[landmark]

我夢想：山寨轉接環，可以搞埋電子對焦系統函接，令唔同廠鏡轉接後都可以有返af,。如果可以做到，比貴啲價我都一定會幫襯。

我地堂堂一個山寨大國，由LV到iphone乜都山寨到，要創意連蘋果皮都幫人出埋…點解無人整相機AF誇系統轉接環？我唔相信我地既能力只可以係接得埋咁簡單。成架GTR我地都可以hack左佢個電腦系統慢慢改，莫非相機對焦系統真係高科技過加先進跑車咁多？

事實技術係咪真係咁難做？點解無人做？成本太高？無市場？怕被人告？怕被人拉？

由今次s記E轉A新轉接環，證明轉接環唔單子可以有af，就連新對焦系統、摩打都可以加埋落去都重得，證明現今科技可以去到邊。我當然唔期望山寨可以做到咁，但連接兩個唔同牌子既電子對焦系統真係咁難做？


我又夢想：相機有人可以提供好似改iphone咁，將相機部份原本被封印嘅功能，如hi iso，連拍速度，像素，可以一一釋放返出嚟，因為好多相機既cmos同電子底板高低檔機版本根本就一樣~，只係被原廠廢去部份功能，做低階設定。

假若有師兄，有相機電子系統既能力，我覺得應該搞，特別係誇系統af轉接環，我深信會有可觀既生意。

[Nailimixam]

我想相機可以好似黃金電腦咁，要邊part買邊part
咩sensor, 咩底版，咩mount,咩case都自己選

[kingkonghk]

其實大部份電子野都可以diy, 但唔係樣樣野都o岩砌

例如手機， 雖然大同小異， 但係砌就立即冇晒癮， 因為show off唔到， 要慢慢對config先知勁， 表面睇唔出

[landmark]

與Nailimixam兄既遠大夢想相比，小弟自愧不如。

[landmark]

砌都可以慢慢調整至最好，一樣反映到技術。好似車咁，改車都有唔同技術同級數，甚至超越原廠性能，贏到大賽。

[Nailimixam]

>>>兄既遠大夢想相比，小弟自愧不如。

你果D係理想
我果D係夢想

[JasonMan117]

攝錄機Red 的IDEA有些相若...

[rickwok]

反正是夢想，不如夢想所有廠商統一了接環的格式。

菲林、CD、乾電池、燈泡的格式在某程度上算是統一的。

[landmark]

世界各地電掣插頭都唔同，但係旅遊萬能插既發明，就連電壓都可調節埋，可以間接令電器世界大同。解決方法比等世界統一制式更實際，更快更簡單。

所以我覺得鏡頭接環都可以做到就最美好，而目前都已經有唔少誇平台接環，只係無af，同光圈。而家希望有既係，涉及對焦同光圈系統連接控制上。


另外，鏡頭接環同焦平面既距離，事實可唔可以經接環內加鏡片修正？

[Nailimixam]

>>>攝錄機Red 的IDEA有些相若...

可惜佢只係以呢點嚟收更離譜的價錢

[Nailimixam]

>>>事實可唔可以經接環內加鏡片修正？

當然得,我NEX轉NIKON就有

內置光圈都得