩三個字.唔可以話差,只可以話佢無提供過服務比我.

[kit0901m]

新機要買才可以試不是嗎?

[peterchan04]

買機之前... 試下機都好.
nikon, canon, olympus, sony 而家係 旺角 同尖沙咀 showrooms
任試... 任玩... 換鏡... 插 cards.... 重有專人答問... 示範.

鋪頭 sales 成日都係 "推埋d吾等洗既野"
有個新手朋友... 買部 入門 dslr + kit lens...
俾個 sales 講到.... 用二千幾蚊 買左 枝 "雜廠75-300鏡"
佢都吾識影相... 要枝 75-300冇用
後未.... 要走番去回水.

[funkyxhits]

要買先可以試? 沒可能的. 唔買都可以試個喎,
係香港買東西係有一樣野行規上係無得試. 電單車.
應該係咁講試騎試著車試比油都得...係無得試渣出街行

[kit0901m]

新機可以試了不買嗎

有陳列品當然可以,如果店沒有陳列品可以要求打開盒試試?

試完有人買嗎?